Morbi News: કૂવામાં રહસ્યમય હલચલથી લોકોમાં ભારે કૌતુક: પાણી આપમેળે ઉછળવા લાગ્યું!
Morbi News: મોરબી (Morbi) તાલુકાના વીરપરડા (Virparda) ગામે આવેલા એક રહસ્યમય કૂવામાંથી એક અચરજ પમાડે તેવી કુદરતી ઘટના સામે આવી છે. કૂવામાં રહેલું પાણી કોઈ પણ દેખીતા કારણ વગર આપમેળે ઉછળવા અને હાલક-ડોલક થવા લાગતાં સ્થાનિક ગ્રામજનોમાં ભારે કૌતુક અને આશ્ચર્ય ફેલાયું છે. બે દિવસ અગાઉ બનેલી આ ઘટના બાદ વચ્ચે થોડો સમય હલચલ શાંત પડી હતી, પરંતુ ગત બપોરથી કૂવાના પાણીમાં ફરીથી તે જ પ્રકારે વિચિત્ર હલચલ શરૂ થઈ જતાં સમગ્ર પંથકમાં ચર્ચાનો વિષય બન્યો છે.
સ્થાનિકોના જણાવ્યા અનુસાર, વીરપરડા (Virparda) ગામના આ કૂવામાં બે દિવસ પહેલાં સૌપ્રથમવાર પાણીમાં ઉકાળા આવતા હોય તે પ્રકારની હલચલ જોવા મળી હતી. તે ઘટના બાદ ગઇકાલ બપોર સુધી કૂવાનું પાણી સામાન્ય થઈ ગયું હતું. પરંતુ, ગઇકાલે બપોરે 3 વાગ્યાના અરસપરસમાં કૂવાનું પાણી ફરીથી આપમેળે ઉછળવા લાગ્યું હતું અને અંદર ભારે હલચલ શરૂ થઈ ગઈ હતી. કૂવામાં અચાનક થતી આ પ્રકારની પ્રવૃત્તિ જોવા માટે આસપાસના વિસ્તારોમાંથી લોકોના ટોળાં ઉમટી પડ્યા હતા.
ઘટના પાછળનું કારણ અકબંધ, ભૂકંપ ઝોનને લઈને લોકમુખે ચર્ચા
આ પ્રકારની ઘટના બનવા પાછળનું ચોક્કસ કારણ હજુ સુધી અકબંધ રહ્યું છે અને વૈજ્ઞાનિક તપાસ બાદ જ સત્ય સામે આવશે. જોકે, સ્થાનિક ગ્રામજનોનું માનવું છે કે મોરબી અને તેની આસપાસનો આ સમગ્ર વિસ્તાર ભૂકંપ ઝોનમાં (Earthquake Zone) આવતો હોવાના કારણે જમીનની અંદર ભૂગર્ભમાં થતી પ્લેટોની ગતિવિધિ અથવા ગેસના દબાણને લીધે કૂવાના પાણીમાં આ પ્રકારનો ઉભરો કે હલચલ જોવા મળી રહી હોઈ શકે છે. તંત્ર દ્વારા તપાસ પૂર્ણ થયા બાદ જ આ રહસ્ય પરથી પડદો ઊંચકાશે.
આ પણ વાંચો: Gujarat Rain Forecast: ઓગસ્ટમાં બે ગ્રહણ બદલશે વાતાવરણ! અંબાલાલ પટેલે આપી વરસાદની તારીખો