Mehsana-Kadi : સગીરા પર દુષ્કર્મ આચરનાર બે ને 25 વર્ષની સખત કેદ
- મહેસાણા સ્પેશ્યિલ પોક્સો કોર્ટે આપ્યો ઐતિહાસિક ચુકાદો
- વિવિધ કલમો હેઠળ બન્ને આરોપીઓને 25 વર્ષ સખત કેદની સજા
- 24 ફેબ્રુઆરી 2024ના રોજ 16 વર્ષીય સગીરા પર થયું હતુ દુષ્કર્મ
- ગામની સીમમાં 2 નરાધમોએ આચર્યુ હતુ દુષ્કર્મ
Mehsana-Kadi : આજે મહેસાણાની સ્પેશિયલ પોક્સો કોર્ટ દ્વારા ઐતિહાસિક ચૂકાદો આપવામાં આવ્યો છે. કડી તાલુામાં આવેલી એક ગામની સીમમાં બે નરાધમોએ સગીરાનો દેહ ચૂંથ્યો હતો. આ મામલે આજે કોર્ટે બંને આરોપીઓને 25 વર્ષ સખત કેદની સજા ફટકારી છે. અત્રે નોંધનીય છે કે, આ ઘટના ફેબ્રુઆરી, 2024 ના રોજ ઘટી હતી. જેમાં આજે કોર્ટે ચૂકાદો સંભળાવ્યો છે.
Mehsana-Kadi, મરજી વિરૂદ્ધ દુષ્કર્મ આચર્યું
24, ફેબ્રુઆરી 2024 ના રોજ આરોપી નરેશજી નટુજી ઠાકોરે સગીરાને બળજબરીથી પકડી મિલની ઓરડીમાં લઈ જઈ તેની મરજી વિરુદ્ધ તેના પર દુષ્કર્મ આચર્યું હતું. તે બાદ અન્ય આરોપી અજયજીએ સગીરાનું અપહરણ કરીને, તેને મોટરસાયકલ પર બેસાડી સિદ્ધેશ્વરી માતાના મંદિર પાસેની બાવળની ઝાડીઓમાં લઈ જઈ ફરીથી તેના પર તેની મરજી વિરૂદ્ધ દુષ્કર્મ આચર્યું હતું, ખોટા કૃત્યને અંજામ આપ્યા બાદ તેણે સગીરાને જાનથી મારી નાંખવાની ધમકી આપી હતી.
આ પણ વાંચો ------- Kutch : શિક્ષિકાનાં કૃત્યથી નખત્રાણાની અર્ચના સેન્ટ ઝેવિયર્સ સ્કૂલ ભારે વિવાદમાં સપડાઈ, CCTV ફૂટેજ વાઇરલ!
Mehsana-Kadi, વકીલ રેખાબેન જોષીએ ધારદાર દલીલો રજુ કરી
ઘટનાને અંજામ આપ્યા બાદ બંને આરોપીઓ વિરૂદ્ધ પોક્સોની કલમ હેઠળ ગુનો નોંધવામાં આવ્યો હતો. તે બાદ પોલીસે આરોપીઓને દબોચી લીધા હતા. કેસની સુનવણી દરમિયાન સરકારી વકીલ રેખાબેન જોષીએ ધારદાર દલીલો રજુ કરી હતી. અને કોર્ટ સમક્ષ 34 દસ્તાવેજી પુરાવાઓ રજૂ કરવામાં આવ્યા હતા, અને 12 સાક્ષીઓની તપાસ કરવામાં આવી હતી. અંતે સ્પેશિયલ પોક્સો કોર્ટે બંને આરોપીઓને કસૂરવાર જાહેર કર્યા હતા.
પીડિતાને રૂ. 1 લાખનું વળતર ચૂકવવા આદેશ કરાયો
કોર્ટે મુખ્ય આરોપી નરેશજી નટુજી ઠાકોર અને અજયજી વિરાજી ઠાકોરને પોક્સો એક્ટની કલમ હેઠળ 25 વર્ષની સખત કેદ અને રૂ. 5 હજારનો દંડ ફટકાર્યો છે, સાથે જ કોર્ટે ભોગ બનનાર સગીરાને રૂ. 1 લાખનું વળતર આપવાનો પણ આદેશ કર્યો છે.
આ પણ વાંચો ------- વડોદરાના અકોટા મારપીટ કાંડ: પોલીસે બે શખ્સોની કરી અટકાયત