Flight Experience : ફ્લાઇટની સીટ પસંદ કરવામાં ભૂલ ન કરતા! 500 વાર બિઝનેસ ક્લાસમાં જનાર વ્યક્તિએ આપ્યા સિક્રેટ્સ
- ફ્લાઇટમાં શ્રેષ્ઠ સીટ કઈ? એક્સપર્ટે જણાવ્યું સત્ય!
- રિચર્ડ રોબિન્સને 945 ફ્લાઇટ્સમાં 15 લાખ માઇલની સફર કરી
- બિઝનેસ ક્લાસની 500 સફર બાદ આપ્યા ટિપ્સ
- સિંગાપોર એરલાઇન્સ મુસાફરો માટે સૌથી વધુ આરામદાયક
- ‘ધ રૂમ’ (The Room) સીટ પ્રાઇવસી અને સ્પેસ માટે છે બેસ્ટ
- જેટ લેગ (Jet Lag) થી બચવા માટે સીટની પસંદગી છે મહત્વની
જ્યારે આપણે ફ્લાઇટ બુક કરીએ છીએ, ત્યારે સૌથી મોટો મૂંઝવતો પ્રશ્ન એ હોય છે કે કઈ સીટ પસંદ કરવી? આ પ્રશ્નનો સચોટ જવાબ હવે એવા વ્યક્તિએ આપ્યો છે જેણે 500 થી વધુ વખત બિઝનેસ ક્લાસ (Business Class) અને અનેકવાર ફર્સ્ટ ક્લાસમાં સફર કરી છે. રિચર્ડ રોબિન્સન નામના આ મુસાફરે વર્ષ 2010 થી અત્યાર સુધીમાં 945 ફ્લાઇટ્સ દ્વારા 15 લાખ માઇલથી વધુનું અંતર કાપ્યું છે. તેમના બહોળા અનુભવ (Flight Experience) ના આધારે તેમણે વિમાનની સીટ અને સુવિધાઓ વિશે ચોંકાવનારા ખુલાસા કર્યા છે.
Flight Experience : સીટની પસંદગી અને કામનું સંતુલન
રિચર્ડ રોબિન્સનનું (Richard Robinson) માનવું છે કે સીટની પસંદગી તમારા આગામી દિવસના કામ પર નિર્ભર હોવી જોઈએ. જો તમારે ફ્લાઇટમાંથી ઉતરીને તરત જ કોઈ મહત્વની મીટિંગમાં જવાનું હોય, તો લાંબી મુસાફરીમાં આરામદાયક સીટ લેવી અનિવાર્ય છે. સારી સીટ પર મુસાફરી કરવાથી જેટ લેગ (Jet Lag) ની સમસ્યા ખૂબ જ ઓછી થાય છે. રિચર્ડ હવે લક્ઝરી ચીઝ બોર્ડ કે મોંઘી વાઇનથી પ્રભાવિત નથી થતા, પરંતુ તેઓ સીટમાં લેગ રૂમ, કમરની પોઝિશન અને આરામદાયક આર્મ-રેસ્ટ પર વધુ ધ્યાન આપે છે. તેમના મતે, જો તમારી પાસે ઉતર્યા પછી આરામનો દિવસ હોય તો તમે સીટમાં થોડું સમાધાન કરી શકો છો, પરંતુ કામના દિવસે તે જોખમી સાબિત થઈ શકે છે.
શ્રેષ્ઠ સીટ અને એરલાઇન્સ
રિચર્ડના મતે, જાપાનની એક એરલાઇન દ્વારા આપવામાં આવતી ‘ધ રૂમ’ (The Room) નામની સીટ સૌથી શ્રેષ્ઠ છે. આ સીટ એટલી પહોળી છે કે તેમાં બે વ્યક્તિ આરામથી બેસી શકે છે અને તે સંપૂર્ણ ફ્લેટ બેડમાં ફેરવાઈ જાય છે. આ સીટમાં દરવાજો પણ હોય છે, જે મુસાફરને પ્રાઇવસી પૂરી પાડે છે. એરલાઇન્સની વાત કરીએ તો, સિંગાપોર એરલાઇન્સ (Singapore Airlines) રિચર્ડની ફેવરિટ છે, કારણ કે ત્યાં જમવાની ઉત્તમ વ્યવસ્થા અને 1-2-1 કેબિન લેઆઉટ અત્યંત સુવિધાજનક હોય છે, જેનાથી પેસેન્જરને ગમે ત્યારે બહાર નીકળવામાં તકલીફ પડતી નથી.
આ પણ વાંચો : LED Card : હવે ક્રેડિટ કાર્ડમાં પણ લાઇટની સુવિધા, પેમેન્ટ કરતા મળશે સંકેત