Neet Paper Leak Controversy : વિદ્યાર્થીઓના સમર્થનમાં ઠાકરે બંધુઓ,26 જુલાઈએ મુંબઈમાં વિરોધ પ્રદર્શન કરશે

Neet Paper Leak Controversy : પેપર લીક વિવાદમાં ઠાકરે બંધુઓ આવ્યા મેદાને

ઉલ્લેખનીય છે કે મુંબઈમાં આયોજિત એક સંયુક્ત પત્રકાર પરિષદમાં ઉદ્ધવ ઠાકરેએ સરકાર પર આકરા પ્રહાર કરતા જણાવ્યું હતું કે વર્તમાન શાસન વિદ્યાર્થીઓ સાથે અત્યંત ક્રૂર વ્યવહાર કરી રહ્યું છે, પરંતુ હવે યુવાનો ડરવાના નથી. બીજી તરફ, રાજ ઠાકરેએ સ્પષ્ટ શબ્દોમાં ચેતવણી આપી હતી કે આ શાંતિપૂર્ણ આંદોલનમાં જો કોઈ ખલેલ પહોંચાડવાનો પ્રયાસ કરશે, તો તેને બક્ષવામાં આવશે નહીં. તેમણે મહારાષ્ટ્રના તમામ વિદ્યાર્થીઓ અને વાલીઓને આ વિરોધ પ્રદર્શનમાં મોટી સંખ્યામાં જોડાવા માટે ખુલ્લું આહ્વાન કર્યું છે.

https://t.co/0L4PBVsMVk

— ShivSena - शिवसेना Uddhav Balasaheb Thackeray (@ShivSenaUBT_) July 23, 2026

વિદ્યાર્થીઓના સમર્થનમાં વાલીઓ અને યુવાનો મોટી સંખ્યામાં જોડાશે

આ સમગ્ર વિવાદની પૃષ્ઠભૂમિની વાત કરીએ તો, મે 2026માં પેપર લીકના કારણે NEET પરીક્ષારદ થતાં વિદ્યાર્થીઓનો રોષ ભીષણ બન્યો હતો. ત્યારબાદ 20 જૂને જંતર-મંતર ખાતે શરૂ થયેલા આંદોલનને સોનમ વાંગચુક જેવા અગ્રણીઓનું પણ સમર્થન મળ્યું હતું. વધતા જતા દબાણને ધ્યાનમાં રાખીને વડા પ્રધાન નરેન્દ્ર મોદીએ પેપર લીક કેસોના ઝડપી ઉકેલ માટે ફાસ્ટ-ટ્રેક કોર્ટ સ્થાપવાની જાહેરાત કરી છે, છતાં મહારાષ્ટ્રમાં રાજકીય ગરમાવો યથાવત છે.

આ પણ વાંચો : PM Modi Statement Paper Leak : 'પેપર લીકના કેસોની સુનાવણી ફાસ્ટ-ટ્રેક કોર્ટમાં થશે,' પીએમ મોદીએ મોટી જાહેરાત કરી