Mehsana News: કડીમાં રસ્તાઓ પર પાણી ભરાતા વાહનચાલકો અટવાયા, પૂર્વ નાયબ મુખ્યમંત્રી નીતિનભાઈ પટેલે નિરીક્ષણ કરી અધિકારીઓને આપ્યા સૂચન

કડી શહેરમાં પાણી ભરાતા ટ્રાફિક વ્યવસ્થા ખોરવાઈ

વરસાદી પાણી અને ટ્રાફિકની વિકટ પરિસ્થિતિને ધ્યાનમાં રાખીને ગુજરાતના પૂર્વ નાયબ મુખ્યમંત્રી નીતિનભાઈ પટેલ તાત્કાલિક અસરથી સ્થળ પર પહોંચ્યા હતા. તેમણે જાતે જ અસરગ્રસ્ત વિસ્તારોનું નિરીક્ષણ કર્યું હતું.

પોલીસ અધિકારીઓ સાથે નીતિનભાઈ પટેલે સમીક્ષા કરી

સ્થળ પર પહોંચ્યા બાદ નીતિનભાઈ પટેલે ડીવાયએસપી (DySP) સહિતના સ્થાનિક પોલીસ અધિકારીઓ સાથે એક મહત્વપૂર્ણ બેઠક કરી હતી. આ સમીક્ષા દરમિયાન તેમણે ટ્રાફિક વ્યવસ્થાને કેવી રીતે સુચારુ બનાવવી અને પાણીના નિકાલ માટે શું વ્યવસ્થા કરી શકાય, તે અંગે અધિકારીઓને જરૂરી સૂચનાઓ આપી હતી.

ટ્રાફિક વ્યવસ્થા સુચારુ બનાવવા માટે સૂચના આપી

સ્થાનિક નાગરિકોને ટ્રાફિક અને પાણી ભરાવાની સમસ્યાથી મુક્તિ મળે તે માટે તંત્રને સક્રિય થઈ કામ કરવા તાકીદ કરવામાં આવી છે. હાલમાં તંત્ર દ્વારા પાણીના નિકાલની કામગીરી અને ટ્રાફિકને નિયંત્રિત કરવાના પ્રયાસો હાથ ધરવામાં આવ્યા છે.

આ પણ વાંચો:  Hakabha Gadhvi On Jetpur Andolan: "સરકાર પાસે 25 કરોડની માંગણી કરો, 2 કરોડ એડવાન્સ લો" હકાભા ગઢવીએ કર્યા સનસનીખેજ ખુલાસા