Doomscrolling: શું તમે પણ ડૂમ સ્ક્રોલિંગનો શિકાર છો? તમારી ખુશી છીનવી લેતી ખતરનાક આદત

Doomscrolling: ડૂમ સ્ક્રોલિંગ એટલે શું?

આજના સમયમાં લોકો સતત સ્માર્ટફોન પર ન્યૂઝ, સોશિયલ મીડિયા ફીડ અને વીડિયો જોતા રહે છે. આ આદતને ડૂમ સ્ક્રોલિંગ કહેવામાં આવે છે. આ પ્રક્રિયામાં વ્યક્તિ અજાણતા જ નકારાત્મક અથવા તણાવ વધારતી માહિતી સતત જોતી રહે છે. આ સ્થિતિમાં મગજ સતત માહિતી પ્રોસેસ કરે છે, જેના કારણે માનસિક શાંતિ જોખમાય છે.

Doomscrolling: માનસિક સ્વાસ્થ્ય પર થતી અસરો

ડૂમ સ્ક્રોલિંગની સૌથી મોટી અસર માનસિક સ્થિતિ પર પડે છે. સતત નકારાત્મક પોસ્ટ કે વીડિયો જોવાથી મગજ પર દબાણ વધે છે. પરિણામે વ્યક્તિમાં ચિંતા, તણાવ અને ઓવરથિંકિંગ જેવી સમસ્યાઓ જોવા મળે છે. ધીરે-ધીરે આ આદત મૂડ સ્વિંગ, ચિડચિડાપણું અને એકાગ્રતામાં ઘટાડો લાવે છે. આ બાબત વ્યક્તિના રોજિંદા કામકાજમાં અવરોધ ઊભો કરે છે.

Doomscrolling: શારીરિક થાક અને ઊંઘની સમસ્યા

સ્માર્ટફોનનો વધુ પડતો ઉપયોગ શરીરને પણ થકવી નાખે છે. જ્યારે કોઈ વ્યક્તિ લાંબા સમય સુધી સ્ક્રીન સામે રહે છે, ત્યારે મગજ આરામની સ્થિતિમાં જઈ શકતું નથી. પરિણામે ઊંઘનું ચક્ર ખોરવાય છે. સવારે જાગતી વખતે અનુભવાતી સુસ્તી અને ભારેપણું આ અનિયમિત ઊંઘનું જ પરિણામ હોય છે.

ડોપામિન સિસ્ટમ અને ડિજિટલ એડિક્શન

તજજ્ઞોના મતે ડૂમ સ્ક્રોલિંગનો સીધો સંબંધ મગજની ડોપામિન સિસ્ટમ સાથે છે. મગજનું આ 'રિવર્ડ સેન્ટર' નવી અને રસપ્રદ માહિતી જોઈને ઉત્તેજિત થાય છે. આ પ્રક્રિયામાં મગજ સતત ડોપામિન રિલીઝ કરે છે, જે ક્ષણિક ખુશી આપે છે. આ બાબત વ્યક્તિને વધુ સમય મોબાઈલ પર વિતાવવા માટે મજબૂર કરે છે, જે ડિજિટલ એડિક્શનમાં બદલાઈ જાય છે.

આ પણ વાંચો-- Lifespan Prediction : શું વિજ્ઞાન ખરેખર જણાવી શકશે કે માણસનું મૃત્યુ ક્યારે થશે?