Mehsana News: વરસાદી પાણીમાં ડૂબ્યું કડીનું ડરણ ગામ, 10 વર્ષથી પાણીના નિકાલનો અભાવ, લોકોમાં ભારે રોષ

ગામમાં ઠેર-ઠેર જળબંબાકાર

ગામના મણિનગર, ખારાઉપર જેવા વિસ્તારો પાણીમાં સંપૂર્ણપણે ડૂબી ગયા છે. એટલું જ નહીં, બાળકોની આંગણવાડી અને પ્રાથમિક શાળા સુધી પહોંચવાના મુખ્ય માર્ગો પણ પાણીમાં ગરકાવ થઈ ગયા છે. અંદાજે 130 થી 140 જેટલા મકાનોમાં પાણી ઘૂસી જતાં લોકોના ઘરવખરીને ભારે નુકસાન થયું છે અને જનજીવન સંપૂર્ણપણે અસ્તવ્યસ્ત થઈ ગયું છે.

ગ્રામજનોમાં તંત્ર સામે ભારે રોષ

ગ્રામજનોનો આરોપ છે કે છેલ્લા 10 વર્ષથી ગામમાં પાણીના નિકાલ માટેની કોઈ કાયમી વ્યવસ્થા કરવામાં આવી નથી. સ્થાનિકોએ જણાવ્યું હતું કે, ડિલિવરી જેવી મેડિકલ ઈમરજન્સી સમયે દવાખાને પહોંચવું પણ હવે જીવનું જોખમ બની ગયું છે. વારંવાર તંત્રને લેખિત અને મૌખિક રજૂઆતો કરવા છતાં કોઈ નક્કર પગલાં લેવામાં આવતા નથી. લોકોનો આક્ષેપ છે કે સરકારના વિકાસના દાવાઓ માત્ર કાગળ પર જ છે, જ્યારે વાસ્તવિકતામાં ગામની સ્થિતિ દયનીય છે. તાત્કાલિક ધોરણે પાણીના નિકાલની વ્યવસ્થા કરવામાં નહીં આવે તો ગ્રામજનો દ્વારા ઉગ્ર આંદોલનની ચીમકી પણ ઉચ્ચારવામાં આવી છે.

આ પણ વાંચો:  Ahmedabad Rath Yatra 2026: અમદાવાદ રથયાત્રાની સુરક્ષાનો જબરદસ્ત પ્લાન, DYCM હર્ષભાઈ સંઘવીની અધ્યક્ષતામાં મળશે મહત્વની રિવ્યુ બેઠક