Hakabha Gadhvi News: હકાભા ગઢવીને મળી પોલીસ સુરક્ષા, નિલેશ અડવાડિયા વિરુદ્ધ ખુલાસો કર્યા બાદ જીવનું જોખમ

સુરક્ષાની માંગ કેમ કરવામાં આવી હતી?

તાજેતરમાં સોશિયલ મીડિયામાં એક ઓડિયો ક્લિપ વાયરલ થઈ હતી આ ક્લિપમાં ખેડૂત આગેવાન નિલેશ અડવાડિયા સાથેની તેમની વાતચીત સામે આવી હતી, જેમાં કથિત રીતે ખેડૂત આંદોલનમાં તેમને ન જવા દેવાની વાતચીત કરવામાં આવી હતી. આ મામલે હકાભા ગઢવીએ પ્રેસ કોન્ફરન્સ કરીને અનેક મોટા ખુલાસા કર્યા હતા જેમાં તેમણે નિલેશ એરવાડિયાએ સરકાર પાસે 25 કરોડની માંગણી અને વાતચીત કરવા જવા માટે 2 કરોડ રૂપિયા એડવાન્સ લેવાની વાત કરવામાં આવી હતી. હકાભાએ ખુલાસો કર્યો હતો કે નિલેશ અડવાડિયાએ તેમને 1 કરોડ રૂપિયાના ભાગબટાઈની ઓફર આપી હતી. આ ખુલાસો કર્યા બાદ હકાભાએ સ્પષ્ટ કહ્યું હતું કે, આ ગદ્દારોને ખુલ્લા પાડવા બદલ તેમને અને તેમના પરિવારને જીવનું જોખમ છે, તેથી તેમને તાત્કાલિક સુરક્ષાની જરૂર છે.

પોલીસની ત્વરિત કાર્યવાહી

હકાભા ગઢવીની સુરક્ષાની માંગને ગંભીરતાથી લઈને તંત્રએ હળવદ ખાતે તેમના ઘરે પોલીસ પ્રોટેક્શન મોકલી આપ્યું છે. અત્યારે હકાભા ગઢવીના પરિવારની સુરક્ષા માટે પોલીસનો ચુસ્ત બંદોબસ્ત ગોઠવવામાં આવ્યો છે. હકાભાએ આંદોલન દરમિયાન સરકારની જાહેરાતોને આવકારી હતી અને ખેડૂતોના હિતમાં પોતે મક્કમ હોવાનું જણાવ્યું હતું.

 

View this post on Instagram

 

A post shared by Gujarat First (@gujaratfirst)

આ સમગ્ર પ્રકરણ બાદ ખેડૂત આંદોલનના નેતાઓની વિશ્વસનીયતા પર અનેક સવાલો ઉભા થયા છે અને લોકો હવે આવા 'વિભીષણો'ને ઓળખવાની વાત કરી રહ્યા છે.

આ પણ વાંચો:  Hakabha Gadhvi On Jetpur Andolan: "સરકાર પાસે 25 કરોડની માંગણી કરો, 2 કરોડ એડવાન્સ લો" હકાભા ગઢવીએ કર્યા સનસનીખેજ ખુલાસા