વાતચીત અને મળવાની પહેલ હંમેશા તમારી જ હોય

એક સ્વસ્થ સંબંધમાં બંને તરફથી સમાન પ્રયત્નો થવા જોઈએ. પરંતુ જો મેસેજ, કોલ કે મળવાનું પ્લાનિંગ હંમેશા તમારે જ કરવું પડતું હોય, તો આ એક મોટો ખતરાનો સંકેત (Red Flag) છે. જો તમે સામેથી વાત કરવાનું બંધ કરો અને મહિનાઓ સુધી તેમનો કોઈ પ્રતિભાવ ન આવે, તો સમજી લેવું કે તમે માત્ર એક વિકલ્પ છો.

છેલ્લી ઘડીના પ્લાન બનાવવા

શું તમારો પાર્ટનર હંમેશા છેલ્લી ઘડીએ જ તમને મળવાનો કાર્યક્રમ બનાવે છે? તેનો અર્થ એ હોઈ શકે કે તેમનો કોઈ અન્ય પ્લાન કેન્સલ થયો છે અથવા તેમની પાસે કરવા માટે બીજું કોઈ કામ ન હતું. જે વ્યક્તિ તમને ઓપ્શન સમજે છે, તે ક્યારેય તમને ધ્યાનમાં રાખીને અગાઉથી આયોજન (Pre-planning) નથી કરતી.

જરૂરિયાતના સમયે ગાયબ થઈ જવું

જ્યારે તેમને તમારી જરૂર હોય ત્યારે તમે હંમેશા તેમની પડખે ઊભા રહો છો, પરંતુ તમારી જરૂરિયાતના સમયે તેમની પાસે બહાનાઓ (Excuses) ની લાંબી યાદી તૈયાર હોય છે. "હું વ્યસ્ત હતો" કે "મને યાદ ન રહ્યું" જેવા બહાના જો સામાન્ય બની જાય, તો સમજી જાવ કે તમે તેમના માટે પ્રાયોરિટી નથી.

કમિટમેન્ટ આપવાથી ડરવું

લાંબો સમય વીતી ગયા પછી પણ જો તમારો પાર્ટનર ભવિષ્ય માટે કોઈ વચન (Commitment) ન આપે, તો શક્ય છે કે તેઓ હજુ પણ અન્ય વિકલ્પો શોધી રહ્યા છે. આવા લોકો તમને પોતાના ગાઢ મિત્રો કે પરિવાર (Family) સાથે મેળવવામાં પણ હંમેશા ખચકાટ અનુભવે છે.

વાતચીતનું પ્રમાણ નહિવત હોવું

જો તમારો પાર્ટનર તમારી સાથે સામાન્ય કપલ્સ (Couples) જેવી પૂરતી વાતચીત કરતો નથી અને તમારા ભવિષ્ય, ઈચ્છાઓ કે સમસ્યાઓમાં કોઈ રસ (Interest) દાખવતો નથી, તો આ ચિંતાજનક બાબત છે. તેઓ મોટાભાગે ત્યારે જ લાંબી વાતો કરે છે જ્યારે તેમને કોઈ કામ કઢાવવું હોય કે તેઓ કંટાળી રહ્યા હોય. આવા સંકેતો દેખાય તો સમયસર સંબંધમાંથી યોગ્ય અંતર જાળવી લેવું વધુ હિતાવહ છે.

આ પણ વાંચો : Relationship Tips : શું પાર્ટનરના બદલાયેલા વર્તન પાછળ છુપાયેલું છે કોઈ રહસ્ય? આ સંકેતોને અવગણવાની ભૂલ ન કરો