• પૂજાના વાસણોને પણ દિવાળી પૂર્વે સારી રીતે ચમકાવો
• ઘરમાં જ સરળ ઉપાય કરીને જૂના વાસનોને નવા જેવા બનાવો
• ચકાચક વાસણોની સમક કોઇના પણ ધ્યાનમાં સરળતાથી આવી જશે

Clean Silver Brass And Copper Utensils Tips : દિવાળીના (Diwali 2025) આગમન પહેલા જ લોકો પોતાના ઘરની સફાઈમાં વ્યસ્ત હોય છે. આ સ્થિતિમાં, તેઓ દિવાલો, ફર્નિચર અને બધી જરૂરી વસ્તુઓ સાફ કરે છે. જોકે, ઘણા લોકો પૂજાના વાસણો સાફ કરવાનું ભૂલી જાય છે. વાસ્તવમાં, પૂજામાં તાંબા અને પિત્તળના વાસણોનો ઉપયોગ થાય છે, જે સમય જતાં કાળા પડી શકે છે. જો કે, તમે તેમને સરળતાથી સાફ કરી શકો છો, અને તેને નવા જેવા ચમકાવી શકો છો. આ સરળ સ્ટેપ્સ ફોલો કરીને તમારા જુના વાસણોને ચમકાવો

ફટકડી અને લીંબુનો ઉપયોગ

તમે પૂજામાં વપરાતા તાંબા અને પિત્તળના વાસણોને સાફ કરવા માટે ફટકડી અને લીંબુનો ઉપયોગ કરી શકો છો. આ કરવા માટે, પહેલા લીંબુના રસમાં ફટકડી પાવડર મિક્સ કરો. પછી, આનાથી વાસણો સાફ કરો. આનાથી વાસણો પર જામેલી ગંદકી સરળતાથી દૂર થઈ જશે.

લોટ ઉપયોગી નીવડી શકે

તમે પૂજાના વાસણો સાફ કરવા માટે લોટનો પણ ઉપયોગ કરી શકો છો. આ કરવા માટે, લોટમાં થોડું મીઠું અને વિનેગર ભેળવીને પેસ્ટ બનાવો અને તેને વાસણો પર લગાવો અને તેને હળવા હાથે ઘસો. આનાથી ચોંટેલી ગંદકી સરળતાથી દૂર થઈ જશે.

લીંબુ અને મીઠાનો પ્રયોગ

તમે લીંબુ અને મીઠાનો ઉપયોગ કરીને તમારા પૂજાના વાસણો પણ સાફ કરી શકો છો. લીંબુને બે ભાગમાં કાપો અને તેના પર થોડું મીઠું છાંટો. આ લીંબુથી વાસણો ઘસો. થોડીવારમાં કાળુ પડ દૂર થઈ જશે.

વિનેગર અને બેકિંગથી સાફ કરો

પૂજાના વાસણો ઘણીવાર ખૂબ જ ગંદા થઈ જાય છે, જેના કારણે સામાન્ય પદ્ધતિનો ઉપયોગ કરીને તેને સાફ કરવું મુશ્કેલ બને છે. જો કે, તમે તેને વિનેગર અને બેકિંગ સોડાથી સરળતાથી સાફ કરી શકો છો. એક બાઉલમાં એક ચમચી બેકિંગ સોડા અને બે ચમચી વિનેગર મિક્સ કરો. પેસ્ટ બનાવવા માટે થોડું પાણી ઉમેરો અને તેને વાસણો પર લગાવો. આ પેસ્ટને લગભગ 10 મિનિટ સુધી રહેવા દો. પછી, ડીશવોશિંગ ડિટર્જન્ટથી ધોઈ લો.

આ પણ વાંચો -----  આ એક આદત ડાયાબિટીસ અને કોલેસ્ટ્રોલ બંનેને માપમાં રાખશે