• આજના અતિ વ્યસ્ત માહોલમાં લોકો પુરતી ઊંઘ ( Enough sleep) લેતા નથી
• બિનઆરોગ્યપ્રદ દિનચર્યાને કારણે ઊંઘનો સમય પ્રભાવિત થાય છે
• પૂરતી ઊંઘ ન મળે ત્યારે શરીર તમને સંકેત આપે છે

આજના અતિ વ્યસ્ત માહોલ અને મોબાઇલ યુગમાં લોકો પુરતી ઊંઘ લેતા નથી, જેના લીધે તેમના શરીર પર સીધી અસર થાય છે, હાલના સમયમાં પુરતી ઊંઘ લેવી લોકો માટે એક પડકાર બની ગયો છે.મોડી રાત્રે મોબાઈલ કે લેપટોપનો ઉપયોગ અને બિનઆરોગ્યપ્રદ દિનચર્યાને કારણે ઊંઘનો સમય અને ગુણવત્તા બંને પ્રભાવિત થાય છે. ઊંઘ ફક્ત આરામનું સાધન નથી, પરંતુ તે શરીર અને મન બંને માટે ખૂબ જ મહત્વપૂર્ણ છે.

સારી ઊંઘ લેવાથી આપણો મૂડ, ઉર્જા અને વિચારવાની અને સમજવાની ક્ષમતામાં સુધારો થાય છે. ઊંઘનો અભાવથી ધીમે ધીમે આપણા સ્વાસ્થ્ય પર અસર કરે છે. જ્યારે ઊંઘ પૂર્ણ થતી નથી, ત્યારે તેની અસર ફક્ત થાક સુધી મર્યાદિત નથી, પરંતુ શરીર ઘણી રીતે સંકેતો આપવાનું શરૂ કરે છે કે તમને આરામ મળ્યો નથી, ઘણીવાર આવા સંકેતોને આપણે અવગણીએ છીએ, પરંતુ સમયસર તેમને ઓળખવા જરૂરી છે, જેથી ભવિષ્યમાં મોટી સમસ્યાઓ ટાળી શકાય. જ્યારે તમને પૂરતી ઊંઘ ન મળે ત્યારે કયા સંકેતો હોય છે. આ સાથે, અમે સારી ઊંઘ મેળવવા માટેની ટિપ્સની પણ ચર્ચા કરીશું ચાલો વિગતવાર જાણીએ

પુરતી ઊંઘ ( Enough sleep) ન મળે તો આ સંકેતો જોવા મળે છે

જો તમે આખો દિવસ થાકેલા રહો છો, તમે આળસથી ઘેરાયેલા રહો છો અને કોઈ કામ કરવાનું મન થતું નથી, તો આ ઊંઘના અભાવનું લક્ષણ હોઈ શકે છે.

જ્યારે તમને પૂરતી ઊંઘ ન મળે ત્યારે મૂડ સ્વિંગની સમસ્યા પણ હોય છે. તમે હંમેશા ચીડિયાપણું અથવા બેચેની અનુભવી શકો છો.

ઊંઘના અભાવે તમારા શરીરની રોગપ્રતિકારક શક્તિ નબળી પડી શકે છે. આવી સ્થિતિમાં, તમે વારંવાર બીમાર પડી શકો છો. તમને શરદી, ખાંસી, ફ્લૂ અને તાવ આવી શકે છે. જો તમારી સાથે પણ આવું થઈ રહ્યું છે, તો સમજો કે તમારે સારી ઊંઘ લેવાની જરૂર છે.

આ ઉપરાંત, ઊંઘનો અભાવ મગજ પર નકારાત્મક અસર કરે છે. યાદશક્તિ નબળી પડી શકે છે. તમને ધ્યાન કેન્દ્રિત કરવામાં પણ સમસ્યાનો સામનો કરવો પડી શકે છે. જો તમે નાની નાની વાતો પણ ભૂલી જાઓ છો, તો આ ઊંઘના અભાવનું લક્ષણ પણ હોઈ શકે છે.

જો તમને પૂરતી ઊંઘ ન મળે, તો તે તમારી ભૂખને પણ અસર કરે છે. કાં તો તમને વારંવાર ભૂખ લાગશે, અથવા ખાવાની ઇચ્છા થતી નથી.

સારી ઊંઘ (( Enough sleep) મેળવવા માટે આ ટિપ્સ છે

યોગ કરો.

કસરત કરો.

ધ્યાન કરો.

સૂતી વખતે રૂમની લાઇટ્સ મંદ રાખો.

તમે હળવું સંગીત વગાડી શકો છો.

સૂતા પહેલા ચા કે કોફી પીવાનું ટાળો.

આ પણ વાંચો:   ભારતમાં 'હમ દો, હમારે દો' નું સૂત્ર જ બચ્યું, જાણો આજની હકીકત શું છે