Kadi Crime News: કડી બની રહ્યું છે ક્રાઈમ સિટી, એક જ અઠવાડિયામાં ત્રીજી હત્યા, સમગ્ર પંથકમાં ફફડાટ

મૃતકની ઓળખ અને પોલીસ તપાસની કામગીરી

હત્યાનો ભોગ બનનાર યુવકની ઓળખ કડીના આલુસણા ગામના રહેવાસી વિષ્ણુજી ઠાકોર તરીકે થઈ છે. ઘટનાસ્થળેથી મૃતકની બાજુમાં જ તેનું એક્ટિવા મળી આવ્યું છે, જે પોલીસ માટે તપાસનું મહત્વનું પાસું બન્યું છે. માહિતી મળતાની સાથે જ ડીવાયએસપી સહિતનો પોલીસ કાફલો તાત્કાલિક સ્થળ પર પહોંચ્યો છે. પોલીસે તપાસનો ધમધમાટ શરૂ કર્યો છે. અને હત્યારાઓને પકડવા માટે વિવિધ દિશાઓમાં તપાસના ચક્રો ગતિમાન કર્યા છે.

કડીમાં કાયદો અને વ્યવસ્થા સામે પ્રશ્નો

કડીમાં વધતા ક્રાઈમ રેટને નિયંત્રિત કરવા માટે ખાસ ડીવાયએસપીની નિમણૂક કરવામાં આવી હતી. આ પગલા બાદ થોડા સમય માટે ક્રાઈમ રેટમાં ઘટાડો જોવા મળ્યો હતો, પરંતુ છેલ્લા 7 દિવસમાં બનેલી 3 હત્યાની ઘટનાઓએ પોલીસની કામગીરી અને સુરક્ષા વ્યવસ્થા સામે ગંભીર પ્રશ્નો ઉભા કર્યા છે. ફરીથી ગુનાખોરીએ માથું ઉચકતા સ્થાનિકોમાં સુરક્ષાને લઈને ભયનો માહોલ છે. પોલીસ હવે આ વિસ્તારમાં કડક પેટ્રોલિંગ અને તપાસ કરીને ગુનાખોરી ડામવા મક્કમ પ્રયાસો કરી રહી છે.

આ પણ વાંચો--- Bhavnagar crime News: એક જ સમાજના બે જૂથ વચ્ચે મારામારી, પૈસાના લેતી-દેતીના મામલે યુવકને પતાવી દીધો