માહિતી માંગવાના મુદ્દે થયો વિવાદ
મળતી પ્રાથમિક માહિતી અનુસાર કડાણા તાલુકાના ખરાવાડા ગ્રામ પંચાયત અંગે માહિતી માગવા ગયેલા દિનેશ માછી અને અન્ય એક યુવક સાથે મહિલા સરપંચ અને તેમના પરિવારજનોએ ઉગ્ર બોલાચાલી કરી હતી. દિનેશ માછીએ આક્ષેપ કર્યો છે કે "તું પંચાયતની માહિતી કેમ માગે છે" તેમ કહી તેમની સાથે મારામારી કરવામાં આવી હતી. આ મામલે દિનેશ માછીએ ખરાવાડા ગ્રામ પંચાયતના મહિલા સરપંચ શાંતાબેન માછી, તેમના પતિ જગાભાઈ માછી અને પુત્ર ધર્મેશ માછી વિરુદ્ધ કડાણા પોલીસ સ્ટેશનમાં ફરિયાદ નોંધાવી છે.
મહિલા સરપંચે પણ કર્યો પ્રતીઆરોપ
ઘટનાનો બીજો પક્ષ પણ સામે આવ્યો છે. મહિલા સરપંચ શાંતાબેને દિનેશ માછી અને હાર્દિક માછી વિરુદ્ધ ફરિયાદ નોંધાવી છે. સરપંચના જણાવ્યા મુજબ બંને યુવકો પંચાયતની કામગીરી અંગે વાંધાજનક ભાષામાં બોલ્યા હતા અને "તમે અમારી કામગીરી કરતા નથી અને માહિતી આપતા નથી" તેમ કહી તેમની સાથે ઝપાઝપી કરી હતી. સરપંચે પોતાના ઉપર હુમલો કરવામાં આવ્યો હોવાનો આક્ષેપ કરતાં પોલીસ સમક્ષ કાર્યવાહી કરવાની માગ કરી છે.
પોલીસે શરૂ કરી તપાસ
ગ્રામ પંચાયતની માહિતી માંગવાના મુદ્દે શરૂ થયેલો વિવાદ હવે સ્થાનિક રાજકીય અને સામાજિક વર્તુળોમાં ચર્ચાનો વિષય બન્યો છે. માહિતીના અધિકાર અને પંચાયતની કામગીરીમાં પારદર્શિતાના મુદ્દે પણ લોકોમાં ચર્ચા ચાલી રહી છે. પોલીસે સીસીટીવી ફૂટેજ અને અન્ય પુરાવાના આધારે આગળની કાયદેસરની કાર્યવાહી હાથ ધરવાની પ્રક્રિયા શરૂ કરી છે.
આ પણ વાંચોઃSurendranagar Crime: પૂજારી અને પત્નીના મૃતદેહને લઈ મોટો ખુલાસો, આ વાતને લઈ બંને વચ્ચે થઈ હતી તકરાર
આ પણ વાંચોઃ Vadodara: ભરૂચ જતી ટ્રેનમાં દુઃખદ ઘટના, ચાલુ ટ્રેનમાં હાર્ટ એટેકથી મુસાફરનું મોત
