નરેન્દ્ર મોદીના શપથ ગ્રહણ સમારોહ (PM Modi Oath Ceremony) વચ્ચે બધાની નજર માલદીવના રાષ્ટ્રપતિ મોહમ્મદ મુઈઝુ પર છે. તાજેતરના સમયમાં ભારત-માલદીવના સંબંધોમાં તણાવ હોવા છતાં તેમને શપથ ગ્રહણ સમારોહ (PM Modi Oath Ceremony) માટે આમંત્રણ આપવામાં આવ્યું છે. રવિવારે તેઓ દિલ્હી એરપોર્ટ પહોંચ્યા, જ્યાં તેમનું ઉષ્માભર્યું સ્વાગત કરવામાં આવ્યું. હવે બધાની નજર PM મોદી અને મુઈઝુ વચ્ચેની મુલાકાત પર છે. તમને જણાવી દઈએ કે, ચીનના સમર્થક ગણાતા મુઈઝુની ભારતની આ મુલાકાત વ્યૂહાત્મક રીતે પણ ઘણી મહત્વની છે. ગયા વર્ષે નવેમ્બરમાં માલદીવના રાષ્ટ્રપતિ બન્યા બાદ મુઈઝુ પ્રથમ વખત ભારતની મુલાકાતે છે.
માલદીવના રાષ્ટ્રપતિ ભારતના પડોશી દેશો અને હિંદ મહાસાગર ક્ષેત્રના સાત દેશોના નેતાઓમાં સામેલ છે જેઓ આજે સાંજે રાષ્ટ્રપતિ ભવનમાં મોદી અને તેમની મંત્રી પરિષદના શપથ ગ્રહણ સમારોહ (PM Modi Oath Ceremony)માં હાજરી આપશે. વિદેશ મંત્રાલયના પ્રવક્તા રણધીર જયસ્વાલે સોશિયલ મીડિયા પ્લેટફોર્મ પર એક પોસ્ટમાં જણાવ્યું હતું તેમણે કહ્યું કે, ભારત અને માલદીવ દરિયાઈ ભાગીદારો અને નજીકના પાડોશી છે.
મોરેશિયસના PM દિલ્હી પહોંચ્યા...
મોરેશિયસના PM પ્રવિંદ કુમાર જુગનાથ ભારતના PM પદ માટે નામાંકિત નરેન્દ્ર મોદીના શપથ ગ્રહણ સમારોહ (PM Modi Oath Ceremony)માં હાજરી આપવા પહોંચ્યા.
કોંગ્રેસ પ્રમુખને આમંત્રિત કરાયા છે...
કોંગ્રેસ અધ્યક્ષ અને રાજ્યસભામાં વિપક્ષના નેતા મલ્લિકાર્જુન ખડગેને ગઈકાલે મોડી રાત્રે ભાજપના નેતા પ્રહલાદ જોશીનો ફોન આવ્યો અને તેમને PM પદના ઉમેદવાર નરેન્દ્ર મોદીના શપથ ગ્રહણ સમારોહ (PM Modi Oath Ceremony)માં આમંત્રણ આપ્યું. સૂત્રોએ જણાવ્યું કે શપથ ગ્રહણ સમારોહ (PM Modi Oath Ceremony)માં ખડગેની ભાગીદારી અંગે હાલમાં કોઈ નિર્ણય લેવામાં આવ્યો નથી.
નવા ચૂંટાયેલા TDP સાંસદ મગુન્તા શ્રીનિવાસુલુ રેડ્ડી દિલ્હી પહોંચ્યા...
PM પદના ઉમેદવાર નરેન્દ્ર મોદીના શપથ ગ્રહણ સમારોહ (PM Modi Oath Ceremony)માં હાજરી આપવા રાષ્ટ્રીય રાજધાનીમાં પહોંચવા પર, ઓંગોલ મતવિસ્તારના નવા ચૂંટાયેલા TDP સાંસદ મગુંતા શ્રીનિવાસુલુ રેડ્ડીએ કહ્યું, "તે અદ્ભુત છે. અમે આ સરકારમાં બિન-પક્ષીય રહીશું. .. ચંદ્રબાબુ નાયડુ રાજ્ય માટે જે ઇચ્છે છે તેના માટે કેન્દ્ર સરકાર સાથે યોગ્ય રીતે વ્યવહાર કરશે..."
મધ્યપ્રદેશના પૂર્વ CM દિલ્હી પહોંચ્યા, બની શકે છે મંત્રી...
મધ્યપ્રદેશના પૂર્વ મુખ્યમંત્રી અને ભાજપના નેતા શિવરાજ સિંહ ચૌહાણ રાષ્ટ્રપતિ ભવનમાં યોજાનાર PM નરેન્દ્ર મોદીના શપથ ગ્રહણ સમારોહ (PM Modi Oath Ceremony) પહેલા આજે દિલ્હી પહોંચ્યા હતા.
આ વિદેશી મહેમાનોની મળ્યું આમંત્રણ...
દેશમાં ત્રીજી વખત ભાજપની આગેવાની હેઠળ NDA ગઠબંધનની સરકાર બનવા જઈ રહી છે. આ સરકારમાં બિહારની JDU અને આંધ્રપ્રદેશની TDP પાર્ટી મહત્વની ભૂમિકા ભજવશે. નીતિશ કુમાર અને ચંદ્રબાબુ નાયડુની સાથે ચિરાગ પાસવાન, જીતન રામ માંઝી પણ નરેન્દ્ર મોદીના ત્રીજા કેબિનેટનો મહત્વનો હિસ્સો હશે. નીતિશ કુમારના કેટલાક સાંસદોને પણ મોદી કેબિનેટમાં સ્થાન મળવાની રાજકીય વર્તુળોમાં ચર્ચા છે. આ શપથવિધિ આવતી કાલે રવિવારના રોજ સાંજે યોજાવાની છે જેમા ઘણા દેશ વિદેશમાંથી મહેમાનો આવવાના છે. વિદેશ મંત્રાલયના જણાવ્યા અનુસાર, શ્રીલંકાના રાષ્ટ્રપતિ રાનિલ વિક્રમસિંઘે, માલદીવના રાષ્ટ્રપતિ ડૉ. મોહમ્મદ મુઈઝુ, સેશેલ્સના ઉપરાષ્ટ્રપતિ અહેમદ અફિફ, બાંગ્લાદેશના વડા પ્રધાન શેખ હસીના, મોરેશિયસના વડા પ્રધાન પ્રવિંદ કુમાર જગન્નાથ, નેપાળના વડા પ્રધાન પુષ્પ કમલ દહલ ‘પ્રચંડ’ અને ભૂટાનના વડા પ્રધાન શેરિંગ તોહગે આ કાર્યક્રમમાં હાજરી આપશે.
આ પણ વાંચો : મોદી 3.0 કેબિનેટમાં TDP નો કેટલો હિસ્સો હશે, કોણ લેશે શપથ… આવી ગઈ લિસ્ટ!
આ પણ વાંચો : Oath Ceremony 2024 : નરેન્દ્ર મોદી ત્રીજી વખત PM પદના શપથ લેશે, Delhi માં આજે નો-ફ્લાય ઝોન…
આ પણ વાંચો : Oath Ceremony 2024 : રાજઘાટ બાદ વોર મેમોરિયલ પહોંચ્યા PM મોદી, Delhi માં આ રસ્તાઓ સામાન્ય લોકો માટે બંધ…
