Greek Yogurt VS Curd: ગ્રીક યોગર્ટ કે દહીં... તમારા સ્વાસ્થ્ય માટે કયું વધુ ફાયદાકારક, જાણો

• Greek Yogurt VS Curd તમારા માટે ક્યું વધારે સારું
• વજન ઘટાડવા માટે શું ખાવું હીતાવહ ?
• ગ્રીક યોગર્ટ અને દહીંમાંથી પ્રોટીન ક્યામાં વધારે ?

Greek Yogurt VS Curd  : ભારતીય ઘરોમાં દહીંનો વ્યાપક ઉપયોગ થાય છે. લોકો તેનો ઉપયોગ રાયતાથી લઈને લસ્સી સુધી બધું બનાવવા માટે કરે છે. તેને સીધા બપોરના ભોજનમાં પણ ઉમેરે છે. જો કે ગ્રીક યોગર્ટ પણ લોકોમાં ખૂબ જ લોકપ્રિય બન્યું છે. તેને સ્વાસ્થ્ય અને તંદુરસ્તી માટે એક સારો અને સ્વાદિષ્ટ વિકલ્પ માનવામાં આવે છે. ગ્રીક યોગર્ટ અને દહીંના સ્વાદમાં વધારે તફાવત નથી હોતો. પરંતુ તેના અંદર રહેલા પોષક તત્વોમાં તફાવત હોય છે.

અત્યારે લોકો ખાવામાં નવા નવા ટ્રેન્ડને ફોલો કરે છે. જ્યારે કેટલાક પરંપરાગત ખાવાની આદતોને વળગી રહેવાનું પસંદ કરે છે. દહીં હંમેશા ભારતીય ભોજનનો અભિન્ન ભાગ રહ્યો છે.

નિષ્ણાતનો અભિપ્રાય મેળવો

ન્યૂટ્રિશનિસ્ટના જણાવ્યા અનુસાર તમારા આહારમાં ગ્રીક યોગર્ટ અને દહીંનો સમાવેશ કરવો તમારા સ્વાસ્થ્ય માટે લાભકારક છે. જો દહી અને ગ્રીક યોગર્ટમાં કેલ્શિયમની વાત કરીએ તો 100 ગ્રામ દહીંમાં 180 મિલિ ગ્રામ જેટલું કેલ્શિયમ હોય છે. જ્યારે 100 ગ્રામ ગ્રીક યોગર્ટમાં 110 મિલિગ્રામ જેટલું કેલ્શિયમ હોય છે. પ્રોટીનથી ભરપૂર હોવાથી ગ્રીક યોગર્ટ સ્નાયુઓને મજબૂત બનાવે છે લાંબા સમય સુધી પેટ ભરેલું રહે છે. તેવી જ રીતે, દહીં તમારા હાડકાં માટે સારું છે.

કેલરી અને ફેટનું પ્રમાણ કેટલું ?

જો આપણે ગ્રીક યોગર્ટ અને દહીંના ફેટ-કેલરી સામગ્રીની તુલના કરીએ, તો દહીંમાં કેલરીની સંખ્યા ઓછી હોય છે, જ્યારે ગ્રીક દહીંમાં વધુ કેલરી અને યોગર્ટ હોય છે. પ્રોટીન સામગ્રીમાં થોડો તફાવત અવગણીને, વજન ઘટાડવા માટે ગ્રીક યોગર્ટ કરતા દહીં વધુ ફાયદાકરાક છે.

તમારા માટે ક્યું લાભકારક ?

સ્વાસ્થ્યની દ્રષ્ટિએ ગ્રીક યોગર્ટ અને દહીંની સરખામણી કરીએ તો, બંનેનું સેવન મધ્યમ માત્રામાં કરવામાં આવે તો તે ફાયદાકારક છે. ફેટ, કેલરી, કેલ્શિયમ અને વિવિધ પોષક તત્વોની દ્રષ્ટિએ, દહીંમાં વધુ પ્રોબાયોટિક્સ પણ હોય છે, જે તેને આંતરડાના સ્વાસ્થ્ય માટે વધુ ફાયદાકારક બનાવે છે. ગ્રીક યોગર્ટ ઘણીવાર સ્વાદવાળું હોય છે, જે ખાંડ અને અન્ય ઉમેરણો તરફ દોરી શકે છે, જે દહીંની તુલનામાં તેના ફાયદા ઘટાડી શકે છે.