Mehsana: ઊંઝામાં નકલી વરિયાળીનો જથ્થો ઝડપાયો, ઉનાવાના શિવ ગંગા એસ્ટેટમાં ચાલતો હતો કારોબાર

શું હતી મોડસ ઓપરેન્ડી?

તપાસ દરમિયાન જાણવા મળ્યું છે કે, વી. એન. એન્ટરપ્રાઇઝ (V. N. Enterprise) ના માલિક નીમકુમાર પટેલ દ્વારા હલકી ગુણવત્તાની વરિયાળીને આકર્ષક અને લીલીછમ બનાવવા માટે જોખમી આર્ટિફિશિયલ કલર (Artificial Color) નો ઉપયોગ કરવામાં આવતો હતો. આ ભેળસેળયુક્ત વરિયાળીને 'વિની ગોલ્ડ' (Vini Gold) બ્રાન્ડના નામે બજારમાં વેચવામાં આવતી હતી, જે લોકોના સ્વાસ્થ્ય માટે અત્યંત હાનિકારક સાબિત થઈ શકે તેમ હતી.

તંત્રને મળેલી ગુપ્ત માહિતીના આધારે કરવામાં આવેલી આ કાર્યવાહીમાં આશરે 4766 કિલોગ્રામ જથ્થો જપ્ત કરવામાં આવ્યો છે, જેની બજાર કિંમત અંદાજે 8.57 લાખ રૂપિયા થાય છે. અનાજ અને મસાલાના બજારમાં લોકોના રસોડા સુધી આ ઝેરી વરિયાળી પહોંચે તે પહેલાં જ તંત્રએ કાર્યવાહી કરી મોટી દુર્ઘટના ટાળી છે. હાલમાં નમૂનાઓ લેબોરેટરીમાં તપાસ માટે મોકલી આપવામાં આવ્યા છે અને માલિક નીમકુમાર પટેલ સામે કાયદેસરની કાર્યવાહી હાથ ધરવામાં આવી છે. વાલીઓ અને નાગરિકો માટે આ એક સાવધાન રહેવા જેવો કિસ્સો છે.

આ પણ વાંચો: Mehsana: CM ભૂપેન્દ્રભાઈ પટેલ વડનગરની મુલાકાતે, સંગીત સંગ્રહાલયની પ્રગતિની ઝીણવટભરી સમીક્ષા કરી