Mundra Port Drugs Case નું આતંકી કનેક્શન, NIA, DRI, ED સહિતની એજન્સીઓ તપાસમાં લાગી, જાણો અત્યાર સુધીમાં શું ખુલાસા થયા

Mundra Port Drugs Case નું આતંકી કનેક્શન

તપાસના કેન્દ્રમાં દિલ્હીના જાણીતા ઉદ્યોગપતિ હરપ્રીત સિંહ તલવાર ઉર્ફે કબીર તલવાર છે, જેઓ અનેક નાઈટક્લબના માલિક છે. પ્રિવેન્શન ઓફ મની લોન્ડરિંગ એક્ટ (PMLA) હેઠળ હાથ ધરવામાં આવેલી આ કાર્યવાહીમાં શમશુદીન નામના અન્ય એક વ્યક્તિના ઠેકાણાઓને પણ આવરી લેવામાં આવ્યા છે. NIAએ ઓગસ્ટ 2022 માં હરપ્રીત તલવારની ધરપકડ કરી હતી, જે હાલમાં જામીન પર મુક્ત છે.

ડ્રગ્સના પૈસા ક્યાં જતા હતા ?

સપ્ટેમ્બર 2021 માં DRI દ્વારા મુન્દ્રા પોર્ટ પરથી 2,988.21 કિલો હેરોઈન જપ્ત કરવામાં આવ્યું હતું, જે અફઘાનિસ્તાનથી ઈરાન થઈને આવ્યું હતું. NIAના મતે, આ માત્ર એક દાણચોરી નહોતી, પરંતુ ભારતની સુરક્ષા સામેનો એક "ટેસ્ટ કેસ" હતો. આ ડ્રગ્સના વેચાણમાંથી મળેલા નાણાંને દિલ્હીની હોસ્પિટાલિટી અને મનોરંજન ઇન્ડસ્ટ્રીમાં રોકાણ કરીને તેને 'વ્હાઇટ' (કાયદેસર) બનાવવાનો પ્રયાસ કરવામાં આવ્યો હતો.

NIA બાદ હવે ED એક્શનમાં

તપાસકર્તાઓ માને છે કે આ રકમનો ઉપયોગ આતંકવાદીઓની ભરતી, તાલીમ અને હથિયારો ખરીદવા માટે થયો હોઈ શકે છે. ED હવે આ નાણાકીય વ્યવહારોના તમામ પુરાવા અને બેંક રેકોર્ડ્સ એકત્રિત કરી રહી છે, જે નાર્કો-ટેરરિઝમ વિરુદ્ધની લડાઈમાં એક મહત્વનું પગલું સાબિત થશે.

આ પણ વાંચો:  SPG Director Alok Sharma ને 9 મહિનાનું એક્સટેન્શન, 31 માર્ચ 2027 સુધી પદ પર યથાવત રહેશે