Mehsana News: પતિ, સાસુ અને નણંદનો અત્યાચાર, ગર્ભવતી પત્નીને પેટ પર લાત મારતા બાળકનું મૃત્યુ

Mehsana માં પતિએ પત્નીને લાતો મારી ગર્ભમાં રહેલા બાળકને મારી નાખ્યું

મળતી માહિતી મુજબ, પીડિત મહિલા છેલ્લા ચાર મહિનાથી પતિ સાથેના રોજબરોજના ઝઘડાથી કંટાળીને પોતાના પિયર જતી રહી હતી. દરમિયાન, પતિએ રિસાયેલી પત્નીને ઘરે પરત તેડાવવા માટે દબાણ કર્યું હતું. પત્નીની વાત માનીને સાસુ તેને મૂકવા માટે આવ્યા હતા. પરંતુ, પત્નીના ઘરે પહોંચતા જ પતિને જાણ થઈ કે પત્ની ગર્ભવતી છે.

ગર્ભસ્થ બાળક પર શંકા

પત્ની ગર્ભવતી હોવાનું જાણતા જ પતિનો પિત્તો ગયો હતો. તેણે ગર્ભમાં રહેલા બાળકની પવિત્રતા પર સવાલ ઉઠાવ્યા હતા. આ મામલે પતિ કાળુસિંહ લાલસિંહ રાઠોડની સાથે સાસુ મંગુબા, નણંદ કાજલબા અને માસીજી ચંદ્રિકાબેન ગોવાજીએ મહિલા પર હુમલો કર્યો હતો.

લાડોલ પોલીસ સ્ટેશનમાં નોંધાવી ફરિયાદ

આ હુમલા દરમિયાન પતિએ પત્નીને પેટના ભાગે જોરદાર લાતો મારી હતી. આ પાશવી મારપીટને કારણે ગર્ભમાં રહેલા બાળકે ગર્ભમાં જ દમ તોડી દીધો હતો. આ ઘટના બાદ પીડિત મહિલાએ લાડોલ પોલીસ સ્ટેશનમાં ચારેય આરોપીઓ વિરુદ્ધ ફરિયાદ નોંધાવી છે. પોલીસે હાલ આ મામલે કાયદેસરની કાર્યવાહી હાથ ધરી છે.

આ પણ વાંચો:  પ્રેમિકાના હત્યારાને બચાવવા નકલી ખેલ, ગુજરાત હાઈકોર્ટે પકડી પાડી મહિલા વકીલની ચોરી, જાણો શું છે આખો મામલો