ટોપ ફ્લોરનું ઘર બની ગયું છે 'બોઈલર'? AC પણ ફેઈલ થઈ જાય ત્યારે અપનાવો આ 5 રામબાણ ઈલાજ
- ટોપ ફ્લોર પર રહેતા લોકો માટે સૌથી મોટી રાહત! (Keep Home Cool)
- આ વર્ષે ઉનાળામાં ગરમી તોડશે 10 વર્ષનો રેકોર્ડ
- એસી વગર ઘરને ઠંડું રાખવાના 5 સચોટ ઉપાયો
- વ્હાઈટ પેન્ટ અને ટેરેસ ગાર્ડનથી તાપમાનમાં થશે મોટો ઘટાડો
- ગરમ હવા બહાર કાઢવા એક્ઝોસ્ટ ફેનનો કરો આ રીતે ઉપયોગ
Keep Home Cool : ઉનાળાનો પ્રારંભ થઈ ચૂક્યો છે અને સૂર્યદેવ અત્યારથી જ આકરા મિજાજમાં જોવા મળી રહ્યા છે. સામાન્ય રીતે જે લોકો બિલ્ડિંગના નીચેના કે વચ્ચેના માળે રહે છે તેમને ખાસ તકલીફ પડતી નથી, પરંતુ અસલી આફત તો તેમના માટે છે જેઓ ટોપ ફ્લોર (Top Floor) પર રહે છે. બપોરના સમયે છત એટલી તપે છે કે ઘરની અંદર રહેવું મુશ્કેલ બની જાય છે. ઘણીવાર તો સ્થિતિ એવી સર્જાય છે કે એસી ચાલુ હોવા છતાં ગરમ દીવાલોને કારણે ઠંડક અનુભવાતી નથી. જો તમે પણ આ 'બોઈલર' જેવી ગરમીથી છુટકારો મેળવવા માંગો છો, તો આ ખાસ ટિપ્સ તમારા માટે જ છે.
Keep Home Cool : ગરમી સામેનું સૌથી મોટું હથિયાર
ગરમીથી બચવાનો સૌથી સસ્તો અને શ્રેષ્ઠ ઉપાય છે છત પર સફેદ રંગ અથવા હીટ રિફ્લેક્ટિવ પેન્ટ (Heat Reflective Paint) લગાવવો. વિજ્ઞાન કહે છે કે સફેદ રંગ સૂર્યના કિરણોને પરાવર્તિત કરે છે. જો તમે છત પર વ્હાઈટ પેન્ટ અથવા ચૂનો લગાવો છો, તો તે સૂર્યની 80% ગરમીને પાછી મોકલી દે છે, જેનાથી તમારા રૂમનું તાપમાન સીધું 4 થી 5 ડિગ્રી ઘટી જાય છે.
ટેરેસ ગાર્ડન: કુદરતી એસી
તમારી છત પર નાનું ટેરેસ ગાર્ડન (Terrace Garden) બનાવવું એ માત્ર શોખની વાત નથી, પણ ગરમી ઘટાડવાનો જાદુઈ રસ્તો છે. કુંડામાં રહેલી માટી અને છોડ સૂર્યની સીધી ગરમીને નીચેના સ્લેબ સુધી પહોંચવા દેતા નથી. આ ઉપરાંત, સાંજે છત પર પાણીનો છંટકાવ કરવાથી અને ઘાસની ચટાઈ પાથરવાથી રાત્રે રૂમમાં ગજબની ઠંડક જળવાઈ રહે છે.
સ્માર્ટ વેન્ટિલેશન: ગરમ હવાને કરો ટા-ટા
બપોરના સમયે ઘરની અંદરની હવા અત્યંત ગરમ હોય છે. આ સમયે કિચન અને બાથરૂમના એક્ઝોસ્ટ ફેન (Exhaust Fan) ચલાવવાથી ઘરની અંદર ભરાયેલી ગરમ હવા બહાર નીકળી જાય છે. રાત્રે જ્યારે બહાર ઠંડક હોય ત્યારે જ બારીઓ ખોલવી જોઈએ જેથી કુદરતી ઠંડી હવા અંદર આવી શકે.
આ વર્ષે હવામાન વિભાગે (IMD) પણ હીટવેવની આગાહી કરી છે, ત્યારે પારો ઉપર જાય તે પહેલા જ આ તૈયારીઓ કરી લેવી હિતાવહ છે. આ નાનકડા ફેરફારો તમારા વીજળીના બિલમાં પણ ઘટાડો કરશે અને તમને આકરી ગરમીમાં પણ ઠંડકનો અહેસાસ કરાવશે.
આ પણ વાંચો : Delulu Dating : વ્યક્તિમાં ખામી છતાં સંબંધોમાં ટકી રહેવાનો ગજબ ટ્રેન્ડ !