Morbi Massive Fire: રફાળેશ્વર GIDC માં ભીષણ આગ, હજારો મણ મગફળીનો જથ્થો રાખ

1.59 લાખ બોરી મગફળીનો જથ્થો રાખવામાં આવ્યો હતો

પ્રાથમિક માહિતી મુજબ આગની ઘટનાની જાણ થતાં જ આસપાસના વિસ્તારોમાં દોડધામ મચી ગઈ છે. જે કારખાનામાં આ ઘટના બની છે, તે લાંબા સમયથી બંધ હોવાનું જાણવા મળ્યું છે, પરંતુ તેને ગોડાઉન તરીકે ભાડે આપવામાં આવ્યું હતું. સૌથી ચોંકાવનારી વિગત એ છે કે, આ ગોડાઉનમાં અંદાજે 1.59 લાખ બોરી મગફળીનો જથ્થો (Groundnut Stock) રાખવામાં આવ્યો હતો. આટલી મોટી માત્રામાં મગફળી સળગી જવાથી સરકાર અને વેપારીઓને મોટું આર્થિક નુકસાન થયું હોવાનું અનુમાન છે.

ધુમાડાના ગોટેગોટા દૂર-દૂર સુધી જોવા મળ્યા

આગની તીવ્રતા એટલી વધારે હતી કે ધુમાડાના ગોટેગોટા દૂર-દૂર સુધી જોવા મળ્યા  છે. આગની જ્વાળાઓએ જોતજોતામાં આખા ગોડાઉનને પોતાની લપેટમાં લઈ લીધું છે. સ્થાનિક લોકોએ તાત્કાલિક ફાયર વિભાગને જાણ કરતા મોરબી અને આસપાસના વિસ્તારોમાંથી ફાયર ફાઈટર (Fire Fighter) કાફલો ઘટનાસ્થળે દોડી આવ્યો હતો. આગને કાબૂમાં લેવા માટે કુલ 7  જેટલા ફાયર ફાઈટર સતત જહેમત ઉઠાવી રહ્યા છે.

આગ લાગવાનું ચોક્કસ કારણ હજુ સુધી જાણી શકાયું નથી, પરંતુ શોર્ટ સર્કિટ (Short Circuit) કે અન્ય કોઈ કારણસર આગ લાગી હોવાની શક્યતાઓ સેવાઈ રહી છે.

આ પણ વાંચોઃ Amreli: શેડુભારમાં રેલવે કામગીરી બાદ ખેડૂતો પરેશાન, તંત્ર સામે ભારે રોષ, જાણો શું કરી રહ્યા છે માગ?