કેળાની છાલનું મહત્વ કચરાથી વધુ, આ રીતે જાતે બનાવો ઓર્ગેનિક ફેસ પેક
- કેળાની છાલ ઓર્ગેનિક કચરાથી વધુ ઉપયોગી
- સરળ રીત અજમાવીને ઘરે જ બનાવો ફેસ પેક
- શિયાળામાં ચહેરો ચમકતો રાખવામાં ખાસ કામ લાગશે
Banana Peel Natural Face Pack : શિયાળામાં ભેજ ઓછો હોવાથી ત્વચા નિસ્તેજ અને શુષ્ક દેખાય છે. ત્વચાને નરમ અને સ્વસ્થ રાખવા માટે, લોકો વિવિધ પ્રકારના ઉત્પાદનોનો ઉપયોગ કરે છે, જે મોંઘા હોય છે, અને ઘણીવાર તેમાં રસાયણો પણ હોય છે. જે ઘણીવાર ફાયદા કરતાં વધુ નુકસાન કરે છે. આવી સ્થિતિમાં, તમે કેળાની છાલનો ઉપયોગ કરીને ફેસ પેક બનાવી શકો છો, અને તેને તમારા ચહેરા પર લગાવી શકો છો. જે કેમિકલ કરતા તો સુરક્ષિત વિકલ્પ બની શકે છે.
મૃત ત્વચા સરળતાથી દૂર થઈ જાય
કેળાની છાલમાં વિવિધ પોષક તત્વો અને એન્ટીઑકિસડન્ટ હોય છે, જે ત્વચામાંથી ગંદકી અને ફ્રિ રેડિકલ્સને દૂર કરે છે. આ ફેસ પેક લગાવવાથી ટેનિંગ અને પિગમેન્ટેશન પણ ઓછું થાય છે. કેળાની છાલનો ફેસ પેક લગાવવાથી મૃત ત્વચા સરળતાથી દૂર થઈ જાય છે, જેનાથી ત્વચા કુદરતી રીતે તેજસ્વી અને નરમ રહે છે.
ફેસ પેક બનાવવાની રીત
કેળાની છાલનો ફેસ પેક બનાવવા માટે, પહેલા બે કેળા લો, અને તેને સારી રીતે ધોઈ લો. છાલને નાના ટુકડામાં કાપીને મિક્સરમાં પીસી લો. મિશ્રણમાં એક ચમચી મધ અને અડધી ચમચી ગુલાબજળ ઉમેરો. આ પછી, એક સ્મૂધ પેસ્ટ તૈયાર કરો. મધ ત્વચાને ભેજયુક્ત બનાવે છે, જ્યારે ગુલાબજળ ત્વચાને ઠંડુ કરે છે અને છિદ્રોને કડક બનાવે છે.
ફેસ પેક કેવી રીતે લગાવવો ?
આ ફેસ પેક લગાવવા માટે, પહેલા તમારા ચહેરાને સ્વચ્છ પાણીથી ધોઈને સૂકવી દો. હવે, આ પેસ્ટને ચહેરા અને ગરદન પર હળવા હાથે લગાવો. બાદમાં તેને લગભગ 20 મિનિટ સુધી સુકાવા દો. થોડા સમય પછી, તમારા ચહેરાને સ્વચ્છ પાણીથી ધોઈ લો, અને હળવું મોઈશ્ચરાઈઝર લગાવો.
કેળાની છાલનો ફેસ પેક લગાવવાના ફાયદા
કેળાની છાલનો ફેસ પેક લગાવવાથી શુષ્કતા ઓછી થાય છે. તે ત્વચાને સ્વસ્થ રાખવામાં પણ ખૂબ મદદરૂપ છે, અને તેને કુદરતી રીતે ચમકદાર બનાવે છે.
Disclaimer : આ લેખમાં દર્શાવેલ ટિપ્સ, સૂચનો અને માહિતી માત્ર સામાન્ય માહિતીના હેતુ માટે છે અને તેને વ્યાવસાયિક તબીબી સલાહ તરીકે સમજવી જોઈએ નહીં. Gujarat First News તેની સત્યતા, ચોકસાઈ અને અસરકારકતા માટે જવાબદારી લેતું નથી. કોઈપણ પ્રશ્નો અથવા ચિંતાઓ માટે હંમેશા તમારા નિષ્ણાંત ડોક્ટરની સલાહ લો.
આ પણ વાંચો ------ Winter Plant Care Tips : શિયાળામાં છોડ સુકાઈ જાય છે ? અપનાવો આ ટીપ્સ છોડ રહેશે લીલાછમ