Morbi News: હળવદમાં શરમજનક ઘટના, પતિને જાનથી મારી નાખવાની ધમકી આપી પરિણીતા પર દુષ્કર્મ, આરોપી ભાવેશ ખેંગાર સામે ફરિયાદ

Morbi માં પતિને મારી નાખવાની ધમકી આપી મહિલા સાથે દુષ્કર્મ

મળતી માહિતી મુજબ, હળવદના ગ્રામ્ય વિસ્તારમાં મજૂરી કરીને પોતાનું ગુજરાન ચલાવતા એક પરિવારની મહિલાને આરોપી ભાવેશ ખેંગાર દ્વારા નિશાન બનાવવામાં આવી હતી. આરોપીએ મહિલાના પતિને જાનથી મારી નાખવાની ગંભીર ધમકી આપી હતી. આ ડર અને ખોફનો લાભ ઉઠાવી આરોપીએ મહિલા સાથે દુષ્કર્મ આચર્યું હોવાનું ફરિયાદમાં જણાવ્યું છે.

પોલીસે હાથ ધરી તપાસ

પીડિત મહિલાએ હિંમત દાખવી હળવદ પોલીસ મથકે આરોપી ભાવેશ ખેંગાર વિરુદ્ધ ફરિયાદ નોંધાવી છે. મામલાની ગંભીરતાને ધ્યાનમાં રાખીને, આ કેસની તપાસ હાલ મોરબી એસટી-એસસી (ST/SC) સેલના ડીવાયએસપી (DySP) દ્વારા હાથ ધરવામાં આવી છે. પોલીસ દ્વારા આરોપીની ધરપકડ કરવા માટેની આગળની કાર્યવાહી અને પુરાવા એકત્રિત કરવાની તજવીજ હાથ ધરવામાં આવી છે.

આ પણ વાંચો: Anand News: બોરસદમાં પી.આઈ. પી.પી. વસાવાએ બાઈકને અડફેટે લીધું, બે યુવકો ઘાયલ