ચૂંટણી પહેલા જ BJP માંથી 720 ઉમેદવાર બિનહરીફ
હાઈવોલ્ટેજ ડ્રામા વચ્ચે અનેક ઉમેદવાર ફસકી ગયા
બુધવારે માત્ર 4 કલાકમાં 400થી વધુ ફોર્મ પરત ખેંચાયા
ચૂંટણી પહેલાં જ કડીમાં ભાજપને બે તૃતિયાંશ બહુમતિ
ચૂંટણી પ્રચારમાં હવે રાત ટૂંકીને વેશ ઝાઝાનો ખરો ખેલ
26 એપ્રિલે સ્થાનિક સ્વરાજની બાકીનું બેઠકનું મતદાન

BJP Victory: ગુજરાતમાં સ્થાનિક સ્વરાજની ચૂંટણી (Local Body Elections) પૂર્વે જ રાજકીય ગરમાવો ચરમસીમાએ પહોંચ્યો છે. ઉમેદવારી પત્રો ખેંચવાના છેલ્લા દિવસે સર્જાયેલા હાઈવોલ્ટેજ ડ્રામા (High-voltage drama) બાદ રાજ્યમાં ભાજપ (BJP) તરફી એકતરફી પવન ફૂંકાતો જોવા મળી રહ્યો છે. ચૂંટણીના સત્તાવાર મતદાન (Voting) પહેલા જ ભાજપના 720 જેટલા ઉમેદવારો બિનહરીફ (Unopposed) જાહેર થતા રાજકીય વિશ્લેષકોમાં આશ્ચર્ય ફેલાયું છે.

4 કલાકમાં પલટાયું ચિત્ર: 400 ફોર્મ પાછા ખેંચાયા

બુધવારનો દિવસ ગુજરાતના રાજકારણ માટે અત્યંત મહત્વનો સાબિત થયો હતો. ફોર્મ પરત ખેંચવાના છેલ્લા દિવસે માત્ર 4 કલાકના ટૂંકા ગાળામાં 400થી વધુ ઉમેદવારોએ પોતાના ફોર્મ પરત ખેંચી લેતા અનેક બેઠકો પર હરીફોનું અસ્તિત્વ જ મટી ગયું હતું. આ ઘટનાક્રમને પગલે વિપક્ષી છાવણીમાં સોપો પડી ગયો છે, જ્યારે ભાજપે અનેક નગરપાલિકાઓ (Municipalities) પર પ્રચાર પહેલા જ વિજય પતાકા લહેરાવી દીધી છે.

'બિનહરીફ' જનપ્રતિનિધિનો ઐતિહાસિક નવો વિક્રમ
સ્થાનિક સ્વરાજના જંગમાં ચૂંટણીનું ચિત્ર થયું સ્પષ્ટ
ચૂંટણી પહેલા જ ભાજપમાંથી 720 ઉમેદવાર બિનહરીફ
હાઈવોલ્ટેજ ડ્રામા વચ્ચે અનેક ઉમેદવાર ફસકી ગયા
બુધવારે માત્ર 4 કલાકમાં 400થી વધુ ફોર્મ પરત ખેંચાયા
હરીફોનું આખરી ચિત્ર આજે ચૂંટણી આયોગ… pic.twitter.com/4JSNIMp0fs

— Gujarat First (@GujaratFirst) April 16, 2026

કડી અને ઊંઝામાં કેસરીયો લહેરાયો

ઉત્તર ગુજરાતના ગઢ ગણાતા કડી (Kadi) માં ભાજપે ઐતિહાસિક પ્રદર્શન કરતા બે તૃતિયાંશ બહુમતી (Two-thirds majority) હાંસલ કરી લીધી છે. આ ઉપરાંત ઊંઝા (Unjha), બાયડ (Bayad), અને ગણદેવી (Gandevi) સહિત કુલ 8 નગરપાલિકાઓમાં ભાજપે સત્તાના સૂત્રો અત્યારથી જ સંભાળી લીધા હોય તેવું ચિત્ર સ્પષ્ટ થયું છે. ચૂંટણી આયોગ (Election Commission) આજે સાંજ સુધીમાં આખરી યાદી જાહેર કરશે, જેમાં બિનહરીફ થયેલા ઉમેદવારોની સત્તાવાર જાહેરાત કરવામાં આવશે.

હવે જંગ 26 એપ્રિલે

ચૂંટણી પ્રચાર માટે હવે ઉમેદવારો પાસે ગણતરીના દિવસો બાકી રહ્યા છે, ત્યારે 'રાત ટૂંકી અને વેશ ઝાઝા' જેવી સ્થિતિ સર્જાઈ છે. જે બેઠકો પર હજુ મુકાબલો બાકી છે ત્યાં 26 એપ્રિલ (26th April) ના રોજ મતદાન પ્રક્રિયા હાથ ધરવામાં આવશે. ભાજપના આ વિક્રમી બિનહરીફ દેખાવે વિરોધ પક્ષોની વ્યૂહરચના પર મોટા સવાલો ઉભા કરી દીધા છે.

આ પણ વાંચો: Star Campaigners: ભાજપે ઝોન મુજબ સેના ઉતારી, તો કોંગ્રેસે જૂના જોગીઓ પર ખેલ્યો દાવ