Winter Baby Care: શિયાળામાં બાળકોને માલિશ કરવા માટે તમે કયુ તેલ વાપરો છો?, નાનકડી ભૂલ શિશુ માટે બની શકે છે નુકસાનકારક!

• Winter Baby Care: શિયાળામાં બાળકોની હેલ્ધી મસાજ
• શિયાળામાં બાળકોને માલિશ કરવા માટે કયું તેલ શ્રેષ્ઠ છે?
• માલિશમાં એક નાની ભૂલ પડી શકે છે મોંઘી

Winter Baby Care: શિયાળાની સિઝન બાળકોના સ્વાસ્થ્ય માટે માતા-પિતાના મનમાં ચિંતા લઈને આવે છે. દાદા-દાદીથી લઈને માતા-પિતા સુધી દરેકને ડર હોય છે કે તેમના નાના બાળકો બીમાર પડી શકે છે. અથવા તેમની ત્વચા શુષ્ક પડી શકે છે. હકીકતમાં, નવજાત શિશુઓ અને નાના બાળકોને શિયાળા દરમિયાન સૌથી વધુ ધ્યાન આપવાની જરૂર હોય છે. તેમને વધારાની કાળજીની જરૂર હોય છે. કારણ કે ઠંડી હવા અને મર્યાદિત સૂર્યપ્રકાશ તેમને સરળતાથી શરદી-ખાંસી અને બીમાર પાડી શકે છે.

તેથી, દાદીમા ઘણીવાર એક સામાન્ય ફોર્મ્યુલા (Formula) નો ઉપયોગ કરે છે, દૈનિક તેલ માલિશ. જો કે ફક્ત તેલ લગાવવું પૂરતું નથી હોતું. જ્યારે યોગ્ય તેલ, તાપમાન અને સમય ધ્યાનમાં લેવામાં આવે ત્યારે જ બાળક માલિશનો સંપૂર્ણ લાભ મેળવી શકે છે. આજે, અમે તમને જણાવીશું કે બાળકોને માલિશ કરવા માટે કયું તેલ શ્રેષ્ઠ છે. અને ક્યારે માલિશ કરવી.

Winter Baby Care: બાળકની ઉંમરના આધારે યોગ્ય તેલ પસંદ કરો

જેમ પુખ્ત વયના લોકોની ત્વચાના પ્રકાર અલગ અલગ હોય છે. તેમ દરેક બાળકની ત્વચા (Skin) સમાન હોતી નથી. જ્યારે નવજાત શિશુઓની વાત આવે છે. ત્યારે તેમની ત્વચા પર ચોક્ક્સ ધ્યાન જાય છે. કારણ કે તેમની ત્વચા અત્યંત નાજુક હોય છે. તેથી નાના બાળકોની માલિશ માટે નારિયેળ તેલ (Coconut oil) અથવા બદામનું તેલ (Almond oil) શ્રેષ્ઠ માનવામાં આવે છે. આ તેલ ખૂબ જ હળવા હોય છે. ત્વચાને પણ ઝડપથી પોષણ મળે છે.

જો બાળક થોડું મોટું હોય, તો સરસવના તેલનો પણ ઉપયોગ કરી શકાય છે. સરસવનું તેલ (Mustard oil) શરીરને ગરમ રાખે છે. યાદ રાખો કે સરસવનું તેલ હળવું ગરમ ​​થયા પછી જ લગાવો.

આ પણ વાંચો-------- Isabgol or Chia Seeds: ઈસબગુલ કે ચિયા સિડ્સ, સ્વાસ્થ્ય માટે શું છે સારું?, તમે શેને આપો છો પ્રધાન્ય?

Winter Baby Care: ઠંડુ તેલ લગાવવાનું કેમ ટાળવું જોઈએ?

લોકો ઘણીવાર બોટલમાંથી સીધા કાઢેલા તેલથી પોતાના બાળકને માલિશ કરે છે. પરંતુ ઠંડુ તેલ નુકસાનકારક હોઈ શકે છે. ઠંડુ તેલ લગાવવાથી શરદી થઈ શકે છે. અને બાળક બેચેન થઈ શકે છે. તેથી માલિશ કરતા પહેલા તેલને થોડું ગરમ ​​કરવું ખૂબ જ મહત્વપૂર્ણ છે.

ટિપ: તેલને એટલું ગરમ ​​ન કરો કે તે બળી જાય. તેલને એટલું ગરમ ​​કરો કે હાથ પર લગાવવાથી આરામ મળે.

Winter Baby Care: માલિશ કરવાનો યોગ્ય સમય કયો છે?

સવારનો સમય બાળકની માલિશ માટે શ્રેષ્ઠ માનવામાં આવે છે. કારણ કે તે સમયે તેમના શરીર વધુ તાજગી અને આરામથી ભરેલા હોય છે. જો સવારે ઉગતા સૂરજના સમયે બાળકને માલિશ કરવાના ફાયદા વધુ હોય છે. સૂર્ય શરીરને હળવી ગરમી પ્રદાન કરે છે. જેનાથી બાળકને શરદી-કફ થવાનું જોખમ ઓછું થાય છે.

ટિપ: જો તમે સવારે બાળકને નવડાવતા પહેલા માલિશ કરો છો, તો તેના સ્નાયુઓ ઢીલા પડી જાય છે અને તેનું આખું શરીર આરામ અનુભવે છે. તેલ માલિશ કરવાથી રક્ત પ્રવાહ સુધરે છે. જે તેના વિકાસમાં મદદ કરે છે.

Winter Baby Care: સવારે માલિશનો ફાયદો

સવારના માલિશનો બીજો મોટો ફાયદો એ છે કે, તે તમારા બાળકને સારી ઊંઘમાં મદદ કરે છે. જ્યારે શરીર હળવા હોય છે. ત્યારે તમારું બાળક સારી ઊંઘ લે છે અને જાગ્યા પછી ખુશ અને વધુ સક્રિય હોય છે. આ જ કારણ છે કે ડૉકટર્સ અને વડીલો બાળકને સવારે માલિશની ભલામણ કરે છે.

Winter Baby Care: માલિશ પછી શું કરવું

માલિશ કર્યા પછી તમારા બાળકને ઠંડીથી રક્ષણ કરવું જોઈએ. માલિશ કર્યા પછી બાળકોની ત્વચા ખુલ્લી રહે છે, જેના કારણે તેઓ શરદી થવા માટે વધુ સંવેદનશીલ બને છે. તેથી માલિશ કર્યા પછી તરત જ બાળકને ગરમ કપડાં પહેરાવવા ખૂબ જ મહત્વપૂર્ણ છે. જો તમારે તમારા બાળકને નવડાવવાની જરૂર હોય, તો માલિશ કર્યા પછી ઓછામાં ઓછા 15 થી 20 મિનિટનો સમય આપો. જેથી તેલ ત્વચામાં શોષાઈ જાય.

Winter Baby Care: માલિશ તમારા બાળકને સ્વસ્થ રાખે છે

જ્યારે યોગ્ય તેલ, યોગ્ય સમયે અને યોગ્ય રીતે કરવામાં આવે છે, ત્યારે તે તમારા બાળક માટે ખૂબ જ ફાયદાકારક (Beneficial) બની શકે છે. તે બાળકના શરીરને મજબૂત બનાવે છે. પરંતુ તેમની ઊંઘ (Sleep), પાચન (Digestion) અને રોગપ્રતિકારક શક્તિ (Immune system) માં પણ સુધારો કરે છે. આ જ કારણ છે કે શિયાળા દરમિયાન બાળકોને દરરોજ માલિશ કરવી જોઈએ.

આ પણ વાંચો--------- Working Women's Health Tips: વર્કિંગ વુમન્સનું વધતું વજન થશે મેઈન્ટેન, આજથી જ અપનાવો આ ઉપાય

આ પણ વાંચો--------- Microwave cleaning: તમે માઈક્રોવેવ કેવીરીતે કરો છો સાફ, આ ભૂલથી થઈ શકે છે મોટું નુકસાન, જાણો ટિપ્સ