Vadnagar Heritage Reel Contest 2026 : ગુજરાતના પ્રાચીન અને ઐતિહાસિક નગર વડનગરના ભવ્ય, આધ્યાત્મિક અને સાંસ્કૃતિક વારસાને વૈશ્વિક સ્તરે પહોંચાડવા માટે ગુજરાત સરકાર દ્વારા એક વિશેષ ડિજિટલ પહેલ કરવામાં આવી છે. 'શ્રાવણોત્સવ 2026 ' ના પાવન અવસર પર MyGov ગુજરાત પોર્ટલના માધ્યમથી 'Shravanotsav@Vadnagar' રીલ સ્પર્ધાનું ભવ્ય આયોજન કરવામાં આવ્યું છે, જેનો પ્રથમ તબક્કો 'અનંત અનાદિ વડનગર' થીમ પર આધારિત છે. આ સ્પર્ધામાં ભાગ લેવા માટે અને વડનગરના ઇતિહાસને પોતાની કળા દ્વારા રજૂ કરવા માટે આજે એટલે કે 12 ઓગસ્ટ,2026 ના રોજ અંતિમ તક છે.
સ્પર્ધાનો મુખ્ય ઉદ્દેશ્ય અને આકર્ષક રોકડ ઇનામો
આ સ્પર્ધાનો મુખ્ય હેતુ યુવાનો અને કળાપ્રેમીઓને ડિજિટલ માધ્યમ દ્વારા વડનગરના અતિ પ્રાચીન ઇતિહાસ, કીર્તિ તોરણ, હાટકેશ્વર મહાદેવ મંદિર, શર્મિષ્ઠા તળાવ અને ત્યાંની સમૃદ્ધ સંસ્કૃતિથી લોકોને અવગત કરાવવાનો છે. સ્પર્ધામાં વિજેતા બનનારા પ્રતિભાશાળી કન્ટેન્ટ ક્રિએટર્સને પ્રોત્સાહિત કરવા માટે ગુજરાત સરકાર દ્વારા આકર્ષક રોકડ ઇનામોની જાહેરાત કરવામાં આવી છે.
Advertisement ![Navratri Banner]()
- પ્રથમ ઇનામ: રુ. 31,000/- ની રોકડ રકમ
- દ્વિતીય ઇનામ: રુ. 21,000/- ની રોકડ રકમ
- તૃતીય ઇનામ: રુ. 11,000/- ની રોકડ રકમ
ભાગ લેવા માટેના મુખ્ય નિયમો અને માપદંડોસ્પર્ધાને વધુ પારદર્શક અને ગુણવત્તાસભર બનાવવા માટે આયોજકો દ્વારા ચોક્કસ નિયમો નિર્ધારિત કરવામાં આવ્યા છે.
1. સમય મર્યાદા: રીલ વિડિયો સંપૂર્ણપણે ઓરિજિનલ (મૂળ કૃતિ) હોવો જોઈએ અને તેની સમય મર્યાદા 30 થી 60 સેકન્ડની વચ્ચે હોવી અનિવાર્ય છે.
2. ગુણવત્તા (રિઝોલ્યુશન): વિડિયોની વિઝ્યુઅલ ક્વોલિટી ન્યૂનતમ 720 p કે તેથી વધુ હોવી જોઈએ જેથી વારસો સ્પષ્ટ રીતે જોઈ શકાય.
3. ભાષા: ક્રિએટર્સ પોતાની રીલ ગુજરાતી, હિન્દી અથવા અંગ્રેજીમાંથી કોઈપણ એક ભાષામાં બનાવી શકે છે.
4. યોગ્યતા: આ સ્પર્ધા સામાન્ય જનતાની સાથે-સાથે સરકારી કર્મચારીઓ માટે પણ ખુલ્લી રાખવામાં આવી છે, જેથી વ્યાપક સ્તરે લોકો જોડાઈ શકે.
ભાગ લેવાની સરળ પ્રક્રિયા
સ્પર્ધામાં ભાગ લેવા ઈચ્છતા સ્પર્ધકોએ સૌપ્રથમ પોતાની ઓરિજિનલ રીલ વિડિયોને પોતાના સોશિયલ મીડિયા હેન્ડલ (Instagram અથવા YouTube) પર 'Public' મોડમાં પોસ્ટ કરવાની રહેશે. ત્યારબાદ, તે વિડિયોની લિંકને MyGov ગુજરાતના સત્તાવાર પોર્ટલ પર જઈને નિયત ફોર્મમાં સબમિટ કરવાની રહેશે. આજે આ સ્પર્ધાનો છેલ્લો દિવસ હોવાથી સોશિયલ મીડિયા પર કન્ટેન્ટ ક્રિએટર્સમાં ભારે ઉત્સાહ જોવા મળી રહ્યો છે અને વડનગરના ઇતિહાસને દર્શાવતી અનેક સુંદર રીલ્સ ડિજિટલ પ્લેટફોર્મ પર ધૂમ મચાવી રહી છે.
આ પણ વાંચો: Jagdish Vishwakarma Birthday: ગુજરાત ભાજપ પ્રદેશ પ્રમુખ જગદીશભાઈ વિશ્વકર્મા, સંગઠનાત્મક કૌશલ્ય અને જમીન સાથે જોડાયેલા નેતાની અનોખી સફર
