આંતરરાષ્ટ્રીય મહિલા દિવસ દર વર્ષે 8 માર્ચે મહિલાઓના સન્માનમાં ઉજવવામાં આવે છે. આ દિવસે ઓફિસો, શાળાઓ, સરકારી સંસ્થાઓ વગેરેમાં પણ મહિલાઓનું સન્માન કરવામાં આવે છે, જેથી તેઓ આ દિવસે સ્પેશિયલ ફીલ કરી શકે.દર વર્ષે 8 માર્ચે આંતરરાષ્ટ્રીય મહિલા દિવસ ઉજવવામાં આવે છે. આ દિવસે દેશ અને દુનિયાના લોકો મહિલાઓને શુભેચ્છા પાઠવે છે અને તેમને સ્પેશિયલ ફીલ કરાવે છે. આ વખતની થીમ શું છે? દર વર્ષે મહિલા દિવસ કોઈ ને કોઈ થીમ પર આધારિત હોય છે. યુનાઇટેડ નેશન્સ અનુસાર, આ વખતે આંતરરાષ્ટ્રીય મહિલા દિવસ 2022 (IWD 2022) ની થીમ છે 'જેન્ડર ઇક્વાલિટી ટુડે ફોર એ સસ્ટેનેબલ ટુમોરો' એટલે કે મજબૂત ભવિષ્ય માટે લિંગ સમાનતા જરૂરી છે.આ ખાસ દિવસનો પાયો લગભગ 112 વર્ષ પહેલા નાખવામાં આવ્યો હતો. વર્ષ 1908માં જ્યારે મહિલાઓએ અમેરિકામાં પોતાના અધિકારો માટે અવાજ ઉઠાવ્યો હતો. આ દિવસે મહિલાઓની આર્થિક, રાજકીય અને સામાજિક સિદ્ધિઓને યાદ કરવામાં આવે છે. મોટાભાગના લોકો આ દિવસે મહિલાઓને ફૂલ અને ભેટ આપે છે. ઘણા દેશોમાં આ દિવસે રજા હોય છે, શાળા, કોલેજ, ઓફિસમાં મહિલાઓને આ દિવસે રજા આપવામાં આવે છે.આ દિવસ દરેક દેશમાં અલગ અલગ રીતે ઉજવવામાં આવે છે. આ દિવસે મહિલાઓની આર્થિક, રાજકીય અને સામાજિક સિદ્ધિઓને યાદ કરવામાં આવે છે. મોટાભાગના લોકો આ દિવસે મહિલાઓને ફૂલ અને ભેટ આપે છે. પરંતુ એવા ઘણા ઓછા લોકો છે જેઓ આંતરરાષ્ટ્રીય મહિલા દિવસ સાથે સંબંધિત ઇતિહાસ વિશે જાણે છે કે, આંતરરાષ્ટ્રીય મહિલા દિવસ કેવી રીતે શરૂ થયો, તે ફક્ત 8 માર્ચે જ કેમ ઉજવવામાં આવે છે. આંતરરાષ્ટ્રીય મહિલા દિવસની શરૂઆત વિરોધ આંદોલન સાથે થઈ. વર્ષ 1908 માં, 28 ફેબ્રુઆરીના રોજ, લગભગ 15,000 મહિલાઓએ અમેરિકાના ન્યૂયોર્ક સિટીમાં નોકરીમાં ઓછા કલાકો, પુરૂષો સમાન વેતન અને મતદાનના અધિકારના વિરોધમાં માર્ચ કાઢી હતી. બરાબર એક વર્ષ પછી અમેરિકાની સમાજવાદી પાર્ટીએ 28 ફેબ્રુઆરીને પ્રથમ રાષ્ટ્રીય મહિલા દિવસ તરીકે જાહેર કર્યો. આ પછી ફેબ્રુઆરીના છેલ્લા રવિવારે તેની ઉજવણી થવા લાગી.ક્લારા ઝેટકીન એ પ્રથમ વ્યક્તિ હતી જેણે આંતરરાષ્ટ્રીય સ્તરે મહિલા દિવસની ઉજવણી વિશે વિચાર્યું. ક્લારા ઝેટકીને સૌપ્રથમ 1910 માં કોપનહેગનમાં કાર્યકારી મહિલાઓની આંતરરાષ્ટ્રીય પરિષદમાં આંતરરાષ્ટ્રીય મહિલા દિવસની ઉજવણી કરવાનું સૂચન કર્યું હતું. ત્યારે પ્રેસ કોન્ફરન્સમાં વિશ્વના 17 દેશોમાંથી 100 મહિલાઓ સામેલ થઈ હતી. બધાએ આ સૂચનને સમર્થન આપ્યું અને 1910 માં, સમાજવાદી આંતરરાષ્ટ્રીયની કોપનહેગન કોન્ફરન્સમાં, મહિલા દિવસને આંતરરાષ્ટ્રીય દરજ્જો આપવામાં આવ્યો. તે સમયે તેનો મુખ્ય હેતુ મહિલાઓને મત આપવાનો અધિકાર મેળવવાનો હતો, કારણ કે તે સમયે મોટાભાગના દેશોમાં મહિલાઓને મત આપવાનો અધિકાર નહોતો. આંતરરાષ્ટ્રીય મહિલા દિવસ સૌપ્રથમ 1911 માં સ્વિટ્ઝર્લેન્ડ, ઓસ્ટ્રિયા, ડેનમાર્ક અને જર્મનીમાં ઉજવવામાં આવ્યો હતો. 1917 માં, સોવિયત સંઘે આ દિવસને રાષ્ટ્રીય રજા જાહેર કરી. જે પછી તે હવે ઘણા પૂર્વી દેશોમાં પણ ઉજવવામાં આવે છે.
LIVE
