મહેસાણામાં મોટી કાર્યવાહી: સરકારી મિટિંગમાં ટી-શર્ટ પહેરીને આવતા ડે.કમિશનરને નોટિસ

ડેપ્યુટી કમિશનર દર્શનસિંહ ચાવડાને કારણદર્શક નોટિસ

અધિક કલેક્ટર મયંક પટેલ દ્વારા મહેસાણાના ડેપ્યુટી કમિશનર (Deputy Commissioner) દર્શનસિંહ ચાવડાને (Darshansinh Chavda) સત્તાવાર રીતે કારણદર્શક નોટિસ (Show Cause Notice) ફટકારવામાં આવી છે. આ નોટિસ મળતા જ સરકારી વર્તુળોમાં ભારે ચર્ચા જાગી છે. ઉચ્ચ હોદ્દા પર હોવા છતાં નિયમોનું ઉલ્લંઘન કરવા બદલ વહીવટી તંત્ર દ્વારા આ આકરી કાર્યવાહી કરવામાં આવી છે.

કલેક્ટરની ગરિમાપૂર્ણ બેઠકોમાં વારંવાર ટી-શર્ટ પહેરીને આવવાનો આરોપ

મળતી માહિતી મુજબ, જિલ્લા કલેક્ટરની (District Collector) અધ્યક્ષતામાં યોજાતી મહત્વની વહીવટી બેઠકોમાં (Official Meetings) ડેપ્યુટી કમિશનર દર્શનસિંહ ચાવડા પ્રોફેશનલ કપડાંને બદલે કેઝ્યુઅલ ટી-શર્ટ (T-Shirt) પહેરીને હાજર રહેતા હતા. એક ઉચ્ચ અધિકારી તરીકે સત્તાવાર મિટિંગોમાં આ પ્રકારનો પહેરવેશ શિસ્તની વિરુદ્ધ હોવાનું વરિષ્ઠ અધિકારીઓના ધ્યાને આવ્યું હતું. તેઓ વારંવાર આવી બેઠકોમાં ટી-શર્ટ પહેરીને જ આવતા હોવાથી આખરે તંત્રએ શિસ્ત જાળવવા માટે તેમને સત્તાવાર નોટિસ પાઠવી ખુલાસો માંગ્યો છે.

આ પણ વાંચો: Gujarat Rain Update: ગુજરાતમાં મેઘરાજાની તોફાની બેટિંગ, 8 કલાકમાં 141 તાલુકા પાણી-પાણી, જાણો ક્યાં કેટલો પડ્યો વરસાદ