Result 2024 : દિલ્લીમાં ભાજપે અચાનક બોલાવી મોટી બેઠક..!

Result 2024 : લોકસભા ચૂંટણી 2024ના પરિણામો ( Result 2024) બાદ દેશ હવે નવી સરકારની રાહ જોઈ રહ્યો છે. NDAને બહુમતી મળ્યા બાદ દેશમાં ફરી એકવાર મોદી સરકારની ખાતરી થઈ ગઈ છે. ભાજપના નેતૃત્વમાં એનડીએ સરકાર બનાવવા જઈ રહી છે. મોદી સરકાર 3.0 માં, PM મોદી 8 જૂને વડા પ્રધાન તરીકે શપથ લેશે. વડાપ્રધાન પદના શપથ લેતાની સાથે જ નરેન્દ્ર મોદી સતત ત્રણ વખત પીએમ બનવાના પંડિત નેહરુના રેકોર્ડની બરાબરી કરશે.

ભાજપ અધ્યક્ષ જેપી નડ્ડાના ઘરે આજે ભારતીય જનતા પાર્ટીના નેતાઓની બેઠક

8મી જૂને નવી સરકારના શપથ ગ્રહણ પહેલા 7મી જૂને NDAની મહત્વની બેઠક છે. જોકે, આજે એટલે કે 6 જૂને પણ બેઠકોનો રાઉન્ડ છે. ભાજપ અધ્યક્ષ જેપી નડ્ડાના ઘરે આજે ભારતીય જનતા પાર્ટીના નેતાઓની બેઠક છે. દરમિયાન, એનડીએના ઘટક પક્ષોએ પણ નવી સરકાર માટે માંગણીઓ કરવાનું શરૂ કરી દીધું છે.

સાથી પક્ષોને કેબિનેટમાં કયા પ્રમાણમાં સ્થાન આપવું જોઈએ તે વિશે ચર્ચા

બીજેપી અધ્યક્ષ જેપી નડ્ડાના ઘરે ભાજપના વરિષ્ઠ નેતાઓની બેઠક ચાલી રહી છે. જેમાં ગૃહમંત્રી અમિત શાહ અને રક્ષા મંત્રી રાજનાથ સિંહ હાજર છે. નવી સરકાર અને કેબિનેટ અંગે ચર્ચા કરવા માટે આ બેઠક બોલાવવામાં આવી છે. સાથી પક્ષો સાથે વાતચીત માટે રચાયેલી ભાજપના વરિષ્ઠ નેતાઓની સમિતિમાં અમિત શાહ અને રાજનાથ સિંહનો સમાવેશ કરવામાં આવ્યો છે. સાથી પક્ષો સાથે વાતચીતનો એજન્ડા શું હોવો જોઈએ, તેમને કેબિનેટમાં કયા પ્રમાણમાં સ્થાન આપવું જોઈએ અને અપક્ષ સાંસદોને કેવી રીતે સ્થાન આપવું તે અંગે મહત્વની ચર્ચાઓ થઈ રહી છે. નડ્ડાના નિવાસસ્થાને ચાલી રહેલી આ બેઠકમાં RSSના પદાધિકારીઓ દત્તાત્રેય હોસબાલે, સુરેશ સોની, અરૂણ કુમાર પણ હાજર છે.

ટીડીપી મોદી સરકાર 3.0માં બે મંત્રી પદ ઈચ્છે છે

લોકસભા ચૂંટણીમાં 16 બેઠકો જીતનાર ટીડીપી મોદી સરકાર 3.0માં બે મંત્રી પદ ઈચ્છે છે. સૂત્રોનું કહેવું છે કે ચંદ્રબાબુ નાયડુની ટીડીપી નવી મોદી સરકારમાં ઓછામાં ઓછા બે મંત્રી પદ ઈચ્છે છે. જો કે, આ કયા મંત્રાલયો હશે, તેનો હજુ ઉલ્લેખ કરવામાં આવ્યો નથી. તમને જણાવી દઈએ કે નવી સરકાર માટે ટીડીપીનું સમર્થન એક મોટું પરિબળ છે.

જેડીએસે પુત્ર અને જમાઈ બંને માટે મંત્રાલયની માંગણી કરી

સૂત્રોએ જણાવ્યું કે જેડીએસે પુત્ર અને જમાઈ બંને માટે મંત્રાલયની માંગણી કરી છે. પુત્ર કુમારસ્વામી માટે કૃષિ મંત્રાલય અને જમાઈ ડૉક્ટર સીએન મંજુનાથ માટે આરોગ્ય મંત્રાલયની માંગણી કરવામાં આવી છે. તમને જણાવી દઈએ કે જેડીએસે હાલમાં બે સીટો જીતી છે. જ્યારે તેમણે ત્રણ બેઠકો પર પોતાના ઉમેદવારો ઉભા રાખ્યા હતા. એચડી દેવગૌડાના જમાઈ ભાજપની ટિકિટ પર ચૂંટણી જીત્યા હતા. તે વ્યવસાયે ડોક્ટર છે. એચડી કુમારસ્વામીએ ગઈકાલે એનડીએની બેઠકમાં હાજરી આપી હતી.

અજિત પવાર અને મુખ્યમંત્રી એકનાથ શિંદે ફડણવીસને મળશે

દેવેન્દ્ર ફડણવીસે લોકસભા ચૂંટણીમાં ખરાબ પરિણામોની જવાબદારી લીધી છે. તેમણે બુધવારે રાજીનામું આપવાની ઓફર કરી હતી. દરમિયાન સૂત્રોનું કહેવું છે કે ડેપ્યુટી સીએમ અજિત પવાર અને મુખ્યમંત્રી એકનાથ શિંદે ગુરુવારે ફડણવીસને મળશે.

આ પણ વાંચો---- Lok Sabha Election : પહેલા નીતિશ-તેજસ્વી અને હવે નાયડુ-સ્ટાલિન સાથે… શું કઈ નવાજૂની થશે!