Mehsana News: અણખોલ ગામે બોલાચાલીમાં યુવકની હત્યા, મામાના દીકરાએ જ લીધો જીવ

નજીવી બાબતે હિંસક હુમલો

પ્રાપ્ત માહિતી અનુસાર, ઘટનાની રાત્રિએ લેબર કોલોનીમાં રહેતા કેટલાક શ્રમિકો જમી રહ્યા હતા. આ દરમિયાન નજીવી બાબતે બોલાચાલી શરૂ થઈ હતી અને ઝઘડો ઉગ્ર બન્યો હતો. ઝઘડા દરમિયાન ગાળો બોલવા બાબતે મામલો બિચક્યો હતો. આ સમયે વચ્ચે-બચાવ કરવા માટે પહોંચેલા ઇન્દ્રજીત નિશાદ પર આરોપીએ હુમલો કર્યો હતો.

માથામાં ગંભીર ઈજાઓ પહોંચતાં મોત

આરોપીએ આવેશમાં આવીને લાકડાનો ફટકો ઇન્દ્રજીત નિશાદના માથાના ભાગે માર્યો હતો. માથામાં ગંભીર ઈજા થવાને કારણે ઇન્દ્રજીત ઘટનાસ્થળે જ ઢળી પડ્યો હતો અને ગંભીર ઈજાઓને પગલે તેનું મોત નિપજ્યું હતું. આ મામલે પ્રાપ્ત ફરિયાદ મુજબ, હુમલો કરનાર અન્ય કોઈ નહીં પણ મૃતક ઇન્દ્રજીતનો મામાનો દીકરો આકાશ નિશાદ હોવાનું સામે આવ્યું છે.

કડી પોલીસે હત્યાનો ગુનો નોંધ્યો

સંબંધી દ્વારા જ કરવામાં આવેલા આ જીવલેણ હુમલાથી આસપાસના લોકો સ્તબ્ધ થઈ ગયા હતા. બનાવની જાણ થતા જ કડી પોલીસનો કાફલો તાત્કાલિક ઘટનાસ્થળે દોડી આવ્યો હતો. પોલીસે લાશને કબજે કરી પોસ્ટમોર્ટમ માટે મોકલી આપી હતી અને આકાશ નિશાદ વિરુદ્ધ હત્યાનો ગુનો નોંધી કાયદેસરની કાર્યવાહી હાથ ધરી છે. હાલ પોલીસ આરોપીની ધરપકડ કરીને આ સમગ્ર ઘટના પાછળનું ચોક્કસ કારણ જાણવા માટે વધુ તપાસ કરી રહી છે.

આ પણ વાંચોઃ Mehsana: વિસનગરમાં બિનહરીફ ચૂંટાયેલા નગરસેવક દીપક મોદીએ ટ્રેન નીચે પડતું મૂકી કર્યો આપઘાત

આ પણ વાંચોઃ Kalol News: માતા, પુત્રી અને દોહિત્રીનો આપઘાત, શું ભાભી ત્રાસ આપતી હતી?