Kutch Rann Utsav 2026: કચ્છના વિશ્વપ્રસિદ્ધ રણોત્સવનો આ તારીખથી થશે ભવ્ય પ્રારંભ, પ્રવાસન વિભાગની જાહેરાત

127 દિવસ સુધી પર્યટનનું ઘોડાપૂર

પ્રવાસન વિભાગના જણાવ્યા અનુસાર, આ વર્ષનો રણોત્સવ કુલ 127 દિવસ સુધી ચાલશે. સફેદ રણની અદભૂત સુંદરતા અને સાંસ્કૃતિક વારસાને માણવા માટે દેશ-વિદેશમાંથી લાખો પ્રવાસીઓ કચ્છની મુલાકાતે આવશે. સફેદ રણની ચાંદની અને ટેન્ટ સિટીની સુવિધાઓ ફરી એકવાર પર્યટકો માટે મુખ્ય આકર્ષણનું કેન્દ્ર બનશે.

ટેન્ટ સિટી અને પર્યટનનું નવું આકર્ષણ

કચ્છનું સફેદ રણ અને ત્યાંની ટેન્ટ સિટી પ્રવાસીઓને એક અનોખો અનુભવ પૂરો પાડે છે. કચ્છની કલા, સંસ્કૃતિ, હસ્તકલા અને લોકસંગીતને વિશ્વ સ્તરે ઓળખ અપાવવામાં આ રણોત્સવ મહત્વની ભૂમિકા ભજવે છે. તંત્ર દ્વારા પ્રવાસીઓની સુવિધા માટે તમામ તૈયારીઓ અત્યારથી જ શરૂ કરી દેવામાં આવી છે. 1 નવેમ્બરથી શરૂ થતા આ ઉત્સવને લઈને સ્થાનિક વેપારીઓ અને પર્યટન ક્ષેત્ર સાથે જોડાયેલા લોકોમાં પણ ભારે ઉત્સાહ જોવા મળી રહ્યો છે.

આ પણ વાંચો:  Rajkot Jangleshwar Scam: 'ઉલટા ચોર કોતવાલને ડાંટે' જેવો ઘાટ, જંગલેશ્વર કૌભાંડ ઉજાગર કરનાર કર્મચારીને સજા આપવાની ભલામણ