LPG Cylinder: સાવધાન! ગેસ બુકિંગના નિયમોમાં થયો ફેરફાર, હવે આ એક ભૂલ કરશો તો નહીં મળે સિલિન્ડર

LPG Cylinder: ડિલિવરીના સમયમાં ફેરફાર અને નવા નિયમો

સરકારના જણાવ્યા અનુસાર, અગાઉ જે ગેસ સિલિન્ડરની ડિલિવરી (Cylinder Delivery) 2 થી 3 દિવસમાં થઈ જતી હતી, તેમાં હવે 4 થી 5 દિવસનો સમય લાગી શકે છે. પેટ્રોલિયમ મંત્રાલયના જોઈન્ટ સેક્રેટરી સુજાતા શર્માએ જણાવ્યું છે કે લોકોએ પેનિક બુકિંગ (Panic Booking) વધુ કર્યું હોવાથી ડિલિવરીના સમયમાં થોડો વધારો થયો છે. જોકે, આ વ્યવસ્થા ટૂંક સમયમાં પૂર્વવત થઈ જવાની આશા વ્યક્ત કરવામાં આવી છે. ગ્રાહકો અત્યારે શહેરી વિસ્તારોમાં ૨૫ દિવસ પછી અને ગ્રામીણ વિસ્તારોમાં (Rural Areas) ૪૫ દિવસ પછી ગેસ બુક કરી શકે છે, જેમાં કોઈ પણ પ્રકારની સમસ્યા નથી.

આ પણ વાંચો----- Chardham Yatra 2026: સાવધાન! ગ્રીન કાર્ડ વગર ચારધામના રૂટ પર વાહન લઈ ગયા તો થશે ભારે દંડ, આજથી પ્રક્રિયા શરૂ

LPG Cylinder: સુરક્ષા માટે OTP ફરજિયાત અને અન્ય સાવચેતી

ગેસ સિલિન્ડરની ડિલિવરી પ્રક્રિયામાં પારદર્શિતા અને સુરક્ષા (Security) જળવાઈ રહે તે માટે ભારત સરકારે હવે ઓટીપી (OTP) સિસ્ટમ ફરજિયાત બનાવી છે. જ્યારે પણ ડિલિવરી બોય તમારા ઘરે સિલિન્ડર લઈને આવે, ત્યારે તમારે તમારા રજિસ્ટર્ડ મોબાઈલ નંબર પર આવેલો ઓટીપી તેમને જણાવવો પડશે. આ ડિલિવરી ઓથેન્ટિકેશન કોડ (Authentication Code) વગર સિલિન્ડરની ડિલિવરી થઈ શકશે નહીં. ગ્રાહકોને ખાસ સૂચના આપવામાં આવી છે કે તેઓ માત્ર સત્તાવાર ડિલિવરી બોયને જ ઓટીપી આપે, જેથી કોઈ પણ પ્રકારની છેતરપિંડી (Fraud) થી બચી શકાય.

LPG Cylinder: સરકારની ચાંપતી નજર અને ભાવિ આયોજન

વૈશ્વિક સ્તરે પ્રવર્તી રહેલા યુદ્ધ અને તણાવની સ્થિતિ વચ્ચે પણ ભારત સરકાર ઇંધણના પુરવઠા (Fuel Supply) પર સતત નજર રાખી રહી છે. પેટ્રોલ-ડીઝલ અને એલપીજી ગેસની કમી ન સર્જાય તે માટે કેન્દ્ર સરકાર (Central Government) શક્ય તમામ પ્રયાસો કરી રહી છે. ગેસ કંપનીઓને પણ આદેશ આપવામાં આવ્યા છે કે તેઓ ગ્રાહકોની સુવિધાનું ધ્યાન રાખે અને ડિલિવરીમાં થતો વિલંબ (Delay) ઘટાડવા માટે કાર્યક્ષમતા વધારે. સરકારે લોકોને અપીલ કરી છે કે તેઓ અફવાઓથી દૂર રહે અને જરૂરિયાત મુજબ જ બુકિંગ કરાવે જેથી વ્યવસ્થા જલ્દી સામાન્ય થઈ શકે.

આ પણ વાંચો---- Induction Guide: ઈન્ડક્શન કુકિંગમાં માસ્ટર બનો, રસોઈ બગડતી અટકાવવા માટે આ પાવર સેટિંગ્સ વિશે જાણો