Rajkot News: કુવાડવા પોલીસ સ્ટેશનના PI વી.આર. વસાવા સસ્પેન્ડ, શું છે કારણ?

મોટી માત્રામાં વિદેશી દારૂ પકડાયો હતો

ઘટનાની વિગત મુજબ, SMC ની ટીમે કુવાડવા વિસ્તારમાં આવેલા આર.કે. નાઇન (RK9) ઇન્ડસ્ટ્રીયલ એરિયામાં ઓચિંતી તપાસ હાથ ધરી હતી. આ દરોડા દરમિયાન જંગલેશ્વર વિસ્તારના કુખ્યાત અને લિસ્ટેડ બુટલેગર ફિરોઝ સંધીનો પર્દાફાશ થયો હતો. સ્થળ પરથી આશરે રૂપિયા 70.38 લાખની કિંમતનો વિદેશી દારૂ (Foreign Liquor) જપ્ત કરવામાં આવ્યો હતો.

1 કરોડ રૂપિયાથી વધુનો મુદ્દામાલ જપ્ત કર્યો હતો

પોલીસની પ્રાથમિક તપાસમાં જાણવા મળ્યું છે કે આ દરોડામાં કુલ 217 પેટી વિદેશી દારૂનો જથ્થો અને દારૂની હેરાફેરી માટે ઉપયોગમાં લેવાયેલું ટ્રક (Truck) પણ કબજે કરવામાં આવ્યું છે. દારૂ અને વાહન મળીને કુલ એક કરોડ રૂપિયાથી વધુનો મુદ્દામાલ (Seized Goods) જપ્ત કરીને SMC એ કાયદેસરની કાર્યવાહી હાથ ધરી હતી.

ઉચ્ચ કક્ષાએથી કડક પગલાં

આટલી મોટી માત્રામાં દારૂનો જથ્થો પોલીસ સ્ટેશનની હદમાં હોવાથી બેદરકારી દાખવવી તે ગંભીર વિષય બન્યો હતો. આ બાબતને ધ્યાનમાં લઈને રાજકોટ પોલીસ કમિશનર (Police Commissioner) બ્રિજેશકુમાર ઝાએ ત્વરિત પગલાં ભરતા PI વી.આર. વસાવાને તાત્કાલિક અસરથી સસ્પેન્ડ કરવાનો આદેશ આપ્યો હોવાનું કહેવાઈ છે. ઉચ્ચ અધિકારીના આ કડક વલણને કારણે સ્થાનિક પોલીસ વિભાગમાં ભારે ફફડાટ જોવા મળી રહ્યો છે. હાલ આ સમગ્ર કેસની તપાસ વધુ તેજ બનાવવામાં આવી છે અને બુટલેગર ફિરોઝ સંધીની ધરપકડ માટે પણ ચક્રો ગતિમાન કરવામાં આવ્યા છે.

આ પણ વાંચોઃ Amreli News: જાફરાબાદમાં વાહનો પાછળ દોડી હુમલો કર્યા બાદ સિંહનું રહસ્યમય મોત