Morbi: હળવદમાં પિયતના પાણીને લઈ હલ્લાબોલ, 7થી વધુ ગામના ખેડૂતો દ્વારા વિરોધ પ્રદર્શન

મગફળી અને કપાસના પાકને બચાવવા છેલ્લી આશા

સ્થાનિક ખેડૂતોના જણાવ્યા અનુસાર, ચાલુ વર્ષે વિસ્તારમાં મોટા પાયે મગફળી (Groundnut) અને કપાસ (Cotton) જેવા રોકડીયા પાકોનું વાવેતર કરવામાં આવ્યું છે. વાવેતર કર્યા બાદ હવે પાકને જીવતદાન આપવા માટે પિયતના પાણીની સખત જરૂર છે. જો આગામી થોડા દિવસોમાં ડેમમાંથી કેનાલ મારફતે પાણી છોડવામાં નહીં આવે, તો લાખો રૂપિયાનો ખર્ચ કરીને તૈયાર કરેલો પાક નિષ્ફળ (Crop Failure) જવાની પૂરેપૂરી શક્યતા છે. આ જ ચિંતામાં હળવદ તાલુકાના ખેડૂતો સંગઠિત થઈને પોતાની માંગણીઓ રજૂ કરવા પહોંચ્યા છે.

ધનાળા, મયુરનગર સહિતના 7 ગામોના ખેડૂતો મેદાને

બ્રાહ્મણી-2 ડેમ એ આસપાસના ગ્રામ્ય વિસ્તારો માટે જીવાદોરી સમાન છે. આ ડેમમાંથી મુખ્યત્વે 7થી વધુ ગામોને પિયત માટે પાણી પૂરું પાડવામાં (Water Supply) આવે છે. પાણીની માંગ સાથે જે ગામોના ખેડૂતોએ હલ્લાબોલ કર્યો છે તેમાં ધનાળા, મયુરનગર, ધુળકોટ, સુરવદર, ટીકર, ઘાટીલા અને દેવળીયા સહિતના ગામોનો સમાવેશ થાય છે. આ તમામ ગામોના ખેડૂતોનું કહેવું છે કે ડેમમાં પર્યાપ્ત પાણી હોવા છતાં તંત્ર દ્વારા પાણી છોડવામાં વિલંબ કરવામાં આવી રહ્યો છે, જેના લીધે ખેડૂતોમાં ભારે રોષ (Resentment) જોવા મળી રહ્યો છે. ખેડૂતોએ ચીમકી આપી છે કે જો વહેલી તકે પાણી નહીં મળે તો આ આંદોલન વધુ ઉગ્ર બનશે.

આ પણ વાંચોઃ Porbandar: માછીમારો માટે મોટા સમાચાર, હવે ઊંડા દરિયામાં જવા આ પાસ થયો ફરજિયાત!