Maharashtra School Junk Food Ban : શાળાની આસપાસ ચોકલેટ અને વડાપાવ સહિતના જંક ફૂડ પર પ્રતિબંધ, જાણો નવા નિયમો વિશે

Maharashtra School Junk Food Ban : નવા નિયમો અને પ્રતિબંધિત ખાદ્ય પદાર્થો

નવા આદેશ અનુસાર, હાઈ ફેટ, ખાંડ અને મીઠાવાળા ખોરાક જેમ કે વડાપાંવ, સમોસા, ડીપ-ફ્રાઇડ નાસ્તા, ચિપ્સ, કોલ્ડ ડ્રિંક્સ, ચોકલેટ અને આઈસ્ક્રીમ હવે શાળા પરિસરમાં કે તેની 50 મીટરની ત્રિજ્યામાં વેચી શકાશે નહીં. આ નિયમ રાજ્યની આશરે 1.08 લાખ શાળાઓ અને અંદાજે 2 કરોડ વિદ્યાર્થીઓને સીધી અસર કરશે. સરકારી, ખાનગી, સીબીએસઈ અને આઈસીએસઈ સહિતના તમામ બોર્ડની શાળાઓને આ આદેશ લાગુ પડશે.

એફડીએ કમિશનરે આપ્યું નિવેદન

મહારાષ્ટ્ર એફડીએ કમિશનર તુકારામ મુંધેએ આ આદેશની જાહેરાત કરતા જણાવ્યું હતું કે, આ પગલું રાજ્યના "સેફ ફૂડ - સેફ મહારાષ્ટ્ર" અભિયાનનો એક મુખ્ય ભાગ છે. બાળકોને પૌષ્ટિક અને સુરક્ષિત આહાર પૂરો પાડીને સ્વસ્થ સમાજનું નિર્માણ કરવાનો સરકારનો મુખ્ય ઉદ્દેશ્ય છે.

શાળા કેન્ટીન અને એફએસએસએઆઈ માર્ગદર્શિકા

શાળા કેન્ટીન, હોસ્ટેલ કેન્ટીન, મધ્યાહન ભોજન રસોડા અને આંગણવાડી કેન્દ્રોમાં ખાધ્ય પદાર્થો પૂરા પાડતા વિક્રેતાઓ પાસે હવે માન્ય એફએસએસએઆઈ લાયસન્સ અને નોંધણી હોવી અનિવાર્ય છે. શાળાઓએ ખાદ્ય સલામતી માહિતી બોર્ડ લગાવવા અને ફૂડ સેફ્ટી સુપરવાઇઝરની નિમણૂક કરવાની રહેશે.

અમલીકરણ અને કડક કાર્યવાહી

આ નિયમોનું પાલન કરાવવાની મુખ્ય જવાબદારી શાળાના આચાર્યો અને મેનેજમેન્ટની રહેશે. નિયમોનું ઉલ્લંઘન કરનાર શાળાઓ સામે ફૂડ સેફ્ટી એન્ડ સ્ટાન્ડર્ડ્સ એક્ટ, 2006 હેઠળ નોટિસ આપવાથી લઈને લાયસન્સ રદ કરવા અને કાનૂની કાર્યવાહી સુધીના કડક પગલાં લેવામાં આવશે.

આ પણ વાંચો : DyCM Harshbhai Sanghavi in ​​Glasgow: DyCM હર્ષભાઈ સંઘવીના હસ્તે Ahmedabad Experience Center નું ઉદ્ઘાટન, કોમનવેલ્થ ગેમ્સને લઈને કર્યું મોટું એલાન