મોલ, મલ્ટિપ્લેક્સ કે રેલવે સ્ટેશનના પબ્લિક ટોયલેટમાં ગયા હશો ત્યારે એક વાત ચોક્કસ નોટિસ કરી હશે—ત્યાંના દરવાજા ઘરના દરવાજા જેવા આખા નથી હોતા, પણ નીચેથી થોડા ઊંચા એટલે કે અધ્ધર હોય છે! નીચે મોટો ગેપ જોઈને ક્યારેક વિચાર પણ આવ્યો હશે કે, "ભાઈ, આવું કેમ? આમાં તો પ્રાઈવસી કેવી રીતે રહે?"
જો તમને પણ આવો સવાલ થતો હોય, તો ચાલો આજે જાણીએ તેની પાછળના કેટલાક ખૂબ જ રસપ્રદ અને મહત્વના કારણો. આ કોઈ ભૂલ નથી, પણ જાણીજોઈને રાખવામાં આવેલી એક સ્માર્ટ ડિઝાઇન છે!
Public Toilet Secrets : મેડિકલ ઈમરજન્સી અને સુરક્ષા (સૌથી મોટું કારણ)
પબ્લિક પ્લેસ(Public Place) પર હજારો લોકો આવતા-જતા હોય છે. ઘણીવાર એવું બને કે કોઈ વ્યક્તિની તબિયત અચાનક બગડે અને તે ટોયલેટની અંદર જ બેહોશ થઈ જાય. જો દરવાજો આખો બંધ હોય, તો બહાર ઊભેલી વ્યક્તિને ખબર જ ન પડે કે અંદર કોઈ મુશ્કેલીમાં છે. નીચે રાખવામાં આવેલા ગેપના કારણે બહારથી જ ખ્યાલ આવી જાય છે કે અંદર કોઈ વ્યક્તિ પડી ગઈ છે અને તેને તાત્કાલિક મેડિકલ હેલ્પ(Medical Help) આપી શકાય છે.
સફાઈ કરવામાં ભારે સરળતા
મૉલ કે સિનેમા હોલના ટોયલેટનો ઉપયોગ આખો દિવસ સેંકડો લોકો કરતા હોય છે, તેથી ત્યાં હાઈજીન જાળવવું ખૂબ જરૂરી છે. નીચે ગેપ હોવાના કારણે સફાઈ કર્મચારીઓ દરવાજો ખોલ્યા વગર જ બહારથી આરામથી પોતું કે ક્લીનિંગ ટૂલ્સ અંદર ફેરવી શકે છે. આનાથી ફ્લોર ફટાફટ સાફ થઈ જાય છે અને પાણી ભરાઈ રહેતું નથી.
વાસ અને ભેજથી છુટકારો (Ventilation)
પબ્લિક ટોયલેટમાં સતત વપરાશના લીધે દુર્ગંધ અને ભેજ થવો સામાન્ય બાબત છે. જો દરવાજો નીચેથી ખુલ્લો હોય, તો હવાની અવરજવર (Air Ventilation) સારી રહે છે. નીચેથી ફ્રેશ હવા અંદર આવે છે અને અંદરની ખરાબ હવા બહાર નીકળી જાય છે, જેથી ત્યાં અસહ્ય વાસ આવતી નથી.
ગુનાખોરી અટકાવવા માટે
સુરક્ષાના દ્રષ્ટિકોણથી પણ આ ડિઝાઇન બેસ્ટ છે. ઘણીવાર અસામાજિક તત્વો કે ગુનેગારો પબ્લિક ટોયલેટનો ખોટો ઉપયોગ કરતા હોય છે અથવા ત્યાં છુપાઈ જતા હોય છે. દરવાજો નીચેથી ઊંચો હોવાને કારણે બહારથી જ ખબર પડી જાય છે કે અંદર કોઈ શંકાસ્પદ પ્રવૃત્તિ તો નથી થઈ રહી ને!
ઓછો ખર્ચ અને મેઈન્ટેનન્સ
બિઝનેસ અને મેનેજમેન્ટ-Management ની દ્રષ્ટિએ જોઈએ તો આખા દરવાજા બનાવવા કરતાં આવા નાના દરવાજા બનાવવામાં મટીરિયલ ઓછું વપરાય છે. આનાથી દરવાજા બનાવવાનો અને તેના મેઈન્ટેનન્સનો ખર્ચ ઘણો ઘટી જાય છે.
પ્રાઈવસીની ચિંતા છોડો! ઘણા લોકોને લાગે છે કે નીચે ગેપ હોવાથી પ્રાઈવસી બગડે છે, પણ વાસ્તવમાં આ ગેપ એટલો જ રાખવામાં આવે છે જેથી કોઈ ઊભી રહેલી વ્યક્તિ અંદર ન જોઈ શકે. તમારી પ્રાઈવસી પૂરેપૂરી જળવાઈ રહે છે.
તો હવે બીજી વાર જ્યારે તમે કોઈ મોલ કે એરપોર્ટના વોશરૂમમાં જાઓ અને નીચે ગેપ જુઓ, ત્યારે સમજી જજો કે આ તમારી સુરક્ષા અને સુવિધા માટે જ બનાવવામાં આવ્યું છે
આ પણ વાંચો : Importance of time : સમયનું ચક્ર રહે ચાલતું, સમયે સમયે સૌ થાય
