ઘરના કૂકરમાં માથાકૂટ વગર બનાવો મીઠાઇ, આ રહી સરળ રીત !
- મીઠાઇ પ્રેમીઓ હર ઘરમાં વસે છે
- બહારથી મીઠાઇ લાવવાની જગ્યાએ ઘરે બનાવવું હિતાવહ
- આ સરળ મીઠાઇઓ કૂકરમાં રાંધી શકાશે
Desserts In Pressure Cooker : જો કોઈ ખાસ દિવસ અથવા તો પ્રસંગ હોય, તો કંઈક મીઠી વસ્તુ ખાવી જરૂરી બને છે. ઘરે મીઠાઈ બનાવવી એ એક અનોખો અનુભવ છે. પરંતુ મોટા ભાગે સમયની મર્યાદાને કારણે, આપણે બહારથી મીઠાઈઓ મંગાવીએ છીએ. પરંતુ જો તમે ઘરે બનાવેલી મીઠાઈથી તમારા મોંને મીઠુ કરવા માંગતા હોવ, તો પ્રેશર કૂકરમાં બનાવેલી આ વિવિધ મીઠાઈઓ ચોક્કસપણે ટ્રાઇ કરી શકો છો.
ફિરની
ફિરની બનાવવી મુશ્કેલ લાગે છે, કારણ કે, દૂધ સાથે ચોખાને કલાકો સુધી તળવા માટેની મહેમત કોણ કરશે ? પરંતુ પ્રેશર કૂકર આ કાર્યને સરળ બનાવે છે. પહેલા ચોખાને પીસી લો, પછી તેને ઘીમાં તળો, બાદમાં તેમાં દૂધ ઉમેરો, પછી સ્વાદ મુજબ એલચી અને ખાંડ ઉમેરો, અને તેને કુકરમાં બંધ કરીને પાંચથી છ સીટી વગાડવા દો. ગણતરીના સમયમાં જ ફિરની તૈયાર થઈ જશે.
ખીર
દૂધમાં કલાકો સુધી રાંધેલા ચોખા સામાન્ય રીતે નરમ અને તૈયાર હોય છે. જો કે, પ્રેશર કૂકરમાં ફક્ત દૂધ, ખાંડ, એલચી અને તમને ગમતા સૂકા મેવા ઉમેરો, અને તેની બે થી ત્રણ સીટી વગાડવા દો. સીટી વાગ્યા પછી ત્રણ મિનિટ સુધી કુકરને બંધ રાખો. આ રીતે એકદમ નરમ, તમારા મોંમાં ઓગળી જાય તેવી ખીર તૈયાર થઈ જશે.
ગાજરનો હલવો
ગાજરનો હલવો બનાવવો ઘણો મુશ્કેલ લાગે છે. પણ તમે તેને પ્રેશર કુકરમાં થોડી જ મિનિટોમાં બનાવી શકો છો. પ્રેશર કુકરમાં ખાંડ સાથે છીણેલા ગાજર નાખો, પછી તેને એક સીટી સુધી રાંધો, પછી માવો ઉમેરો, અને ધીમા તાપે બે મિનિટ સુધી રાંધો. બસ, હવે તમારો ગરમાગરમ ગાજરનો હલવો તૈયાર છે.
રસગુલ્લા
જો તમને નરમ, સ્પોન્જી રસગુલ્લા જોઈએ છે, તો તમે તેને પ્રેશર કુકરમાં સરળતાથી બનાવી શકો છો. તેને ખાંડની ચાસણીમાં રાંધવાની ઝંઝટ પૂરી થઈ ગઈ છે. પહેલા દૂધને મિક્સ કરો, અને પનીરને મેશ કરીને નરમ બોલ બનાવો. પછી, આ બોલને પ્રેશર કુકરમાં મૂકો, પછી તેમાં જરૂરી માત્રામાં ખાંડ અને પાણી ઉમેરો, બાદમાં કૂકર બંધ કરો, અને તેને બે સીટી સુધી રાંધો. આટલું કરવાથી બધા રસગુલ્લા ચાસણીથી ભરાઈ જશે.
Disclaimer : આ લેખમાં દર્શાવેલ ટિપ્સ, સૂચનો અને માહિતી માત્ર સામાન્ય માહિતીના હેતુ માટે છે અને તેને વ્યાવસાયિક તબીબી સલાહ તરીકે સમજવી જોઈએ નહીં. Gujarat First News તેની સત્યતા, ચોકસાઈ અને અસરકારકતા માટે જવાબદારી લેતું નથી. કોઈપણ પ્રશ્નો અથવા ચિંતાઓ માટે હંમેશા તમારા નિષ્ણાંત ડોક્ટરની સલાહ લો.
આ પણ વાંચો -------- અભિનેતા Pankaj Tripathi સ્ટાઇલ મસાલા ચા બનાવો, ડિમાન્ડમાં રહેશો..!