Golden Orb : સમુદ્રના પેટાળમાંથી મળ્યું રહસ્યમય ઈંડુંં, એલિયન્સના કનેક્શનની આશંકા
- Golden Orb મળી આવતા ઉત્સુકતા સાથે કૌતુક સર્જાયું
- દરિયાના પેટાળમાંથી મળેલા સોનેલી ઈંડાનું પરિક્ષણ કરાયું
- જીનોમ સિક્વન્સિંગ કરતા સચ્ચાઇ સામે આવવા પામી હતી
Golden Orb : ઓગસ્ટ 2023 ની તારીખ હજુ પણ વૈજ્ઞાનિકોના મનમાં તાજી છે, જ્યારે અલાસ્કાના અખાતની સપાટીથી લગભગ 10,800 ફૂટ નીચે એક "સોનેરી ઈંડું" જોવા મળ્યું હતું. જ્યારે NOAA ટીમ તેમના રોબોટિક કેમેરાથી સમુદ્રને સ્કેન કરી રહી હતી, ત્યારે તેમને એક ખડક સાથે ચોંટેલી આ ચમકતી વસ્તુ દેખાઈ હતી. ચાર ઇંચનો ગોળો પિત્તળ જેવો ચમકતો હતો, અને તેમાં એક નાનો છિદ્ર પણ હતો. તે કોઈ ફિલ્મના દ્રશ્ય જેવું હતું, જ્યાં બીજા ગ્રહ પરથી કોઈ વસ્તુ પૃથ્વી પર પડી હતી. દરેક વ્યક્તિ આ સોનેરી ઈંડા અંગે સસ્પેન્સમાં હતા, અને આશ્ચર્ય પામી રહ્યા હતા કે તે શું છે.
Golden Orb, જીનોમ સિક્વન્સિંગનો આશરો લીધો
શરૂઆતમાં, અટકળો પ્રવર્તી રહી હતી. કેટલાક તેને મૃત સ્પોન્જ કહી રહ્યા હતા, અન્ય એક દુર્લભ કોરલ. મામલો ત્યારે જટિલ બની ગયો કે, જ્યારે સરળ DNA પરીક્ષણો પણ નિષ્ફળ ગયા હતા. બાદમાં જ્યારે વૈજ્ઞાનિકોએ સંપૂર્ણ-જીનોમ સિક્વન્સિંગનો આશરો લીધો ત્યારે જ રહસ્ય ખુલ્યું હતું. વાસ્તવમાં, આ કોઈ એલિયનનું ઈંડું નહોતું, પરંતુ 'રેલિકેન્થસ ડેફની' (Relicanthus daphneae) નામના વિશાળ દરિયાઈ એનિમોનના અવશેષો હતા. આ એનિમોન ઊંડા અંધકારમાં રહે છે, અને તેમના ડંખવાળા ટેન્ટેકલ્સ 6 ફૂટથી વધુ લાંબા થઈ શકે છે.
આ પણ વાંચો - Rat Snake : ખેડૂતનો મિત્ર બનીને સાથ આપતો સાપ, આ રીતે બન્યો સાથી
Golden Orb, પૃથ્વીના ભવિષ્યને સમજવા માટે મહત્વપૂર્ણ
વૈજ્ઞાનિકોના મતે, આ સોનેરી ઈંડુ વાસ્તવમાં મૃત ત્વચા, અથવા કોષોનો સમૂહ હતો, જે એનિમોન દ્વારા તેની હિલચાલ અથવા પ્રજનન દરમિયાન છોડી દેવામાં આવ્યો હતો. આ શોધ દર્શાવે છે કે, આજે પણ, આપણા મહાસાગરો એક રહસ્ય છે. NOAA નિષ્ણાતો માને છે કે, આવા રહસ્યોને ઉકેલવા એ ફક્ત આપણી સલામતી માટે જ જરૂરી નથી, પણ પૃથ્વીના ભવિષ્યને સમજવા માટે પણ મહત્વપૂર્ણ છે. કુદરત પાસે રહસ્યોનો ખજાનો છે, જે માનવો ક્યારેય સંપૂર્ણ રીતે સમજી શકશે નહીં. આ "સોનેરી ઈંડુ" તો ફક્ત શરૂઆત છે; કોણ જાણે સમુદ્રના અંધારા ખૂણામાં કેટલા રહસ્યો તેમનો વારો આવવાની રાહ જોઈ રહ્યા છે.
આ પણ વાંચો - Body Facts : માનવ શરીર આટલી જ ગરમી વેઠી શકે, ત્યાર બાદ તકલીફ શરૂ !