Ketan Aggarwal Murder Case : મહારાષ્ટ્રના ચર્ચિત યુવા ઉદ્યોગપતિ Ketan Aggarwal Murder Case માં પોલીસને એક અત્યંત મહત્વપૂર્ણ અને સચોટ કડી હાથ લાગી છે. પોલીસ તપાસ દરમિયાન મુખ્ય આરોપી સિયા ગોયલ અને તેના બોયફ્રેન્ડ ચેતન ચૌધરીનું એક ગુપ્ત સીસીટીવી ફૂટેજ સામે આવ્યું છે. આ ફૂટેજ હત્યાની ઘટનાના બરાબર એક દિવસ પહેલાંનું છે, જેમાં બંને પુણેના એક કેફેમાં બેસીને હત્યાનું કાવતરું ઘડતા સ્પષ્ટ દેખાય છે.
પુણેના લોહગઢ કિલ્લાની ઊંડી ખીણમાં ધક્કો મારીને હત્યા
26 વર્ષના ધનાઢ્ય બિઝનેસમેન કેતન અગ્રવાલની સગાઈ આ વર્ષે ફેબ્રુઆરી મહિનામાં 20 વર્ષીય સિયા ગોયલ સાથે થઈ હતી. બંનેના લગ્ન આગામી નવેમ્બર મહિનામાં પરિવારની સહમતિથી થવાના હતા. પરંતુ સિયા આ લગ્ન માટે બિલકુલ તૈયાર નહોતી કારણ કે તેના પર પરિવારનું ભારે દબાણ હતું. સિયા તેના પ્રેમી ચેતન ચૌધરી સાથે પોતાનું જીવન આગળ વધારવા માંગતી હતી, જેની મુલાકાત તેને ગયા વર્ષે દિવાળી દરમિયાન થઈ હતી. ચેતનના પિતા એક સામાન્ય રાશનની દુકાન ચલાવે છે, જ્યારે કેતન કરોડોની સંપત્તિનો માલિક હતો.
400 ફૂટ ઊંડી ખીણમાં ધક્કો મારી દીધો
પોતાના પ્રેમના આડે આવતા કેતનને કાયમ માટે રસ્તામાંથી હટાવવા માટે સિયા અને ચેતને એક ખૌફનાક યોજના બનાવી. 18 જૂનના રોજ, તેઓ કેતનને પુણે નજીક આવેલા ઐતિહાસિક લોહગઢ કિલ્લા પર ફરવા લઈ ગયા હતા. ત્યાં તક મળતાની સાથે જ સિયા અને ચેતને મળીને કેતનને લોહગઢ કિલ્લાની 400 ફૂટ ઊંડી ખીણમાં ધક્કો મારી દીધો, જેના કારણે તેનું ઘટનાસ્થળે જ દર્દનાક મોત નીપજ્યું હતું.
થર્ડ વેવ કેફેનું સનસનાટીપૂર્ણ સીસીટીવી ફૂટેજ
આ કેસમાં સૌથી મોટો વળાંક ત્યારે આવ્યો જ્યારે મહારાષ્ટ્ર પોલીસના હાથમાં પુણેના જાણીતા 'થર્ડ વેવ' કેફેનું સીસીટીવી ફૂટેજ આવ્યું. આ વિડીયો પુરાવા દર્શાવે છે કે 17 જૂનના રોજ સિયા અને ચેતન આ કેફેમાં મળ્યા હતા. વિડીયોની શરૂઆતમાં સિયા જીન્સ-ટોપમાં અને ચેતન ટી-શર્ટ અને જીન્સ પહેરીને કેફેના મુખ્ય ગેટથી અંદર પ્રવેશતા જોવા મળે છે. તેઓ ભીડભાડ વાળી જગ્યા છોડીને કેફેના એક ખૂણામાં ખુલ્લી જગ્યા પર જઈને બેસે છે.
એક કલાક સુધી ગુપ્તા ચર્ચા કરી હતી
તેઓ લગભગ એક કલાક સુધી અત્યંત નજીક ખુરશીઓ રાખીને ગુપ્ત ચર્ચા કરતા વીડિયોમાં કેદ થયા છે. બંનેના હાવભાવ અને શારીરિક ભાષા (Body Language) પરથી સ્પષ્ટ જણાય છે કે તેઓ કોઈ ગંભીર ગુનાહિત પ્લાનિંગ કરી રહ્યા હતા. આ ચર્ચા દરમિયાન સિયા પર એક ફોન કોલ પણ આવે છે, જે પૂર્ણ થયા બાદ તે ફરીથી ચેતન સાથે વાર્તાલાપમાં વ્યસ્ત થઈ જાય છે. પોલીસે આ ફૂટેજને કોર્ટમાં મુખ્ય પુરાવા તરીકે રજૂ કરવાની તૈયારી કરી લીધી છે.
ઇન્સ્ટાગ્રામ પર ફેક સ્ટોરી દ્વારા ગુમરાહ કરવાની ચાલ
હત્યાને અંજામ આપ્યા બાદ શરૂઆતમાં આ ઘટનાને માત્ર એક સામાન્ય અકસ્માત તરીકે દર્શાવવાનો પૂરો પ્રયાસ કરવામાં આવ્યો હતો. સિયાએ દાવો કર્યો હતો કે લોહગઢ કિલ્લા પર પગ લપસવાના કારણે કેતન નીચે પડી ગયો હતો. શરૂઆતમાં પરિવારે પણ આ વાત સાચી માની લીધી હતી. ગુનાના આઘાતમાંથી બચવા માટે સિયાએ સોશિયલ મીડિયા પ્લેટફોર્મ ઇન્સ્ટાગ્રામ પર કેતનની તસવીર સાથે એક ઈમોશનલ સ્ટોરી પણ પોસ્ટ કરી હતી, જેમાં તે ખૂબ જ દુઃખી હોવાનો ઢોંગ કરી રહી હતી.
કેતનની સગીબેનને સિયાની વાતો પર શંકા ગઈ હતી
પરંતુ પાપનો ઘડો લાંબો સમય છૂપો રહી શકતો નથી. આ સમગ્ર મામલાનો પર્દાફાશ ત્યારે થયો જ્યારે કેતનની સગી બહેનને સિયાની વાતો પર શંકા ગઈ. તેણે સિયાને ઘટના અંગે કેટલાક તાર્કિક સવાલો પૂછ્યા, જેના જવાબો આપવામાં સિયા થોથવાઈ ગઈ હતી. બહેનની શંકાના આધારે પરિવારે પોલીસનો સંપર્ક સાધ્યો હતો. પોલીસે જ્યારે કડકાઈથી પૂછપરછ કરી અને સિયા તેમજ ચેતનના મોબાઈલ લોકેશન અને કોલ રેકોર્ડિંગ્સની તપાસ કરી, ત્યારે આ ભયાનક હત્યાકાંડનું સત્ય દેશની સામે આવી ગયું.
આ પણ વાંચો : Pune Murder Case : કોણ છે ચેતન ચૌધરી? જેના માટે સિયા ગોયલે તેના કરોડપતિ મંગેતરની હત્યા કરી
