Patan: ધારાસભ્ય કિરીટ પટેલે ચીફ ઓફિસર સામે કેમ FIR નોંધવા માગ કરી?

સત્તાનો દુરુપયોગ સાથે ભ્રષ્ટાચારના આક્ષેપો

ધારાસભ્ય કિરીટ પટેલે આક્ષેપ કર્યો છે કે ચીફ ઓફિસર હિરલબેન સત્તાનો દુરુપયોગ (Misuse of power) કરી રહ્યા છે અને રાજકીય કિન્નાખોરી રાખીને તેમને હેરાન કરવામાં આવી રહ્યા છે. આ મામલે ધારાસભ્યએ રાજ્યના મુખ્યમંત્રી, વિજિલન્સ કમિશન અને પાટણના પોલીસ અધિક્ષક (SP) ને લેખિત ફરિયાદ આપીને કડક કાર્યવાહીની માગ કરી છે.

બિલ્ડરો સાથે મિલીભગતની આશંકા

ધારાસભ્યએ ચીફ ઓફિસર પર ગંભીર આક્ષેપ લગાવતા જણાવ્યું હતું કે, તેઓ પોતાના અંગત લાભ માટે અને અમુક ચોક્કસ બિલ્ડરોને ફાયદો કરાવવા માટે સરકારી નિયમોના ધજાગરા ઉડાવી રહ્યા છે. કિરીટ પટેલે જણાવ્યું કે, ફાયર એનઓસી (Fire NOC) વગર જ 821 જેટલી દુકાનોને બીયુ પરમિશનઆપી દેવામાં આવી છે.

કાયદાકીય કાર્યવાહીની માગ

આ સમગ્ર મામલે ધારાસભ્યએ માગ કરી છે કે હિરલબેન સામે ભારતીય ન્યાય સંહિતા (BNS) અને આઈટી એક્ટ (IT Act) હેઠળ ગુનો દાખલ થવો જોઈએ. સ્થાનિક વહીવટીતંત્રમાં આ પ્રકારના આક્ષેપોને પગલે ભારે ખળભળાટ મચી ગયો છે. હવે જોવું એ રહ્યું કે તંત્ર આ મામલે શું કાર્યવાહી કરે છે.

આ પણ વાંચોઃ Jetpur Farmer Protest: નિલેશ એરવાડિયાએ ઉપવાસ છાવણી છોડવાની કરી જાહેરાત, આંદોલન હવે કઈ દિશામાં?