Pharma Industry: ગુજરાતના ફાર્મા ઉદ્યોગ પર યુદ્ધનું ગ્રહણ, ટ્રાન્સપોર્ટેશન ઠપ થતા કન્ટેનરના ભાવ ચાર ગણા વધ્યા

Pharma Industry: ઉત્પાદન અને મેન્યુફેક્ચરિંગ ખર્ચમાં મોટો ઉછાળો

યુદ્ધની સ્થિતિને કારણે ઈંધણના ભાવ અને સપ્લાય પર માઠી અસર પડી છે. ફાર્મા કંપનીઓમાં વપરાતા LPG કનેક્શન અને બોઈલર (Boiler) ના સંચાલનમાં મુશ્કેલીઓ ઊભી થતા મેન્યુફેક્ચરિંગ ખર્ચ (Manufacturing Cost) આસમાને પહોંચ્યો છે. આ વધારાને કારણે કંપનીઓ માટે દવાઓના ભાવ સ્થિર રાખવા પડકારજનક બન્યા છે.

Pharma Industry: ટ્રાન્સપોર્ટેશન અને સપ્લાય ચેઈન ખોરવાઈ

વૈશ્વિક અશાંતિના કારણે દરિયાઈ અને હવાઈ માર્ગે થતા ટ્રાન્સપોર્ટેશન (Transportation) માં મોટા અવરોધો ઊભા થયા છે. અનેક દેશોમાં માલ મોકલવાનું સંપૂર્ણપણે બંધ થઈ ગયું છે. જ્યાં નિકાસ ચાલુ છે, ત્યાં કન્ટેનરના ભાડામાં 4 ગણો (4 times) વધારો ઝીંકાયો છે. મધ્ય પૂર્વના દેશોમાં દવાઓની પુષ્કળ માંગ હોવા છતાં, ઊંચા નૂર ભાડા અને ટ્રાન્સપોર્ટની સમસ્યાને કારણે સપ્લાય ચેઈન (Supply Chain) સંપૂર્ણપણે ખોરવાઈ ગઈ છે.

આ પણ વાંચો--- Gandhinagar : ઉત્તમ કે મધુર? બે ડેરીઓના ઝઘડામાં પશુપાલકો કેમ પિસાયા, જાણો શું છે આખો મામલો

Pharma Industry: ઓર્ડર હોવા છતાં માલ પહોંચાડવો મુશ્કેલ

ઉદ્યોગ જગતના સૂત્રોના જણાવ્યા અનુસાર, ઘણી કંપનીઓ પાસે વિદેશી ઓર્ડર (Orders) ઉપલબ્ધ છે અને પેમેન્ટ (Payment) પણ આવી ગયું છે, તેમ છતાં માલની ડિલિવરી કરવી મુશ્કેલ બની રહી છે. એકલા મહેસાણા જિલ્લામાં જ 150 થી વધુ ફાર્મા કંપનીઓ (Pharma Companies) આવેલી છે જે હાલ આ કપરી પરિસ્થિતિનો સામનો કરી રહી છે.

ગુજરાતના આ મહત્વપૂર્ણ ઉદ્યોગને બચાવવા માટે હવે ઉદ્યોગપતિઓ સરકાર (Government) હસ્તક્ષેપ કરે અને નિકાસ સહાયમાં વધારો કરે તેવી આશા રાખી રહ્યા છે.

આ પણ વાંચો--- Gujarat CM-DyCM : પ્રોટોકોલના ઘેરા વગર નાગરિકો સાથે સહજતાથી સંવાદ કરતા CM ભૂપેન્દ્રભાઈ પટેલ અને DyCM હર્ષભાઈ સંઘવી