Ujjain Muharram Incident: ઉજ્જૈનમાં મોહરમ જુલૂસમાં દહેશતનું તાંડવ, 40 ફૂટ ઊંચે હવામાં ગાડીમાં કરાયું બ્લાસ્ટ

Ujjain Muharram Incident: 40 ફૂટની ઊંચાઈએ ગાડીમાં વિસ્ફોટ

મળતી માહિતી મુજબ, બડનગરમાં 23 જૂનની રાત્રે મોહરમનું જુલૂસ નીકળ્યું હતું. અડાન મહોલ્લા વિસ્તારમાં નીકળેલા આ જુલૂસમાં એક ટાટા મેજિક વાનને ક્રેનની મદદથી આશરે 40 ફૂટ હવામાં લટકાવવામાં આવી હતી. ગાડી પર બે યુવકો ઊભા રહીને લાલ ઝંડા લહેરાવી રહ્યા હતા. થોડી જ વારમાં તે ગાડીમાં જોરદાર વિસ્ફોટ કરીને તેને ઉડાવી દેવામાં આવી હતી. આ ઘટનામાં ઉપયોગમાં લેવાયેલી ગાડી પર 'લે ફિર આ ગયે' જેવા લખાણો પણ જોવા મળ્યા હતા.

Ujjain Muharram Incident: સોશિયલ મીડિયા પર વીડિયો વાયરલ

આ સમગ્ર દ્રશ્ય ઇન્સ્ટાગ્રામ પર 'પરવેઝ એડિટ્સ-2.0' નામની આઈડી પરથી શેર કરવામાં આવ્યું હતું. વીડિયોમાં કાર વિસ્ફોટ ઉપરાંત અન્ય કેટલાક વિસ્ફોટના દ્રશ્યો પણ દર્શાવવામાં આવ્યા હતા. આ પ્રકારના પ્રદર્શનોમાં આતંક અને દહેશતનું વાતાવરણ જોવા મળ્યું હતું. સોશિયલ મીડિયા પર વીડિયો ફેલાતા પોલીસ વિભાગમાં ખળભળાટ મચી ગયો હતો. પોલીસે ત્વરિત તપાસ હાથ ધરીને ઘટનામાં સામેલ લોકોની ઓળખ કરી હતી.

Ujjain Muharram Incident: પોલીસની મોટી કાર્યવાહી

ઘટના બાદ ઉજ્જૈનના એડિશનલ એસપી કરનદીપ સિંહે કડક સૂચના આપી હતી. પોલીસે આ મામલે આયોજક શોએબ ખાન, ઝંડા લહેરાવનાર તાલિમ ખાન અને જાહિદ ખાન તેમજ ક્રેન માલિક ગોપાલ માલી વિરુદ્ધ ગુનો નોંધ્યો છે. આ તમામ સામે BNS ની કલમ 125, 285, 286 અને 287 હેઠળ કેસ દાખલ કરવામાં આવ્યો છે. હાલ પોલીસ આ ઘટનામાં અન્ય લોકોની સંડોવણી અંગે ઊંડાણપૂર્વક તપાસ કરી રહી છે.

 

View this post on Instagram

 

A post shared by Gujarat First (@gujaratfirst)

વિશ્વ હિન્દુ પરિષદે કાર્યવાહીની કરી માગ

વિશ્વ હિન્દુ પરિષદ (VHP) એ મધ્યપ્રદેશના ઉજ્જૈનમાં બનેલી ઘટનાની તપાસની માંગ કરી છે, જ્યાં મોહરમના શોભાયાત્રા દરમિયાન ક્રેન દ્વારા એક વાનને ઉડાવી દેવામાં આવી હતી. સંગઠને કહ્યું કે ધાર્મિક કાર્યક્રમોના નામે શક્તિના આવા ખતરનાક પ્રદર્શનને સભ્ય સમાજમાં ક્યારેય સ્વીકારી શકાય નહીં.

આ પણ વાંચો--- Mehrauli building collapse: દિલ્હીના મહેરૌલીમાં ડિમોલિશન દરમિયાન 3 માળની ઈમારત ધરાશાયી, લોકો ફસાયાની આશંકા