Delicious makhana kheer: ચોખાની ખીરથી કંટાળી ગયા છો? તો ટ્રાય કરી જુઓ આ રેસિપી

• Delicious makhana kheer: મખાનાની ખીરની રેસિપી
• મખાનાની ખીરનો સ્વાદ ચોખાની ખીરને ભૂલી જશો
• મખાનાની ખીર બનાવવા માટે શીખો સરળ પદ્ધતિ

Delicious makhana kheer: શું તમે ક્યારેય મખાનાની ખીર ખાધી છે? જો નહીં, તો તમારે ઓછામાં ઓછી એક વાર આ રેસીપી ચોક્કસ અજમાવવી જોઈએ. પોષક તત્વોથી ભરપૂર, મખાનાની ખીર તૈયાર થવામાં વધુ સમય લાગતો નથી. જો તમે ઈચ્છો તો આ ખીર ભગવાનને પણ અર્પણ કરી શકો છો. મખાનાની ખીરનો સ્વાદ માત્ર અદ્ભુત જ નથી, પરંતુ તેને ખાવાથી તમારા સ્વાસ્થ્ય પર પણ સકારાત્મક અસર પડી શકે છે.

Delicious makhana kheer: ઘરે બનાવો પોષક અને સ્વાદિષ્ટ મખાના ખીર

જો તમને રોજેરોજની ચોખાની ખીરથી કંટાળો આવી ગયો હોય અને કંઈક નવી હલકી અને પોષક મીઠાઈ અજમાવવી હોય, તો મખાના ખીર તમારા માટે એકદમ પરફેક્ટ વિકલ્પ છે. મખાણા એટલે કે, કમળબીજ સ્વાસ્થ્ય માટે ખૂબ ફાયદાકારક માનવામાં આવે છે. તેમાં પ્રોટીન, કેલ્શિયમ અને એન્ટી-ઑક્સિડન્ટ્સ ભરપૂર માત્રામાં હોય છે. ખાસ વાત એ છે કે મખાના ખીર બનાવવી બહુ જ સરળ છે અને ઓછા સમયમાં તૈયાર થઈ જાય છે.

જરૂરી સામગ્રી અને તૈયારી

મખાના ખીર બનાવવા માટે ખાસ કોઈ વધુ સામગ્રીની જરૂરી નથી. તમને ફક્ત 2 કપ મખાણા, 1 લિટર ફુલ-ક્રીમ દૂધ, 4 ચમચી ખાંડ, 2 ચમચી ઘી, 1 ચમચી એલચી પાઉડર અને મનપસંદ બારીક સમારેલા ડ્રાયફ્રૂટ જોઈશે.

બનાવવાની સરળ રીત

સૌથી પહેલા કડાઈમાં ઘી ગરમ કરીને તેમાં મખાના નાખીને સાંતળી લો. ધીમી આંચ પર આછા ભૂરા થાય ત્યાં સુધી શેકી લો. આથી મખાણાનો કરકરો સ્વાદ અને સુગંધ બન્ને વધશે.

હવે એક વાસણમાં દૂધ ઉકાળવા મૂકો અને તે થોડું ઘટ્ટ થાય ત્યાં સુધી ઉકળવા દો. શેકેલા મખાણામાંથી થોડા આખા અલગ રાખો અને બાકીના મખાણાને મિક્સરમાં કરકરા પીસી લો. આ મખાના પાઉડરને ઉકળતા દૂધમાં ઉમેરો. ત્યારબાદ ખાંડ અને એલચી પાવડર મિક્સ કરીને સારી રીતે હલાવો. ખીર ઘટ્ટ થાય પછી ગેસ બંધ કરો. છેલ્લે ઉપરથી આખા શેકેલા મખાણા તથા ડ્રાયફ્રૂટ ઉમેરી દો.

સ્વાદ અને સ્વાસ્થ્ય – બન્નેમાં બેસ્ટ

મખાના ખીર તૈયાર છે. તમે ઈચ્છો તો તેને ભગવાનને અર્પણ કરીને પ્રસાદ રૂપે પણ લઈ શકો છો. આ ખીર માત્ર સ્વાદિષ્ટ જ નથી. પરંતુ હળવી હોવાને કારણે પાચન માટે પણ સારી છે. એકવાર બનાવશો તો ફરીથી વારંવાર બનાવશો..

આ પણ વાંચો----- શિયાળામાં સ્વાસ્થ્ય માટે સાદી કે પલાળેલી કઇ બદામ સારી, જાણો અહીં

આ પણ વાંચો------Iron: પૂરતી ઊંઘ પછી પણ થાક લાગે છે? હોઈ શકે છે આયર્નની કમી, આ 10 શાકાહારી ખોરાકથી દૂર કરો ઉણપ