Studio on Wheels 2.0 launch : યાત્રાધામ અંબાજી ખાતે ભાદરવી પૂનમના પાવન અવસરે નાયબ મુખ્યમંત્રી હર્ષભાઈ સંઘવીના હસ્તે 'ગુજરાત ફર્સ્ટ'ના લોકપ્રિય પ્રોજેક્ટ 'STUDIO ON WHEELS 2.0' ની ભવ્ય શરૂઆત કરવામાં આવી છે. આ ભવ્ય લોન્ચિંગ સમયે ગુજરાત ફર્સ્ટના ચેનલ હેડ ડૉ. વિવેકકુમાર ભટ્ટ (Chennal Head Dr. VivekKumar Bhatt) અને ગુજરાત ફસ્ટની સમગ્ર ટીમ હાજર રહી હતી. માં અંબાની વિશેષ પૂજા-અર્ચના કરી અને ધ્વજા ચઢાવીને આ નવા અવતારનો શુભારંભ કરાયો છે, જેમાં નાસિક અને પુનેરી ઢોલની વિશેષ પ્રસ્તુતિ પણ જોવા મળી હતી. અગાઉની સિઝનમાં 11 હજાર કિલોમીટરની સફળ સફર ખેડ્યા બાદ હવે આ નવું સ્ટુડિયો ઓન વ્હીલ્સ 2.0 વિસ્ટા ડોમ સુવિધા અને એક જ વ્હીકલમાં બે સ્ટુડિયો સાથે વધુ આકર્ષક બન્યું છે, જે 25 હજાર કિલોમીટરના નવા સંકલ્પ સાથે ભવ્યાતિભવ્ય લાઈવ કવરેજ પૂરું પાડવા માટે સજ્જ છે.
નવી સિઝનમાં 25 હજાર કિલોમીટર ખેડવાનો દ્રઢ સંકલ્પ લેવાયો
September 26, 2026 1:49 pm
માં અંબાના આશીર્વાદ સાથે અંબાજીથી શરૂ થયેલી STUDIO ON WHEELS 2.0ની આ નવી સફર માત્ર એક નવા વ્હીકલની શરૂઆત નથી, પરંતુ ગુજરાતના ખૂણે-ખૂણે પહોંચીને લોકો સાથે સીધો સંવાદ સાધવાનો અને ગ્રાઉન્ડ પરથી વધુ ઝડપી, વધુ ભવ્ય અને વધુ અસરકારક કવરેજ કરવાનો નવો સંકલ્પ છે. બે વર્લ્ડ રેકોર્ડ, 11 હજાર કિલોમીટરની સફર અને 350થી વધુ પોડકાસ્ટની સફળતા બાદ હવે 25 હજાર કિલોમીટરના નવા સંકલ્પ સાથે STUDIO ON WHEELS 2.0 ગુજરાતની નવી સફરે નીકળી ચૂક્યું છે. અંબાજીથી થયેલી આ ભવ્ય શરૂઆત બાદ હવે ગુજરાત ફર્સ્ટનું STUDIO ON WHEELS 2.0 નવા અવતાર, નવી ટેક્નોલોજી, બે સ્ટુડિયો અને નવી ઊર્જા સાથે ફરી એકવાર આપની વચ્ચે આવશે. ગુજરાતના ખૂણે-ખૂણે જશે અને લોકોના અવાજને વાચા આપશે.
પ્રથમ સિઝનમાં 11 હજાર કિલોમીટરની ઐતિહાસિક સફર
September 26, 2026 1:49 pm
STUDIO ON WHEELSની પહેલી સિઝનની સફરે સફળતાના અનેક નવા આયામો સ્થાપિત કર્યા હતા. પહેલી સિઝનમાં STUDIO ON WHEELSએ ગુજરાતમાં 11 હજાર કિલોમીટરથી વધુની સફર કરી હતી અને આ દરમિયાન 350થી વધુ પોડકાસ્ટનો રેકોર્ડ બનાવ્યો હતો. ગુજરાતના અલગ-અલગ શહેરો, ગામડાં અને વિસ્તારો સુધી પહોંચીને મહત્વના મુદ્દાઓને લોકો સુધી પહોંચાડવાની સાથે વિવિધ ક્ષેત્રના મહાનુભાવો સાથે સંવાદ અને વિશેષ મુલાકાતો પણ કરવામાં આવી હતી. STUDIO ON WHEELSની આ સફળ સફર દરમિયાન બે વર્લ્ડ રેકોર્ડ પણ તેના નામે થયા હતા અને આ જ સફળતા બાદ હવે ગુજરાત ફર્સ્ટ વધુ ભવ્ય અને નવા અવતારમાં STUDIO ON WHEELS 2.0 લઈને આવ્યું છે. પહેલી સિઝનમાં 11 હજાર કિલોમીટરની સફળ સફર બાદ હવે STUDIO ON WHEELS 2.0 સાથે ગુજરાત ફર્સ્ટે 25 હજાર કિલોમીટરની નવી સફરનો સંકલ્પ કર્યો છે. એટલે કે હવે STUDIO ON WHEELS 2.0 ગુજરાતના વધુને વધુ વિસ્તારો સુધી પહોંચશે અને લોકોના પ્રશ્નો, લોકોના મુદ્દાઓ અને ગુજરાતના મહત્વના સમાચારને સીધા ગ્રાઉન્ડ ઝીરો પરથી લોકો સુધી પહોંચાડશે. જ્યાં સમાચાર હશે ત્યાં STUDIO ON WHEELS 2.0 પહોંચશે, જ્યાં લોકોનો અવાજ હશે ત્યાં ગુજરાત ફર્સ્ટ પહોંચશે અને જ્યાં મહત્વનો મુદ્દો હશે ત્યાંથી થશે સીધું LIVE કવરેજ.
STUDIO ON WHEELS 2.0 હવે પહેલાં કરતાં વધુ ભવ્ય અને આકર્ષક
September 26, 2026 1:49 pm
નવી સિઝનમાં STUDIO ON WHEELSને વધુ આકર્ષક અને આધુનિક સ્વરૂપ આપવામાં આવ્યું છે. વિસ્ટા ડોમ સાથે STUDIO ON WHEELS 2.0 હવે પહેલાં કરતાં વધુ ભવ્ય અને આકર્ષક બન્યું છે. એટલું જ નહીં, એક જ વ્હીકલમાં બે સ્ટુડિયોની ખાસ વ્યવસ્થા કરવામાં આવી છે, જેના કારણે હવે એક જ સ્થળેથી વધુ ભવ્ય અને વધુ અસરકારક LIVE કવરેજ કરી શકાશે. બે સ્ટુડિયો સાથેનું આ નવું STUDIO ON WHEELS 2.0 ગ્રાઉન્ડ રિપોર્ટિંગ, LIVE કવરેજ, વિશેષ મુલાકાતો અને પોડકાસ્ટ સહિતના કાર્યક્રમોને વધુ વિશાળ સ્વરૂપ આપશે.
સ્વચ્છતા દૂતોને 2 હાથ જોડીને હું વંદન કરું છુંઃ DyCM
September 26, 2026 1:11 pm
નાયબ મુખ્યમંત્રી હર્ષભાઈ સંઘવી અંબાજી ખાતે મા અંબાના શરણે પહોંચીને મંદિરના શિખર પર ભક્તિભાવપૂર્વક ધ્વજા ચઢાવી હતી. દર્શન કર્યા બાદ તેમણે માઈ ભક્તો સાથે વિશેષ ચર્ચા કરી હતી અને જણાવ્યું હતું કે વર્ષોથી દૂર-દૂરથી લોકો મા અંબાની ભક્તિ કરવા માટે પધારે છે. આ ભાદરવી પૂનમનો મેળો ખૂબ જ યાદગાર રહ્યો હોવાનું જણાવી તેમણે તંત્ર અને પોલીસે માઈભક્તોના સેવક તરીકે ઉત્તમ કામગીરી કરી હોવાનું કહ્યું હતું. આ સાથે જ તેમણે પોલીસ ટીમની કામગીરીને અભિનંદન પાઠવ્યા હતા અને સ્વચ્છતા દૂતોને બે હાથ જોડીને વંદન કર્યા હતા.
નાયબ મુખ્યમંત્રી હર્ષભાઈ સંઘવી અંબાજી પહોંચ્યા
September 26, 2026 1:00 pm
અંબાજી ખાતે ભાદરવી મહાકુંભ તેના અંતિમ ચરણ તરફ આગળ વધી રહ્યો છે ત્યારે નાયબ મુખ્યમંત્રી હર્ષભાઈ સંઘવી અંબાજી પહોંચ્યા હતા. તેમણે પોલીસ કંટ્રોલ પોઈન્ટ પર યોજાયેલા 'તેરા તુઝકો અર્પણ' કાર્યક્રમ અને પોલીસ પરિવારના ધ્વજારોહણમાં વિશેષ ઉપસ્થિતિ આપી હતી. આ મેળાના 6 દિવસમાં 38. 23 લાખ ભક્તોએ દર્શન કર્યા હોવાનું જણાવી તેમણે તંત્ર, પોલીસ અને સ્વચ્છતા દૂતોની કામગીરીને બિરદાવી હતી તથા આ ભાદરવી પૂનમનો મેળો અત્યંત યાદગાર રહ્યો હોવાનું જણાવ્યું હતું.
બનાસકાંઠા વહીવટી તંત્ર દ્વારા વિશેષ ધજા યાત્રાનું આયોજન
September 26, 2026 1:00 pm
અંબાજી ભાદરવી મેળા દરમિયાન બનાસકાંઠા વહીવટી તંત્ર દ્વારા વિશેષ ધજા યાત્રાનું આયોજન કરવામાં આવ્યું હતું. કલેક્ટર મિહિર પટેલની અધ્યક્ષતામાં યોજાયેલી આ પગપાળા યાત્રા ત્રિશુલિયા ઘાટીથી અંબાજી ધામ સુધી પહોંચી હતી, જેમાં કલેક્ટર અને ફરજ પરના અન્ય વહીવટી અધિકારીઓ જોડાયા હતા. આ દરમિયાન પ્રાંત અધિકારી હરિણી K.Pએ ઢોલ વગાડીને સહકર્મીઓનો ઉત્સાહ વધાર્યો હતો અને અંતે તમામ અધિકારીઓએ માતાજીની આરતી કરી હતી.
'ગુજરાત ફર્સ્ટ' દ્વારા અંબાજી મંદિરમાં વિશેષ ધ્વજારોહણ
September 26, 2026 1:00 pm
ભાદરવી પૂનમના આ પાવન પર્વે યાત્રાધામ અંબાજીમાં માતાજીના જયઘોષ સાથે ભક્તિ અને શ્રદ્ધાનો અદભુત સંગમ જોવા મળ્યો છે. મંદિરમાં ધજા ચઢાવવાની પરંપરા સાથે લાખો ભક્તોએ મા અંબાના ચરણોમાં શીશ ઝુકાવીને ધન્યતા અનુભવી છે. 'ગુજરાત ફર્સ્ટ' દ્વારા પણ અંબાજી મંદિરમાં વિશેષ ધ્વજારોહણ કરવામાં આવ્યું હતું, જેના કારણે સમગ્ર માહોલ ઉત્સાહ અને શ્રદ્ધાથી છલોછલ થઈ ગયો છે.
'ગુજરાત ફર્સ્ટ' દ્વારા આ મેળાનું અવિરત કવરેજ
September 26, 2026 1:00 pm
યાત્રાધામ અંબાજી ખાતે ભાદરવી પૂનમના મહામેળાનો અંતિમ દિવસ ચાલી રહ્યો છે, જ્યાં જગતજનની મા અંબાના દર્શનાર્થે ભક્તોનું ઘોડાપૂર ઉમટ્યું છે. 'ગુજરાત ફર્સ્ટ' દ્વારા આ મેળાનું અવિરત કવરેજ કરવામાં આવી રહ્યું છે, અને અત્યાર સુધીમાં 40 લાખ કરતા વધુ ભક્તોએ માતાજીના દર્શન કર્યા છે. રાત્રે અંબાજી મંદિર રંગબેરંગી રોશનીથી ઝગમગી ઉઠ્યું હતું અને 'જય અંબે'ના ગુંજતા નાદથી સમગ્ર મંદિર પરિસર ભક્તિમય બની ગયું છે, હજુ પણ માઈભક્તોનો અવિરત પ્રવાહ દર્શન માટે ચાલુ છે.
DyCM હર્ષભાઇ સંઘવીના હસ્તે 'STUDIO ON WHEELS 2.0' નું ભવ્ય ઉદ્ઘાટન
September 26, 2026 12:53 pm
યાત્રાધામ અંબાજી ખાતે ભાદરવી પૂનમના પાવન અવસરે નાયબ મુખ્યમંત્રી હર્ષભાઈ સંઘવીના હસ્તે 'ગુજરાત ફર્સ્ટ'ના લોકપ્રિય પ્રોજેક્ટ 'STUDIO ON WHEELS 2.0' નું ભવ્ય ઉદ્ઘાટન કરવામાં આવ્યું હતું. આ વિશેષ પ્રસંગે નાયબ મુખ્યમંત્રી હર્ષભાઈ સંઘવીએ રૂબરૂ મુલાકાત લઈને આ નવા રથને નિહાળ્યો હતો અને તમામ ટીમને શુભેચ્છા પાઠવી હતી. તેમના હસ્તે માં અંબાની વિશેષ પૂજા-અર્ચના અને ધ્વજારોહણ કરાવીને આ રથની નવી સિઝનનો વિધિવત શુભારંભ કરવામાં આવ્યો હતો, જે અગાઉના 11 હજાર કિમીના રેકોર્ડ બાદ હવે ૨૫ હજાર કિમીના નવા સંકલ્પ સાથે જનતા સમક્ષ લાઈવ કવરેજ માટે સજ્જ બન્યો છે.