રોજની થાક પાછળ છુપાયેલું કારણ હોઈ શકે છે વિટામિન Dની ઉણપ
ડૉક્ટરના જણાવ્યા અનુસાર, ઘણા લોકો સતત થાકને વ્યસ્ત જીવનશૈલી અથવા તણાવ સાથે જોડે છે. પરંતુ જો પૂરતી ઊંઘ પછી પણ શરીરમાં ઊર્જાનો અભાવ રહે, તો તે વિટામિન Dની ઉણપ (Vitamin D Deficiency)નું શરૂઆતનું લક્ષણ હોઈ શકે છે.
હાડકાં અને માંસપેશીઓ આપી શકે છે ચેતવણી
વિટામિન D શરીરમાં કેલ્શિયમના શોષણ માટે ખૂબ મહત્વપૂર્ણ છે. તેની ઉણપ હોય ત્યારે હાડકાં નબળાં પડી શકે છે અને સાંધા તેમજ માંસપેશીઓમાં દુખાવો અનુભવાઈ શકે છે. ખાસ કરીને જાંઘ, કમર અને પગમાં ભારેપણું અથવા નબળાઈ અનુભવાય તો તેને અવગણવું નહીં.
મૂડમાં ફેરફાર અને વધુ વાળ ખરતા હોય તો સાવધાન
વિટામિન Dની ઉણપ માત્ર શારીરિક જ નહીં પરંતુ માનસિક સ્વાસ્થ્ય (Mental Health) પર પણ અસર કરી શકે છે. ચીડિયાપણું, ઉત્સાહમાં ઘટાડો, મન ઉદાસ રહેવું અથવા અચાનક વાળ ખરવા જેવા લક્ષણો પણ તેની સાથે જોડાયેલા હોઈ શકે છે.
વારંવાર બીમાર પડતા હોવ તો તપાસ જરૂરી
જો તમને વારંવાર શરદી, ઉધરસ અથવા અન્ય ચેપ થાય છે અને સાજા થવામાં વધુ સમય લાગે છે, તો તે કમજોર રોગપ્રતિકારક શક્તિ (Immunity)નું સંકેત હોઈ શકે છે. નિષ્ણાતો મુજબ વિટામિન D શરીરની ઇમ્યુન સિસ્ટમને મજબૂત બનાવવામાં મહત્વપૂર્ણ ભૂમિકા ભજવે છે.
કોને વધુ જોખમ છે?
જે લોકો મોટાભાગનો સમય ઘર કે ઓફિસમાં પસાર કરે છે અને સૂર્યપ્રકાશના સંપર્કમાં ઓછા આવે છે, તેઓમાં Vitamin D Deficiencyનું જોખમ વધારે હોય છે. ઉપરાંત વડીલો, ગર્ભવતી મહિલાઓ, મેનોપોઝ બાદની મહિલાઓ અને પ્રદૂષિત વિસ્તારોમાં રહેતા લોકો પણ વધુ સંવેદનશીલ ગણાય છે. નિષ્ણાતો સલાહ આપે છે કે જો આવા લક્ષણો ઘણા અઠવાડિયા સુધી ચાલુ રહે, તો ડૉક્ટરની સલાહ લઈને Vitamin D Test કરાવવો જોઈએ.
અસ્વીકરણ: આ માહિતી સંશોધન અભ્યાસો અને નિષ્ણાતના મંતવ્ય પર આધારિત છે. તબીબી સલાહનો ઉપયોગ કરશો નહીં. કોઈપણ નવી પ્રવૃત્તિ અથવા કસરત શરૂ કરતા પહેલા હંમેશા તમારા ડૉક્ટર અથવા સંબંધિત નિષ્ણાતની સલાહ લો.
આ પણ વાંચો : Fruit Gummy Recipe : બાળકો માટે હેલ્ધી અને સ્વાદિષ્ટ ફ્રૂટ ગમી ઘરે બનાવો, બાળકો હરખાઈને ખાશે
