ગત 9 ફેબ્રુઆરી 2026 (9th February 2026) ના રોજ મુંદરામાં ધોળા દિવસે જ્વેલર્સની દુકાનમાં ઘૂસીને લૂંટનો નિષ્ફળ પ્રયાસ કરવામાં આવ્યો હતો, જેનાથી સમગ્ર પંથકમાં ભયનો માહોલ ફેલાયો હતો. આ ગંભીર ઘટના બાદ મુંદરા પોલીસ સ્ટેશન (Mundra Police Station) માં ભારતીય ન્યાય સંહિતા (Bharatiya Nyaya Sanhita - BNS) ની વિવિધ કલમો હેઠળ ગુનો નોંધવામાં આવ્યો હતો.

Rudraksh Jewellers Robbery Case: પોલીસે બનાવી વ્યૂહરચના

આ કેસની ગંભીરતાને જોતા બોર્ડર રેન્જ આઈજી ચિરાગ કોરડીયા (IG Chirag Koradiya) અને પોલીસ અધિક્ષક વિકાસ સુંડા (SP Vikas Sunda) ના સીધા માર્ગદર્શન હેઠળ અલગ-અલગ ટીમો બનાવવામાં આવી હતી. તપાસ દરમિયાન ટેકનિકલ સર્વેલન્સ અને હ્યુમન ઇન્ટેલિજન્સ (Human Intelligence) ના આધારે પોલીસને કડી મળી હતી કે આરોપીઓ અન્ય રાજ્યોમાં છુપાયેલા છે. મુખ્ય આરોપી સતીષ સોરણસિંગ શિકરવાલ (Satish Soransingh Shikarwar), રાજેશ ઉર્ફે પટેલ મોટુ નરેશભાઈ ગુર્જર ( Nareshbhai Gurjar) અને યુસુફ ઉર્ફે ટલ્લે શરીફ ખાન (Sharif Khan) ના લોકેશન રાજસ્થાન (Rajasthan) અને ઉત્તરપ્રદેશ (Uttar Pradesh) માં મળી આવ્યા હતા.

Rudraksh Jewellers Robbery Case: પોલીસનું ફિલ્મી ઢબે ઓપરેશન

આરોપીઓ અત્યંત શાતિર હોવાથી તેમને પકડવા માટે પોલીસ ટીમે વેશ પલટો કર્યો હતો. પોલીસ જવાનોએ સુરત (Surat), આગ્રા (Agra), અલીગઢ (Aligarh), મથુરા (Mathura), ધોલપુર (Dholpur), ભરતપુર (Bharatpur) અને ચંબલ (Chambal) જેવા સંવેદનશીલ વિસ્તારોમાં 14 દિવસ સુધી ધામા નાખ્યા હતા. આરોપીઓ પર નજર રાખવા માટે પોલીસકર્મીઓએ રિક્ષાચાલક, શાકભાજી વેચનાર અને સ્થાનિક ગ્રામજનોનો વેશ ધારણ કર્યો હતો. અંતે, રાજસ્થાનના ધોલપુર (Dholpur) માંથી સતીષ શિકરવાલ અને આગ્રા (Agra) માંથી અન્ય બે આરોપીઓને ઝડપી લેવામાં આવ્યા હતા.

 બે દેશી કટ્ટા અને બે જીવતા રાઉન્ડ કબજે કર્યા

પોલીસે આરોપીઓ પાસેથી બે દેશી કટ્ટા અને બે જીવતા રાઉન્ડ (Live Rounds) કબજે કર્યા છે. પ્રાથમિક તપાસમાં બહાર આવ્યું છે કે આ ત્રણેય આરોપીઓ રીઢા ગુનેગારો છે અને તેમની સામે અગાઉ લૂંટ (Robbery), હત્યાનો પ્રયાસ (Attempt to Murder) અને આર્મ્સ એક્ટ (Arms Act) જેવા અનેક ગંભીર ગુનાઓ નોંધાયેલા છે. હાલ લોકલ ક્રાઇમ બ્રાન્ચ આ ટોળકીની વધુ પૂછપરછ કરી રહી છે.

આ પણ વાંચો: Kutch: કચ્છમાં182 કરોડનું મહાકૌભાંડ, ગરીબોના નામે ખોલ્યા બેંક ખાતા, ગાંધીધામ સાયબર ક્રાઈમે ભેજાબાજોને દબોચ્યા!