• Tips for eating mangoes : શું તમે જાણો છો કે કેરી ખાતા પહેલા તેને પાણીમાં કેમ પલાળવી જોઈએ? જાણો ફાઈટિક એસિડ દૂર કરવાથી લઈને ગરમી ઘટાડવા સુધીના વૈજ્ઞાનિક અને આયુર્વેદિક કારણો. સ્વાદ અને સ્વાસ્થ્ય જાળવવા માટે દાદીમાનો આ અદભૂત નુસખો જરૂર વાંચો

Tips for eating mangoes : ઉનાળાની બપોર હોય, થાળીમાં કેસરીયો ‘કેરીનો રસ’ ન હોય તો ભોજન અધૂરું લાગે. પણ શું તમને યાદ છે? નાનપણમાં જ્યારે આપણે બજારમાંથી કેરી લાવતા, ત્યારે મમ્મી કે દાદી તરત જ તેને ખાવા આપવાને બદલે કલાકો સુધી પાણીની ડોલમાં પલાળી રાખતા. આપણને થતું કે આટલી બધી વાર કેમ? પણ આ માત્ર પરંપરા નહોતી, તેની પાછળ આયુર્વેદનું જ્ઞાન અને વિજ્ઞાનનો તર્ક છુપાયેલો હતો.

આજે જાણીએ કે કેરીને પાણીમાં ‘ડૂબકી’ ખવડાવવી કેમ જરૂરી છે:

Tips for eating mangoes : 'ફાઈટિક એસિડ' Phytic acidની વિદાય

કુદરતી રીતે કેરીમાં ફાઈટિક એસિડ(Phytic acid) નામનું તત્વ હોય છે. વિજ્ઞાનની ભાષામાં તેને 'એન્ટી-ન્યુટ્રિઅન્ટ' કહેવાય છે. આ એસિડ શરીરમાં આયર્ન, ઝિંક અને કેલ્શિયમ જેવા જરૂરી ખનીજોને શોષતા અટકાવે છે. જ્યારે કેરીને પાણીમાં પલાળવામાં આવે છે, ત્યારે આ એસિડ પાણીમાં ઓગળી જાય છે, જેથી કેરીના તમામ પોષક તત્વો આપણને પૂરેપૂરા મળે છે.

Tips for eating mangoes : ગરમીથી છુટકારો: પિત્તનું શમન

આયુર્વેદ મુજબ કેરીની તાસીર 'ગરમ' છે. જો તેને સીધી જ ખાવામાં આવે, તો તે શરીરમાં પિત્ત વધારે છે, જેના કારણે ઘણા લોકોને કેરી ખાધા પછી ચહેરા પર ખીલ, પિમ્પલ્સ કે એસિડિટીની સમસ્યા થાય છે. કેરીને પાણીમાં પલાળવાથી તેની ‘થર્મોજેનિક’ (ગરમી પેદા કરવાની) પ્રક્રિયા શાંત થાય છે અને તે શરીરને નુકસાન કરવાને બદલે ઠંડક આપે છે.

કેમિકલ્સ અને પેસ્ટિસાઈડ્સનો સફાયો

આજના સમયમાં કેરીને પકવવા માટે 'કેલ્શિયમ કાર્બાઈડ'-Calcium carbide કે અન્ય પેસ્ટિસાઈડ્સ-Pesticidesનો ઉપયોગ થતો હોય છે. માત્ર નળ નીચે ધોવાથી આ ઝેરી કેમિકલ્સ છાલમાંથી દૂર થતા નથી. અડધો કલાક પાણીમાં પલાળી રાખવાથી કેમિકલ્સના અવશેષો સાફ થઈ જાય છે, જે આપણને કેન્સર અને શ્વસન જેવી ગંભીર બીમારીઓથી બચાવે છે.

ચીકણી 'રાળ' થી સુરક્ષા

કેરીના ડીંટિયા પાસે જે ચીકણી લાળ (રાળ) હોય છે, તે જો સાફ ન થાય અને સીધી ગળામાં જાય, તો ખંજવાળ, હોઠ પર બળતરા કે ફોલ્લા પાડી શકે છે. પાણીમાં પલાળવાથી આ રાળ આપોઆપ ઓગળી જાય છે અને કેરી ખાવા માટે એકદમ સુરક્ષિત બની જાય છે.

પાચનતંત્ર માટે વરદાન

ઘણીવાર કેરી ખાધા પછી પેટ ભારે લાગે છે અથવા ગેસ થાય છે. પલાળેલી કેરી પાચનમાં હળવી બને છે. તે કબજિયાત અટકાવે છે અને તમારા પાચનતંત્રને શાંત રાખે છે.

કેરી પલાળવાની 'પરફેક્ટ' રીત:

• સમય: કેરીને ઓછામાં ઓછી 30 મિનિટ અને વધુમાં વધુ 2 કલાક સુધી પલાળવી જોઈએ.

• પદ્ધતિ: એક મોટા વાસણમાં ઠંડુ અથવા રૂમ ટેમ્પરેચરવાળું પાણી લો. બધી કેરી પૂરેપૂરી ડૂબેલી રહેવી જોઈએ.

• સાવધાની: પલાળ્યા પછી કેરીને બહાર કાઢી, કોરા કપડાથી લૂછીને જ તેનો રસ કે ચીરીઓ કરવી.

ઉતાવળમાં ફ્રીજમાંથી કાઢીને સીધી કેરી ખાવી એ સ્વાદ માટે સારી હોઈ શકે, પણ સ્વાસ્થ્ય માટે નહીં. તો હવે જ્યારે ઘરમાં કેરી આવે, ત્યારે તેને થોડો ‘રેસ્ટ’ આપજો અને પછી જ તેનો આનંદ માણજો!

જેમ કહેવાય છે ને કે:

"ધીરજના ફળ મીઠાં હોય છે," તેમ "પલાળેલી કેરીના ફળ વધુ મીઠાં અને ગુણકારી હોય છે!"

આ પણ વાંચો: Weight Loss Story : જીમ વગર યુવકના કપડાંની સાઇઝ XXL થી M પહોંચી