Maharashtra News : નંદુરબારમાં સગીરોના જાતીય શોષણનો પર્દાફાશ, નરાધમના ફોનમાંથી મળ્યા 600 અશ્લીલ વીડિયો

Maharashtra News : 4 વર્ષથી ચાલતું હતું શોષણ અને બ્લેકમેલિંગ

મળતી માહિતી મુજબ, આરોપી દ્વારા પીડિતોને વીડિયો વાયરલ કરવાની ધમકી આપીને સતત બ્લેકમેલ કરવામાં આવતા હતા. ગુપ્ત માહિતીના આધારે પોલીસે સક્રિય થઈને આ રેકેટનો પર્દાફાશ કર્યો હતો. પોલીસ તપાસ દરમિયાન આરોપીના મોબાઇલ ફોનમાંથી આશરે 600 જેટલા વીડિયો મળી આવ્યા છે, જેણે તપાસકર્તાઓને પણ ચોંકાવી દીધા છે.

પોલીસે કડક કાર્યવાહી હાથ ધરી

ઉલ્લેખનીય છે કે આ ગંભીર મામલે પોલીસે આરોપી વિરુદ્ધ ભારતીય ન્યાય સંહિતા, પોક્સો એક્ટ અને બાળ સંભાળ અને સુરક્ષા કાયદાની ગંભીર કલમો હેઠળ કેસ નોંધ્યો છે. તેમજ આરોપી પાસેથી જપ્ત કરાયેલા મોબાઈલ ફોન અને ડિજિટલ પુરાવાઓને ફોરેન્સિક લેબમાં મોકલવામાં આવ્યા છે.

આ ઉપરાંત સબ-ઇન્સ્પેક્ટર અમોલ દેશમુખના નેતૃત્વ હેઠળ પોલીસ ટીમ વીડિયો અને ફોટોગ્રાફ્સમાં દેખાતા પીડિત સગીરોની ઓળખ કરવાની અને તેમના નિવેદનો નોંધવાની પ્રક્રિયા હાથ ધરવામાં આવી છે. તેમજ પોલીસ અત્યારે આ દુષ્કૃત્યની વ્યાપકતા કેટલી છે તે નક્કી કરવા માટે ઊંડાણપૂર્વક તપાસ કરી રહી છે.

આ પણ વાંચો : NEET Controversy : ભૂતપૂર્વ કેન્દ્રીય શિક્ષણ મંત્રી ધર્મેન્દ્ર પ્રધાને રાજીનામા પર મૌન તોડ્યું, Gen Z વિશે શું કહ્યું?