જાણિતી ગાયિકા Neha Suthar ને ભાજપે આપી ટિકિટ, વિજાપુરની આ બેઠક પરથી લડશે ચૂંટણી
- ભાજપે લોકપ્રિય સિંગર Neha Suthar ને આપી ટિકિટ
- વિજાપુર તાલુકા પંચાયત પરથી આપી ટિકિટ
- તાલુકા પંચાયતની ફુદેડા સીટ પર આપી ટિકિટ
Neha Suthar: ગુજરાતના જાણિતા ગાયિકા અને કલાકાર નેહા સુથારે હવે રાજકારણમાં રસ દાખવ્યો છે. ભાજપે નેહા સુથારને સ્થાનિક સ્વરાજ્યની ચૂંટણી (Local Body Elections) લડવા ટિકિટ આપી છે. તેઓ વિજાપુર તાલુકા પંચાયતની ફુદેડા (Fudeda) બેઠક પરથી ચૂંટણી લડશે. આજે નેહા સુથાર (Neha Suthar) વિજાપુરમાં ફોર્મ ભર્યું છે. ટિકિટ મળતાં જ નેહા સુધારે ભાજપનો આભાર માન્યો છે.
સોશિયલ મીડિયા સ્ટાર ભાજપને ભરોસે
ભાજપ દ્વારા આ વખતે રણનીતિમાં નોંધપાત્ર ફેરફાર કરવામાં આવ્યો હોય તેમ જણાય છે. પક્ષે એવા ચહેરાઓને પ્રાધાન્ય આપ્યું છે જેઓ લોકપ્રિય હોય અને ખાસ કરીને યુવા પેઢી સાથે જોડાયેલા હોય. નેહા સુથાર એક પ્રખ્યાત લોકગાયિકા (Folk Singer), અભિનેત્રી અને પ્રભાવશાળી સોશિયલ મીડિયા ઈન્ફ્લુએન્સર (Social Media Influencer) છે. ઇન્સ્ટાગ્રામ પર તેમના 16 લાખ (1.6 મિલિયન) થી વધુ ફોલોઅર્સ છે. તેમની આ લોકચાહનાને મતમાં પરિવર્તિત કરવા માટે ભાજપે તેમને મહેસાણા જિલ્લાની વિજાપુર તાલુકા પંચાયતની કુડેદા બેઠક પરથી ઉમેદવાર તરીકે પસંદ કર્યા છે.
Singer Neha Suthar files nomination for Fudeda seat Vijapur Mehsana
Mehsana | ભાજપના ઉમેદવાર તરીકે Singer Neha Suthar એ ભર્યું ફોર્મ પક્ષનો માન્યો આભાર | Gujarat First
ભાજપે લોકપ્રિય સિંગર નેહા સુથારને આપી ટિકિટ
વિજાપુર તાલુકા પંચાયતમાં આપી ટિકિટ
તાલુકા પંચાયતની ફુદેડા સીટ… pic.twitter.com/Iw5q0yhCVW— Gujarat First (@GujaratFirst) April 11, 2026
ઉત્તર ગુજરાતમાં લોકપ્રિયતા અને રાજકીય સમીકરણો
મહેસાણા જિલ્લાના વતની એવા નેહા સુથારે અનેક ગુજરાતી આલ્બમ્સ અને ગીતોમાં મોડેલ (Model) તરીકે કામ કર્યું છે. ખાસ કરીને ઉત્તર ગુજરાતમાં તેમનો મોટો ચાહક વર્ગ છે. રાજકીય વિશ્લેષકોનું માનવું છે કે, મહિલા અને યુવા મતદારોને (Youth Voters) આકર્ષવા માટે નેહા સુથાર એક મજબૂત મહિલા ઉમેદવાર સાબિત થઈ શકે છે. ટિકિટ મળ્યા બાદ નેહા સુથારે પક્ષના નેતૃત્વનો આભાર માનતા જણાવ્યું હતું કે, તેઓ કલાની સાથે હવે જનસેવા કરવા માટે પણ કટિબદ્ધ છે.
ચાહકોમાં ભારે ઉત્સાહ
આજે જ્યારે નેહા સુથારે ફોર્મ ભર્યું ત્યારે મોટી સંખ્યામાં સમર્થકો (Supporters) ઉમટી પડ્યા હતા. ગ્લેમર વર્લ્ડમાંથી રાજકારણની સફર શરૂ કરનાર આ કલાકારને જોવા માટે લોકોમાં ભારે કુતૂહલ જોવા મળ્યું હતું. સોશિયલ મીડિયા પર પણ તેમના ચાહકો તેમને આ નવી સફર માટે અભિનંદન (Congratulations) પાઠવી રહ્યા છે. હવે જોવાનું એ રહેશે કે, ડિજિટલ પ્લેટફોર્મ પર લાખોના દિલ જીતનાર નેહા સુથાર ચૂંટણીના મેદાનમાં જનતાનો વિશ્વાસ (Public Confidence) કેટલો જીતી શકે છે.
આ પણ વાંચોઃ જાણીતા ગુજરાતી સિંગર Rajal Rajal Barot બન્યા ભાજપના ઉમેદવાર, કયા વોર્ડમાંથી નોંધાવશે ઉમેદવારી?