Cockroach Control: કોકરોચથી છુટકારો મેળવવા અજમાવો ઘરેલુ નુસખા, જાણો
- Cockroach Control: ઘરમાં વંદાના ઉપદ્રવથી રોગચાળો ફેલાઈ શકે છે.
- કેટલાક સરળ નુસખા અપનાવવાથી વંદા થશે દૂર
- ખાંડ સહિત અનેક વસ્તુઓથી કરી શકો છો ઉપાય
Cockroach Control: મોટાભાગના ઘરોમાં કોકરોચની સમસ્યા જોવા મળતી હોય છે. તેને ઘરમાંથી ભગાડવા માટે કેટલાક પ્રયાસો કરવા છતા પણ તે દૂર થતા નથી. વંદાઓ ઘરના ખૂણાઓમાં સૌથી વધારે ગંદકી ફેલાવતા હોય છે. તેમજ ખાવાની વસ્તુઓ પણ ખરાબ કરતા હોય છે. એટલું જ નહીં વંદો એક સાથે સેંકડો કોકરોચ ઉત્પન્ન થતા હોય છે. જેના કારણે ઘરમાંથી તેને દૂર કરવા મુશ્કેલ બની જાય છે.
જો વંદા તમારા ઘરમાં ઉપદ્રવ કરી રહ્યા હોય, તો આ લેખમાં કેટલીક ટીપ્સ આપવામાં આવી છે. તેને અપનાવી જોઈએ. સૌથી અગત્યનું, તમને આ વસ્તુઓ ઘરે સરળતાથી ઉપલબ્ધ મળશે.
Cockroach Control: વંદાને ઘરમાંથી આ રીતે કરો દૂર
જો તમે તમારા ઘરમાંથી કોકરોચને(Cockroach) દૂર કરવા માંગતા હો, તો સ્વચ્છતા જાળવવી ખૂબ જ મહત્વપૂર્ણ છે. ખાતરી કરો કે રસોડું સ્વચ્છ અને સૂકું રહે. ખૂણામાં ગંદકી એકઠી ન થાય તેનું પણ ધ્યાન રાખો. ગંદુ ઘર અથવા રસોડું કોકરોચ વધવાનું મુખ્ય કારણ છે.
બેકિંગ સોડા અને ખાંડનો ઉપયોગ
વંદા ભગાડવા માટે, તમે રસાયણોને બદલે તમારા રસોડામાંથી સરળતાથી મળતા બેકિંગ સોડા અને ખાંડનો ઉપયોગ કરી શકો છો. બંનેને સમાન માત્રામાં ભેળવીને એક ગોળી બનાવો અને તેને તમારા ઘરના દરેક ખૂણામાં મૂકો. મીઠાશ વંદોને આકર્ષે છે, અને જ્યારે તેઓ તેને ખાય છે, ત્યારે બેકિંગ સોડા સાથેની પ્રતિક્રિયા તેમને મારી નાખે છે.
બોરિક પાવડર પણ અસરકારક છે
બોરિક પાવડરનો ઉપયોગ કોકરોચને દૂર કરવા માટે વ્યાપકપણે થાય છે. તે સૌથી અસરકારક માનવામાં આવે છે. તમે તેને બજારમાંથી ખરીદી શકો છો. તેને લોટ સાથે ભેળવીને રસોડાની સાથે સાથે ઘરના ખૂણામાં પણ રાખો. જે ચોમાસામાં કીડીઓ અને જંતુઓને પણ દૂર કરે છે.
તમાલ પત્ર અને લવિંગનો આ રીતે કરો ઉપયોગ
વંદો(Cockroach) તમાલપત્રના પાન અને લવિંગની ગંધથી દૂર જાય છે. તેમને દૂર કરવા માટે, ઘરના દરેક ખૂણામાં તમાલ પત્ર અને લવિંગ મૂકો. તેમની તીવ્ર ગંધ તેમને દૂર ભગાડી દેશે. જો તમે ઇચ્છો તો, તમે લવિંગ અને તમાલ પત્રને અલગથી રાખી શકો છો.
લીંબુ અને મીઠાનું પાણીનો કરી શકો છો ઉપયોગ
કોકરોચ ભગાડવા આ પણ સૌથી સહેલો અને અસરકારક રસ્તો છે. પાણીમાં લીંબુ અને મીઠું ઉમેરો અને ફ્લોર સાફ કરો. વૈકલ્પિક રીતે, તમે લીંબુ અને મીઠાનું મિશ્રણ સ્પ્રે કરી શકો છો. આ પણ વંદો ભગાડે છે.
આ પણ વાંચો ------- Skin Care: તમે પણ ચહેરાના ડાઘથી પરેશાન થઈ ગયા છો? નેચરલ ફેસપેક બનાવીને લગાવો, પછી જુઓ પરિણામ