Rat Snake : ખેડૂતનો મિત્ર બનીને સાથ આપતો સાપ, આ રીતે બન્યો સાથી
- Rat Snake ની ખેડૂતના પાકને બચાવવામાં મોટી ભૂમિકા
- બિનઝેરી સાપ ઉંદર-દેડકા માટે કાળ બનીને કોળિયો કરી જાય
- આ સાપ માણસ માટે નુકશાન કારક નહીં હોવાથી ગણાયો મિત્ર
Rat Snake : સાપનો ઉલ્લેખ થતાં જ ડર લાગવો સ્વાભાવિક છે, પરંતુ ખેતરોમાં રહેતું એક પ્રાણી એવું છે (Common Snake Fear), જે ખેડૂતો માટે ખૂબ મદદરૂપ સાબિત થાય છે. આપણે વાત કરી રહ્યા છીએ રેટ સ્નેક વિશે, જેને ભારતમાં ધમણ અથવા ઘોડા પછડ તરીકે પણ ઓળખવામાં આવે છે. આ સાપ દેખાવે તો કોબ્રા જેટલો જ ડરામણો લાગે છે, પરંતુ વાસ્તવમાં, તે સંપૂર્ણપણે બિનઝેરી છે. આ શાંત સ્વભાવનો સાપ માણસોને નુકસાન પહોંચાડતો નથી, તેના બદલે, તે ઉંદરોનો શિકાર કરીને ખેતરોનું રક્ષણ કરે છે.
આ પણ વાંચો : Health Tips : કોણી અને ઘૂંટણની કાળાશ દૂર કરવાના આ રહ્યા સરળ ઉપાય
Rat Snake, આઠ ફૂટ સુધી લાંબા થઈ શકે
ઉંદર ખેડૂતોના પાકનો નાશ કરે છે, અને આ જ સમયે, આ સાપ તેની ભૂમિકા ભજવે છે. આ એક જ સાપ એક દિવસમાં 15 થી 25 ઉંદરો ખાઈ શકે છે, જે પાકને બચાવવામાં ખૂબ મદદ કરે છે. રેટ સ્નેક આઠ ફૂટ સુધી લાંબા થઈ શકે છે, અને તેનું શરીર પાતળું અને ચપળ હોય છે. તે ઝેરથી નહીં, પરંતુ તેના શરીરને સંકુચિત કરીને શિકારને મારી નાખે છે, જેનાથી ખાસ કરીને ઉંદર અને દેડકાની (Rat And Frog Control) વસ્તી પર કાબુ રહે છે.
Rat Snake, સંતુલન જાળવવામાં એક આવશ્યક કડી
આ સાપ એન્ટાર્કટિકા સિવાય વિશ્વના લગભગ દરેક ખૂણામાં હાજર છે. ઉત્તર અમેરિકા અને એશિયામાં ઘણી પ્રજાતિઓ જોવા મળે છે, અને વૃક્ષો પર ચઢવાની અને તરવાની તેમની ક્ષમતા માટે જાણીતા છે. ધમણ સાપ આપણા પર્યાવરણના સંતુલન જાળવવામાં એક આવશ્યક કડી તરીકે કામ કરે છે. તેને મારવાને બદલે તેનું રક્ષણ કરવું જોઈએ, કારણ કે તે ખેડૂતોની મહેનત અને પાકનું મફતમાં રક્ષણ કરે છે. એટલા માટે જ આ સાપને ખેડૂતનો મિત્ર કહેવામાં આવે છે. બિનઝેરી હોવાથી તેનાથી માણસને કોઇ નુકશાન થતું નથી. પરંતુ ખેડૂતોના મહામહેનતે ઉગાવેલા પાકને દેડકા અને ઉંદરનો આહાર કરીને તે બચાવી લે છે.
આ પણ વાંચો : Hotel Check-In Rules : બપોરે 2 વાગ્યે રૂમમાં પ્રવેશ પાછળના આ રહ્યા કારણો